ငလျင်ကို ဘယ်လိုရင်ဆိုင်ကြမှာလဲ အပိုင်း-၃ ( အပြည်ပြည်ဆိုင်ရာ ငလျင်အတွေ့အကြုံ နှင့် သေကြေပျက်စီးမှု )

ငလျင်ကို ဘယ်လိုရင်ဆိုင်ကြမှာလဲ အပိုင်း-၃ (အပြည်ပြည်ဆိုင်ရာငလျင်အတွေ့အကြုံနှင့် သေကြေပျက်စီးမှု)

ညွန့်အောင် ( မြစ်မခ )
by Myit Makha Mediagroup on 13 Mar, 2013

ငလျင်ကို ဘယ်လိုရင်ဆိုင်မှာလဲ အပိုင်း ၁ နှင့် ၂ တွင် ငလျင်လှုပ်သည့် အကြောင်းရင်း၊ ငလျင်ပြင်းအားနှင့် လှုပ်ခတ်မှု ပြင်းအား၊ ငလျင်ဒါဏ်ခံရခြင်းမှ သက်သာစေရန် အဆောက်အဦးဆောက်ရာတွင် လိုက်နာသင့်သည့် အချက်များကို ပညာရပ်ဆိုင်ရာစကားရပ်တွေကို တတ်နိုင်သမျှ အသုံးမပြုပဲရေးသားခဲ့ပါသည်။

သဘာဝဘေးအန္တရာယ်များသည် နေရာအနှံ့အပြားမှာကျရောက်နေနိုင်ပါသည်။ အာရှဒေသက သဘာဝဘေး အန္တရာယ်ကျရောက်မှု အများဆုံးဒေသဟု သတ်မှတ် ခံထားရပါသည်။ ငလျင်လှုပ်ခြင်း၊ ရေကြီးရေလျှံခြင်း၊ မြေပြို ခြင်း၊ ရွှံ့မြေပြိုခြင်း ဆူနာမီရေလှိုင်း တက်ခြင်း နှင့် မိုးခေါင်ရေရှားခြင်းစသည့် သဘာဝဘေးအန္တရာယ် များသည် အတိုင်းအတာပမာဏအမျိုးမျိုးဖြင့်   ဖြစ်ပေါ်လေ့ရှိပါသည်။

ဤသို့သော သဘာဝဘေးအန္တရာယ်များကြောင့် ပျက်စီးဆုံးရှုံးမှုများသည် ဒေသတွင်းနိုင်ငံများ၏ကြိုးစား တည် ဆောက်ဆဲဖွံ့ဖြိုးတိုးတက်မှုများကိုနှောင့်နှေး ပျက်စီးစေပါသည်။

ငလျင်ဒါဏ်ကြောင့် ဘယ်နေရာတွေမှာ ဘယ်လောက်ခံခဲ့ရပါသလဲ။

အမေရိကန်ပြည်ထောင်စုဘူမိဆိုင်ရာတိုင်းတာရေးအဖွဲ့၏မှတ်တမ်းများအရသမိုင်းတစ်လျှောက် ငလျင်လှုပ်ခတ်မှု မှတ်တမ်းကိုအောက်ပါအတိုင်းတွေ့ရပါသည်။ငလျင်ပြင်းအား အပြင်းဆုံးအဆင့်များကို ယခုလိုဖော်ပြထားသည်။

