Building Sustainable Democracy System

ဒီမိုကရေစီစနစ် ၏ ဒေါက်တိုင် ( ၇ ) တိုင်

ညွန့်အောင် ( မြစ်မခ )

မြန်မာနိုင်ငံမှာ ၂၀၁၁-ခုနှစ်ကစပြီးလွှတ်တော်ကိုအခြေခံသောဒီမိုကရေစီစနစ်သို့ ကူးပြောင်းရေးကိုဆောင်ရွက်နေပါသည်။ စစ်အုပ်ချုပ်မှု စနစ်အောက်မှာ နှစ်ပေါင်း ၅၀-နီးပါး အုပ်ချုပ်ခံခဲ့ရာrဒီမိုကရေစီစနစ်ကူးပြောင်းလာသည့်အခါတွင် လူအသီးသီး၊ အဖွဲ့အစည်းအသီးသီးတို့သည် ကူးပြောင်းရေးအတွက် မိမိတတ်အားသမျှ ပါဝင်ကြိုးပမ်းမှုများကိုအခြေခံပြီးစနစ်ကူးပြောင်းရေးအတွက် အချင်းချင်းပေါင်းစည်းလျက် လည်းကောင်း၊ တစ်ဦးချင်းအားဖြင့်လည်းကောင်း ကြိုးစားအားထုတ်လျက် ရှိကြပါသည်။

မိမိတို့အိမ်နီးချင်းထိုင်းနိုင်ငံမှ ဝန်ကြီးချုပ်ဟောင်းအာနန် ပန်ယာရာချွန်၏ တည်တန့်ခိုင်မြဲသောဒီမိုကရေစီစနစ်၏ အချက်အခြာ ကဏ္ဍ ၇-ရပ်ကို တင်ပြလိုပါသည်။ ၂၀၀၈- ခုနှစ်အတွင်းကဝန်ကြီးချုပ် အာနန် ပန်ယာရာချွန်ကတည်တန့်ခိုင်မြဲသောဒီမိုကရေစီစနစ်တစ်ရပ်ထူထောင်ရန်အတွက် အရေးကြီးသော ကဏ္ဍကြီး ၇-ရပ်ကို အားကောင်းလာအောင် တည်ဆောက်ရန် လိုကြောင်းတင်ပြထားခြင်းဖြစ်ပါသည်။

 

၁။ ရွေးကောက်တင်မြှောက်ခြင်း  ( Election )

၂။ နိုင်ငံရေးအရသဘောထားကြီးမှု ( Political Tolerance )

၃။တရားဥပဒေစိုးမိုးမှု (  The Rule Of Law )

 

၎။ လွတ်လပ်စွာထုတ်ဖော်ပြောဆိုခွင့် ( Freedom of Expression )

၅။ တာဝန်ခံမှု နှင့် ပွင့်လင်းမြင်သာမှု ( Accountability and Transparency )

၆။ ဗဟိုချုပ်ကိုင်မှု လျှော့ချရေး( Decentralisation )

၇။ အရပ်ဖက် အဖွဲ့အစည်းများ(  Civil Society ) 

တို့ဖြစ်ကြပါသည်။

ရွေးကောက်တင်မြှောက်ခြင်း  ( Election )

ရွေးကောက်ပွဲဆိုရာတွင် ရွေးကောက်ပွဲဥပဒေ၊ ရွေးကောက်ပွဲကော်မရင်၊ ရွေးကောက်ပွဲလုပ်ထုံးလုပ်နည်းများ၊ကော်မရှင်၏ လွပ်လပ်မှု နှင့် လုပ်ပိုင်ခွင်များအပြင် ပြည်သူလူထု၏ မိမိ၏ ရွေးချယ်ခွင့် အပေါ်တန်ဖိုးထားမှု၊ ရွေးကောက်ပွဲဝင် ပါတီများ နှင့် ရွေးကောက်ပွဲဝင် ကိုယ်စားလှယ်လောင်းများ၏ လွတ်လပ်စွာမဲဆွယ်ခွင့်၊ မီဒီယာများအားလွတ်လပ်စွာ၊ အခွင့်အရေးညီမျှစွာအသုံးပြုခွင့် စသည်တိုကပါဝင်ပါသည်။

 နိုင်ငံရေးအရသဘောထားကြီးမှု ( Political Tolerance )

ဒီမိုကရေစီစနစ်မှာပါတီတွေလွတ်လပ်စွာတည်ထောင်ခွင့် ရှိပါမည်။ ရည်မှန်းချက် နှင့် သဘောထားများအားချမှတ်ကာလွတ်လပ်စွာထုတ်ဖော်ခွင့် ရှိကြပါသည်။ ထို့အတူပါတီအသီးသီး နှင့် လူတန်းစားအသိးသီးတို့ ၏ သဘောထားကွဲလွဲမှုများကိုသဘောထားကြီးစွာလက်ခံကြရပါမည်။  သဘောထားကွဲလွဲမှုများကိုတွေ့ဆုံညှိနှိုင်းဆွေးနွေး အဖြေရှာတတ်ကြရပါမည်။