စဉ်	ရက်စွဲ	နေရာ	ငလျင်အမည်	အင်အား (ရစ်ခ်ျတာစကေး)
၁	၂၂-  ၅-၁၉၆၀	ဗာလ်ဒီဗီယာ ချီလီနိုင်ငံ	၁၉၆၀ ဗာလ်ဒီဗီယာငလျင်	၉.၅
၂	၂၇-  ၃-၁၉၆၄	အလာဆကာပြည်နယ်                 အ မေရိကန်ပြည်ထောင်စု	၁၉၆၄ အလာဆကာငလျင်	၉.၅
၃	၂၆-၁၂-၂၀၀၄	အိန္ဒိယ သမုဒ္ဒရာ   ဆူမတ်တရာ အင်ဒိုနီးရှား	၂၀၀၄  အိန္ဒိယ သမုဒ္ဒရာ ငလျင်	၉ .၁
၎	၄-၁၁-၁၉၅၂	ကမ်ချက်တာ ရုရှား	၁၉၅၂  ကမ်ချက်တာ ငလျင်	၉.၀
၅	၁၆-  ၉-၁၆၁၅	အရီကာ ချီလီ	၁၆၁၅ အရီကာ ငလျင်	၈.၈ (ခ)
၆	၂၅-၁၁-၁၈၃၃	ဆူမတြာ အင်ဒိုနီးရှား	၁၈၃၃ ဆူမတြာ ငလျင်	၈.၈-၉.၂ (ခ)
၇	၃၁-  ၁-၁၉၀၆	အီကွေဒေါ ကိုလွန်ဘီယာ	၁၉၀၆ အိကွေဒေါ ကိုလွန်ဘီယာငလျင်	၈.၈
၈	၂၇- ၂- ၂၀၁၀	မောလေ  ချီလီ	၂၀၁၀ ချီလီ ငလျင်	၈.၈
၉	၂၆- ၁- ၁၇၀၀	ပစိဖိတ်သမုဒ္ဒရာ ယူအက်စ်အေ နှင့် ကနေဒါ	၁၇၀၀ ကတ်ကာဒီယာငလျင်	၈.၇ (ခ)
၁၀	၈- ၇- ၁၇၃၀  ၁၂။	ဗာလ်ပါရိုင်ဆို ချီလီ	၁၇၃၀ ဗာလပါရိုင်ဆို ငလျင်	၈.၇ (ခ)
၁၁	၁ ၁-၁၁-၁၇၅၅	အတ်လန်တစ်သမုဒ္ဒရာ         လစ္စဘွန်း ပေါ်တူဂီ	၁၇၅၅ လစ္စဘွန်း ငလျင်	၈.၇ (ခ)
၁၂	၄- ၂- ၁၉၆၅	ရက်အိုင်လန်း အလာစကာ   ယူအက်စ်အေ	၁၉၆၅ ရက်အိုင်းလန်း ငလျင်	၈.၇
၁၃	၉- ၇-  ၈၆၉	ပစိဖိတ်သမုဒ္ဒရာ တိုဟိုကူနယ် ဂျပန်	၈၆၉ ဆန်ရီကူ ငလျင်	၈.၆ (ခ)
၁၄	၂၀- ၉-၁၄၉၈	ပစိဖိတ်သမုဒ္ဒရာ နန်ကိုင်း               ဂျပန်	၁၄၉၈ မေယို နန်ကိုင်ဒိုငလျင်	၈.၆ (ခ)
၁၅	၂၈-၁၀-၁၇၀၇	ပစိဖိတ်သမုဒ္ဒရာ၊ ရှိကိုကု               ဂျပန်	၁၇၀၇ ဟိုယေအီ ငလျင်	၈.၆ (ခ)
၁၆	၁၅- ၈-၁၉၅၀	အာသံ အိန္ဒိယ၊      တိဘက် တရုတ်	၁၉၅၀ အာသံ တိဘက် ငလျင်	၈.၆
၁၇	၉- ၃- ၁၉၅၇	အန်ဒရီယာနောဖ်ကျွန်း အလာစကာ၊ယူအက်စ်အေ	၁၉၅၇ အန်ဒရီယာနောဖ်ကျွန်းငလျင်	၈.၆
၁၈	၁- ၄- ၁၉၄၆	အလူရှန်ကျွန်း ယူအက်စ်အေ	အလာစကာ   ၁၉၄၆ အလူရှန်ကျွန်း ငလျင်	၈.၆
၁၉	၂၈-  ၃-၂၀၀၅	ဆူမတြာ အင်ဒိုနီရှား	၂၀၀၅ ဆူမတြာငလျင်	၈.၆
၂၀	၁၁- ၄-၂၀၀၅	အိန္ဒိယ သမုဒ္ဒရာ	ဆူမတြာ    ၂၀၁၂ အာချေးငလျင်	၈.၆
၂၁	၁၆-၁၂-၁၅၇၅	ဗာလ်ဒီဗီယာ ချီလီနိုင်ငံ	၁၅၇၅ ဗာလ်ဒီဗီယာငလျင်	၈.၅ (ခ)
၂၂	၂၄-၁၁-၁၆၀၄	အာရိကာ ချီလီ	၁၆၀၄ အာရီကာငလျင်	၈.၅ (ခ)
၂၃	၁၃- ၅-၁၆၄၇	ဆန်တီယာဂို ချီလီ	၁၆၄၇ ဆန်တီယာဂို ငလျင်	၈.၅ (ခ)
၂၄	၂၀-၁၀-၁၆၈၇	လီမာ ပီရူး	၁၆၈၇ ပီရူး ငလျင်	၈.၅ (ခ )
၂၅	၂၄-  ၅-၁၇၅၁	ကွန်ချက်ချီယွန် ချီလီ	၁၇၅၁ ကွန်ချက်ချီယွန် ငလျင်	၈.၅ (ခ)
၂၆	၁၉-၁၁-၁၈၂၂	ဗယ်လ်ပါရိုင်ဆို ချီလီ	၁၈၂၂ ဗယ်လ်ပါရိုင်ဆို ငလျင်	၈.၅ (ခ)
၂၇	၂၀- ၂-၁၈၃၅	ကွန်ချက်ချီယွန် ချီလီ	၁၈၃၅ ကွန်ချက်ချီယွန် ငလျင်	၈.၅ (ခ)
၂၈	၁၃-၈-၁၈၆၈	အာရီကာ ချီလီ	၁၈၆၈ အာရီကာငလျင်	၈.၅-၉.၀ (ခ)
၂၉	၉- ၅-၁၈၇၇	အီကွီကွေ ချီလီ	၁၈၇၇ အီကွီကွေငလျင်	၈.၅-၉.၀ (ခ)
၃၀	၁၀-၁၁-၁၉၂၂	အာတာကမာ ချီလီ	၁၉၂၂ ဗာလ်လေနာ ငလျင်	၈.၅
၃၁	၃- ၂-၁၉၂၃	ကမ်ချက်တာ ရုရှား	၁၉၂၃ ကမ်ချက်တာငလျင်	၈.၅
၃၂	၁- ၂-၁၉၃၈	ဘန်ဒါပင်လယ် အင်ဒိုနီရှား	၁၉၃၈ ဘန်ဒါပင်လယ် ငလျင်	၈.၅
၃၃	၁၃-၁၀-၁၉၆၃	ကူရီလ်ကျွန်း ရုရှား	၁၉၆၃ ကူရီလ်ကျွန်းငလျင်	၈.၅
၃၄	၁၂- ၉-၂၀၀၇	ဆူမတြာ အင်ဒိုနီးရှား	၂၀၀၇ ဆူမတြာ ငလျင်	၈.၅

 ( မှတ်ချက်။  (ခ) ခန့်မှန်း   )

အထက်ဖော်ပြပါ စာရင်းအရ ၈၆၉ ခုနှစ်မှ ၂၀၁၀ ခုနှစ်အထိ နှစ်ပေါင်း ၁၁၀၀ ကျော်အတွင်းမှာရစ်ခ်ျတာစကေး ပြင်းအား ၈.၅ အထက် ငလျင်ကြီးပေါင်း ၃၄ ကြိမ်လှုပ်ခဲ့ကြောင်း၊ ၎င်းတို့အနက် ချီလီနိုင်ငံမှာအင်အားပြင်းငလျင် ၁၃-ကြိမ်၊ အင်ဒိုနီးရှားမှာ ၆-ကြိမ်၊ အမေရိကန်ပြည်ထောင်စုတွင် ၅-ကြိမ်၊ ရုရှားနိုင်ငံတွင် ၃-ကြိမ်၊ ဂျပန်နိုင်ငံတွင် ၃-ကြိမ်၊ ပီရူးနိုင်ငံ၊ အိန္ဒိယ နှင့် တရုတ် နယ်စပ်၊ ပေါ်တူဂီ နှင့် ကိုလွန်ဘီယာနိုင်ငံတို့တွင် ၁-ကြိမ်စီ လှုပ်ခဲ့ခြင်းဖြစ်ကြောင်းတွေ့ရသည်။