 တရားဥပဒေစိုးမိုးမှု (  The Rule Of Law )

နိုင်ငံတစ်နိုင်ငံမှာဥပဒေတွေ မူဝါဒတွေ ဘယ်လောက်ကောင်းမွန် ပြည့်စုံနေစေကာမူတရားစီရင်ရေးအဖွဲ့တွေ၊ ဥပဒေဝန်ထမ်းတွေ၊ လုံခြုံရေးဆိုင်ရာအဖွဲ့အစည်းတွေ၊ အုပ်ချုပ်ရေးဆိုင်ရာအာဏာပိုင်တွေအရည်အချင်းမပြည့်ဝလျင်၊ တာဝန်မကျေလျင်၊ မလွတ်လပ်လျင်၊ အကျင့်စာရိတ္တ မကောင်းလျင်၊ အထူးသဖြင့် တရားဥပဒေစိုးမိုးရေးကိုမယုံကြည်လျင် တရားဥပဒေစိုးမိုးမှု ကင်းမဲ့လာမည် ဖြစ်ပါသည်။ တရားဥပဒေစိုးမိုးမှု ကင်းမဲ့လျင် ဒီမိုကရေစီလည်းဆိတ်သုဉ်းသွားမည် ဖြစ်ပါသည်။

လွတ်လပ်စွာထုတ်ဖော်ပြောဆိုခွင့် ( Freedom of Expression )

ဒီမိုကရေစီစနစ်ကိုတည်ဆောက်ရာစောင့်ထိန်းရာတွင် လွတ်လပ်စွာထုတ်ဖော်ပြောကြားခွင့်သည် အရေး ကြီးပါသည်။ နိုင်ငံတော်၏ အချုပ်အခြာအာဏာ ၃-ရပ်ဖြစ်သောတရားဥပဒေ ပြုစုရေး ကဏ္ဍ၊ အုပ်ချုပ်ရေး ကဏ္ဍ နှင့် တရားစီရင်ရေးကဏ္ဍများကိုသော်လည်းကောင်း၊ လူမှု အသိုင်းအဝိုင်းများ နှင့် ပြည်သူလူထုကိုလည်းကောင်းစဉ်ဆက်မပြတ် စောင့်ကြည့် အကြံပေး နိုင်မည့် အရည်အသွေး ပြည့်ဝ၍ ကျင့်ဝတ် စည်းကမ်းကိုလိုက်နာသောမီဒီယာကောင်းများလည်းတည်ရှိရန် အရေးကြီးပါသည်။

တာဝန်ခံမှု နှင့် ပွင့်လင်းမြင်သာမှု ( Accountability and Transparency )

ပဉ္စမအချက်မှာတာဝန်ယူမှု နှင့် ပွင့်လင်းမြင်သာမှု ရှိရေး ဖြစ်ပါသည်။ ပုဂ္ဂိုလ်တစ်ဦး၊ ဌာနတစ်ရပ်၊ အဖွဲ့အစည်းတစ်ခု၊ အသိုင်းအဝိုင်းတစ်ခုစသည့် အစုလိုက်ဖြစ်စေ၊ တစ်ဦးချင်းဖြစ်စေမိမိအပြုအမူ၊ အပြောအဆိုများကိုတာဝန်ယူမှု ရှိရန် အလွန်အရေးကြီးပါသည်။ မိမိတာဝန်ခံရသောသူများအပေါ်တွင်လည်းတာဝန်ကျေပြွန်ရန် အရေးကြီးသကဲ့သို့  လုပ်ဆောင်မှုတိုင်းသည်လည်းပွင့်လင်းမြင်သာမှု ရှိရန်လည်းအရေးကြီးပါသည်။

ဗဟိုချုပ်ကိုင်မှု လျှော့ချရေး( Decentralisation )

ဒီမိုကရေစီစနစ်တည်ဆောက်ရာတွင် ဗဟိုချုပ်ကိုင်မှု လျှော့ချရေးသည်လည်းအရေးကြီးပါသည်။ အုပ်ချုပ်သူများသည် ပြည်သူလူထုအလွှာ နှင့် နီးစပ်လေလေ ပြည်သူပါဝင်မှုများလေလေ၊ ပြည်သူလူထုယုံကြည်မှု မြင့်မားလေလေ ဖြစ်ပါသည်။

အရပ်ဖက် အဖွဲ့အစည်းများ(  Civil Society )