သို့သော် ငလျင်လှုပ်ခတ်မှုကြောင့် လူအသေအပျောက်ပမာဏနှင့် ပစ္စည်းဆုံးရှုံး ပျက်စီးမှု ပမာဏတို့သည် ငလျင် ပြင်းအားပမာဏတစ်ခုထည်းပေါ်တွင် မူတည်ခြင်း မဟုတ်ကြောင်း အောက်ပါစာရင်းများမှာတွေ့ရပါသည်။

လူသေပျောက်မှု အများဆုံငလျင်မှာ ၁၆-ရာစုနှစ်အတွင်း တရုတ်ပြည် မှာလှုပ်ခဲ့ပြီး လူပေါင်းရှစ်သိန်းကျော်၊ မျက်မှောက်ခေတ်မှာ ဟေတီနိုင်ငံတွင် လှုပ်ခဲ့ရာ လူပေါင်းသုံးသိန်ကျော် သေဆုံးခဲ့ကြကြောင်းတွေ့ရသည်။

၂၀၀၄-ခုနှစ်တွင် လှုပ်ခဲ့သောအင်ဒိုနီရှားငလျင်သည် ပြင်းအား ၉.၁ ဖြစ်ပြီးငလျင်ဒါဏ်ကြောင့် တိုက်ရိုက် သေဆုံးခြင်းထက် ငလျင်ကြောင့် ဖြစ်ပေါ်လာသော ဆူနာမီရေလှိုင်းကြောင့် သေဆုံးမှုများဖြစ်ပေါ်ကာ အရှေ့တောင်အာရှနိုင်ငံများ ၊ တောင်အာရှနိုင်ငံ များ နှင့် အာဖရိကနိုင်ငံအချို့အထိပင် ထိခိုက်သေဆုံးမှုများ ဖြစ်ပေါ်စေခဲ့ပါသည်။ တရားဝင်စာရင်းများ အရလူပေါင်း နှစ်သန်းသုံးသောင်းကျော် သေဆုံးခဲ့ပါသည်။

သေဆုံးမှု အများဆုံးငလျင်များ

စဉ်	ရက်စွဲ	ဒေသ	ငလျင်ပြင်းအား (ရစ်ခ်ျတာစကေး)	သေဆုံးသူ အရေအတွက်
၁။	၂၃-၁-၁၅၅၆	ရှန်ဇီးပြည်နယ်၊ တရုတ်	၈.၀ (ခ)	၈၂၀,၀၀၀- ၈၃၀,၀၀၀ (ခ)
၂။	၁၂-၁-၂၀၁၀	ဟေတီ	၇.၀	၃၁၆,၀၀၀  (ဟေတီသတင်း) ၈၀,၀၀၀ - ၉၂,၀၀၀( ဟေတီပြင်ပသတင်း)
၃။	၁၆-၁၂-၁၉၂၀	နင်ဇီယာဂင်ဆု -တရုတ်	၇.၈	၂၇၃,၄၀၀
၎။	၂၈-၇-၁၉၇၆	ဟီဘေ- တရုတ်	၇.၈	၂၄၂,၇၆၉
၅။	၂၁-၅-၅၂၆	အင်တီအုတ်-   တူရကီ	၇.၀ (ခ)	၂၄၀,၀၀၀
၆။	၂၆-၁၂-၂၀၀၄	အိန္ဒိယသမုဒ္ဒရာဆုမတြာအင်ဒိုနီးရှား	၉.၁-၉.၃	၂၃၀,၂၁၀
၇။	၁၁-၁၀-၁၁၃၈	အဲလက်ပို -ဆီးရီးယား	မသိ	၂၃၀,၀၀၀
၈။	၂၂-၁၂-၈၅၆	ဒမ်ဂန် အီရန်	၇.၉ (ခ)	၂၀၀,၀၀၀ (ခ)
၉။	၂၂-၃-၈၉၃	အာဒါဘီလ်- အီရန်	မသိ	၁၅၀,၀၀၀ (ခ)
၁၀။	၁-၉-၁၉၂၃	ကန်တို၊ ဂျပန်	၇.၉	၁၄၂,၈၀၀
၁၁။	၂၈-၁၂-၂၀၀၈	မက်ဆီနာ၊ အီတလီ	၇.၁	၁၂၃,၀၀၀
၁၂။	၆-၁၀-၁၉၄၈	အက်ရ်ှဂါဘတ်၊ တာ့က်မန်နစ်စတန်	၇.၃	၁၁၀,၀၀၀
၁၃။	၃၁-၁၂-၁၇၀၃	အီဒို၊ဂျပန်	မသိ	၁၀၈,၈၀၀

ပျက်စီးဆုံးရှုံးမှု အများဆုံးငလျင်များ

စဉ်	ငလျင်အမည်	ပြင်းအား ( ရစ်ခ်ျတာစကေး)	ပစ္စည်းဆုံးရှုံးမှုတန်ဖိုး (အမေရိကန်ဒေါ်လာ-ဘီလျံ)
၁။	၂၀၁၁ တိုဟိုကုငလျင်၊ ဂျပန်	၉.၀	၂၃၅
၂။	၁၉၉၅ ဟန်ရှင်ငလျင်၊ ဂျပန်	၆.၉	၁၀၀
၃။	၂၀၀၈ ဆီချွမ်းငလျင်၊ တရုတ်	၈.၀	၇၅
၎။	၂၀၁၀ ချီလိငလျင်၊ ချီလီ	၈.၈	၁၅-၃၀
၅။	၁၉၉၄ နော့သ်ရစ်ခ်ျ ငလျင်၊ အမေရိကန်	၆.၇	၂၀
၆။	၂၀၁၂ အယ်မီလီယာငလျင်၊ အီတလီ	၆.၁(ခ)	၁၃.၂
၇။	၂၀၁၁ ခရစ်ချာ့ခ်ျ ငလျင်၊ နယူဇီလန်	၆.၃	၁၂
၈။	၁၉၈၉ လိုမာပရီယေတာငလျင်၊ အမေရိကန်	၇.၀	၁၁
၉။	၁၉၂၁ ငလျင်၊ တိုင်ဝမ်	၇.၆	၁၀
၁၀။	၁၉၀၆ ဆန်ဖရန်စစ္စကိုငလျင် အမေရိကန်	၇.၇-၇.၉	၉.၅

ငလျင်ကြောင့် ဖြစ်ပေါ်သော  သေကြေပျက်စီးမှုပမာဏသည် အကြောင်းအချက်များစွာ အပေါ်တွင် မူတည်လျက်ရှိကြောင်း သိရသည်။

 ( က )  ငလျင်၏ မူရင်းသဘာဝအခြေအနေများ - ငလျင်ပြင်းအားပမာဏ၊ ငလျင်အမျိုးအစား၊ တည်နေရာ နှင့် ငလျင် ဗဟိုချက်၏မြေအောက်အနက်

( ခ) ငလျင်ဒဏ်ခံဒေသ၏ ဘူမိဗေဒအခြေအနေ- ငလျင်ဗဟိုချက် နှင့် အကွာအဝေး၊ ငလျင်လှိုင်းများ၏ လမ်းကြောင်း၊ မြေသားအမျိုးအစား နှင့် မြေသားထုအတွင်းရေစိမ့်မှုပမာဏ

(  ဂ  )  ငလျင်ဒါဏ်ခံရသောဒေသ၏ လူနေမှုဘဝအခြေအနေ- အဆောက်အဦးများ၏ အရည်အသွေး (လမ်း၊ တံတား၊ ဆည်၊ စသည်အပါအဝင်)၊ ဒေသနေအသိုင်းအဝိုင်း (အစိုးရ နှင့် ပြည်သူပြည်သားများ)၏ ကြိုတင်ပြင်ဆင်ထားမှု အခြေအနေ၊ ငလျင်လှုပ်ခတ်သည့် အချိန်ကာလစသည်တို့ဖြစ်ပါသည်။

အထက်ပါအခြေအနေ ၃ ရပ်၏ အကျိုးသက်ရာက်မှုများ ကို နှိုင်းယှဉ်နိုင်ရန်အတွက် ပြင်းအားကြီး ငလျင်များကြောင့်   ဖြစ်ပေါ်ခဲ့သောသေဆုံးမှုများကိုလေ့လာကြည့်ရှုသင့်ပါသည်။

၁၉၈၉ ခုနှစ်အောက်တိုဘာလ ၁၇ ရက်နေ့တွင်  လူနေအသင့်အတင့် ထူတပ်သည့် ဆန်ဖရန်ဆစ္စကို ကျွန်းဆွယ်ဒေသအတွင်း လိုမာပရီယေတာငလျင် လှုပ်ခဲ့ပါသည်။ ထိုဒေသရှိအဆောက်အဦးများ၏ တည်ဆောက်ရေးဆိုင်ရာအရည် အသွေးစံနှုန်းမှာ   မြင့်မားပြီးနေထိုင်သောသူများမှာလည်း ကြိုတင်ပြင်ဆင်မှု အားကောင်းကြပါသည်။

သို့သော် ဆန်ဖရန် ဆစ္စကိုပင်လယ်ကွေ့ အနီးရှိရေပါဝင်မှုနှုန်းမြင့် သည့် မြေသားတည်ဆောင်ပုံကြောင့် ငလျင်လှုပ်ခတ်ရာမှ အတန်ငယ်ဝေးသောနေရာ များမှ အဝေးပြေးလမ်းမများတံတားများစသည်တို့ ပြိုကျ ပျက်စီးမှုများ ဖြစ်ပေါ်ခဲ့ပါသည်။ ပစ္စည်းဆုံးရှုံးမှု တန်ဖိုးအမေရိကန်ဒေါ်လာ ၁၀ ဘီလျံခန့်ပျက်စီးခဲ့ပါသည်။

ငလျင်လှုပ်သည့်အချိန်မှာလည်းနေ့အချိန်သွားလာလှုပ်ရှားမှု အများဆုံးအချိန် ဖြစ်သော်လည်းထိုအချိန်က အပြည်ပြည်ဆိုင်ရာ အားကစားပြိုင်ပွဲများကျင်းပနေချိန်ဖြစ်သဖြင့် လူများကားများသည့် လမ်းပေါ်ရှိမနေဘဲအားကစားကွင်းများ၊ အားကစားရုံများတွင်   ရောက်နေသဖြင့် အဝေးပြေးလမ်းမကြီးများပြိုကျပျက်စီးမှုကြောင့် လူပေါင်း ၇၅ ဦး သေဆုံးခဲ့ပါသည်။

သို့သော်လည်း ထိုနှစ်အတွင်းမှာပင် ရုရှား နှင့် တူရကီ နိုင်ငံအကြားတည်းရှိသောစစ်ဘေးစစ်ဒါဏ် ခံစားနေရသော အာမေးနီးယားနိုင်ငံတွင် ထပ်တူနီးပါးအင်အားပြင်းထန်သောအလားတူငလျင်လှုပ်ခဲ့ပါသည်။ ငလျင်သည် ဒေသအတွင်းရှိ မြိုးကြီးများ နှင့် နီးကပ်သောနေရာတွင်ညအချိန်၌လှုပ်ခဲ့ရာ တည်ဆောက်ရေးအရည်အသွေးစံချိန်စံညွှန်းညံ့ဖျင်းသောအားဖြည့် သံချောင်းမပါသောကွန်ကရိများဖြင့် ဆောက်လုပ်ထားသောနေအိမ်များပြိုကျသဖြင့် လူပေါင်း ၂၅၀၀၀ ခန့် သေကြပျက်စီးခဲ့ပါသည်။

ဂျပန် နိုင်ငံဟွန်ရှူကျွန်းအနောက်ပိုင်းတွင် နှစ်ပေါင်းများစွာအတွင်းအဆိုးဝါးဆုံးငလျင်ကပ်ဆိုးကြီးတစ်ခု ကြုံကြိုက်ခဲ့ရပါသည်။ ဂျပန်နိုင်ငံ၏ အရေးအပါဆုံးဆိပ်ကမ်းမြို့၊ ကိုဘီမြို့တော်အတွင်း ဟိုဂိုခရိုင် တောင်ပိုင်းဒေသတွင် လူပေါင်း ၅၀၀၀ ကျော်သေ ဆုံးခဲ့ပါသည်။ ငလျင်ဒါဏ်ကိုရင်ဆိုင်ရန် များစွာအားထုတ် ကြိုးစားဆောင်ရွက်ထားသည့် နိုင်ငံတွင် ဤမျှလောက်များပြားသည့် လူများသေဆုံးခြင်းကိုကမ္ဘာအနှံ့အပြားမှ ငလျင်လေ့လာသူများအလွန်အံ့သြတုန်လှုပ်ခဲ့ကြပါသည်။

တည်ဆောက်ရေးစံချိန်စံညွှန်းအလွန်မြင့်မားသော၊ လူထု၏ ငလျင်ဆိုင်ရာ အတွေ့အကြုံ နှင့် အသိပညာအလွန်ပြည့်ဝသော ဂျပန်နိုင်ငံတွင်  ဤမျှ များပြားသောလူအရေအတွက် သေဆုံးရသည့် အကြောင်းရင်းကိုရှာဖွေစူးစမ်းကြပါသည်။

ကံအကြောင်းမလှစွာပင် အဓိကငလျင်နောက် ဆက်တိုက်လှုပ်သောနောက်ဆက်တွဲ ငလျင်ငယ်များ၏ ဗဟိုချက်များမှတဆင့် မူလပင် ငလျင်လှုပ် ရာကျောက်ချပ် ပြတ်ရွေ့မျဉ်းကြောင်း ကျိုးပြတ်ရာကိုလေ့လာရာတွင် ထိုလမ်းကြောင်းသည် ကိုဘီမြို့တော် ၏ အောက်တည့်တည့် တွင် ဖြတ်သန်းသွားခဲ့ကြောင်းတွေ့ရပါသည်။ ဤအကြောင်းကြောင့်ပင် လူအများသေဆုံးရခြင်းဖြစ်ပါသည်။

ဤအကြောင်းအရာကိုတွေ့ရှိသောအခါတွင်မှ ဤမျှဆိုးဝါးသော ငလျင်ဒါဏ်ကိုဆောက်လုပ်ရေး စံချိန်စံညွှန်း   မြင့်မားသော၊ ပြည်သူများ၏ ငလျင်ဆိုင်ရာအသိပညာ နှင့် အတွေ့အကြုံ ကြွယ်ဝမှုကြောင့်သာ သေကြေပျက်စီးမှု ဤမျှသာဖြစ်ပေါ်ခဲ့ရကြောင့် သုံးသပ်ကြပါသည်။

သဘာဝဘေးဒါဏ်ငလျင်ကြောင့် သေကြေပျက်စီးမှု ပမာဏကို ဖြစ်ပေါ်စေသောအကြောင်းအရာများအနက် ငလျင်၏ မူရင်း သဘာဝအခြေအနေများနှင့် ငလျင်ဒဏ်ခံဒေသ၏ ဘူမိဗေဒအခြေအနေများကို လူသားများအနေဖြင့် မည်သို့မျှ မတတ်စွမ်းနိုင်သေးပါ။ ငလျင် ဒါဏ်ခံရသောဒေသ၏ လူနေမှုဘဝအခြေအနေကိုသာ လူသားများ တတ်စွမ်းဆောင်ရွက် နိုင်ပါသည်။

သဘာဝဘေးများကြောင့် အထူးသဖြင့် ငလျင်လှုပ်ခြင်းကြောင့် အန္တရာယ် ကျရောက်မှု လျော့ပါးရေးဆိုင်ရာစီမံခန့်ခွဲမှု အကြောင်းများကိုဆက်လက်ဆွေးနွေး တင်ပြပါမည်။