နောက်ဆုံးအချက်ဖြစ်သော်လည်းအခြားကဏ္ဍများနည်းတူအရေးပါသောအရာမှာအရပ်ဖက် အဖွဲ့အစည်းများဖြစ်ကြပါသည်။ အရပ်ဖက်အဖွဲ့အစည်းများအရေအတွက် နှင့် အရည်အချင်းတိုးတက်လာရန် အရေးကြီးပါသည်။ ပြည်သူလူထုအတွင်း ပြည်သူများ၏ ဆောင်ရွက်မှု နှင့် ဆက်စပ်နေသော ပြည်သူများ၏ အရေးကိစ္စ များပြဿနာများအား ပြည်သူလူထုကိုယ်တိုင် ဦးဆောင်ပါဝင် ဖြေရှင်းဆောင်ရွက်ခြင်းသည်သာအကောင်းဆုံး ဖြစ်ပါသည်။

ဒီမိုကရေစီစနစ် ထူထောင်ရာတွင် ပြုပြင်ပြောင်းလဲမှုများဆောင်ရွက်ရာတွင်တည်တန့်ခိုင်မြဲသော၊ နောက်ပြန်မလှည့်ဘဲ၊အခြေအနေတစ်ရပ်သို့ရောက်ရှိစေရန် မည်သူကလုပ်ဆောင်ပေးမှာနည်း၊ မည်သူကဦးဆောင်မှာလဲ၊ ဘယ်ပါတီကဦးဆောင်မှာလဲစသဖြင့် သူတစ်ပါးကိုအားကိုးလျက်တစ်ဦးတည်း၊ တစ်ဖွဲ့တည်း၊ တစ်ပါတီတည်းဦးဆောင်မှု ဖြင့် လွတ်လပ်ရေးရပြီးကတည်းကစ၍ နှစ်ပေါင်း ၆၀-ကျော်မျှ ဆုတ်ယုတ် နိမ့်ကျမှု သံသရာတွင် အပတ်ပေါင်းများစွာပတ်ခြာလည်ခဲ့ပြီးပါပြီ။

မြန်မာ့ဒီမိုကရေစီနောက်ခံ သမိုင်း

၁၉၆၂ - ၂၀၁၁ ခုနှစ်အတွင်း မြန်မာနိုင်ငံသမိုင်းကိုလူပုဂ္ဂိုလ်၊ ပါတီအဖွဲ့အစည်း၊ လူတန်းစားအလွှာအစွဲအလမ်း၊ အပြစ်ဖို့ခြင်းမပါဘဲ၊ သင်ခန်းစာယူနိုင်ရေးအတွက် အဖြစ်မှန်အတိုင်း ပြုစုသင့်ကြောင်းလည်းစကားမစပ် တင်ပြလိုပါသည်။

၁၉၄၈ ခုနှစ်နောက်ပိုင်း လွတ်လပ်ရေးရပြီးနောက် ပါလီမန် ဒီမိုကရေစီကာလမှာလည်းပါတီအသီးသိးကြိုးစားအားထုတ်ခဲ့ကြသည် မှာစီးပွားရေးကဏ္ဍတွင် အတော်အသင့် အောင်မြင်ခဲ့သော်လည်းအကြောင်းအမျိုးမျိုးကြောင့် တည်တံ့ခိုင်မြဲသောဒီမိုကရေစီစနစ် အခြေခံသည့် နိုင်ငံရေးစနစ် တည်ဆောက်နိုင်ခဲ့ခြင်းမရှိဘဲပါတီတွင်းကွဲပြားမှုများ၊ ပါတီအချင်းချင်းတိုက်ခိုက်မှုများ၊ တိုင်းရင်းသားစည်းလုံးညီညွတ်မှု မတည်ဆောက်နိုင်ဘဲ၊ လူမျိုးစွဲ၊ ဝါဒစွဲ၊ ပါတီစွဲ၊ လူပုဂ္ဂိုလ်စွဲများ ပြင်းထန်းစွာဆုပ်ကိုင်ထားခဲ့ကြပါသည်။

စစ်အစိုးရကိုလည်း ၁၉၆၂ ဇူလိုင် ၇-ရက် အရေးအခင်းမှစ၍ ကျောင်းသားများ၊ နိုင်ငံရေးသမားဟောင်းများ၊ အလုပ်သမားများ၊ ရဟန်းသံဃာတော်များစသည့် အလွှာအသီးသီးမှ  ဆန့်ကျင်ရန် သီးခြားစီ ကြိုးစားခဲ့ကြ သော်လည်းအောင်မြင်မှု မရခဲ့ကြပါ။  ၁၉၆၉ ကျွန်းဆွယ်အရေးအခင်း၊ ၁၉၇၀ ကျောင်းသားအရေးအခင်း၊ ၁၉၇၄ အလုပ်သမားအရေးအခင်းစသဖြင့် သီးခြားစီလုပ်ဆောင်ခဲ့ကြပါသည်။ ၁၉၇၅ခုနှစ် အတွင်းဆရာကြီးသခင်ကိုယ်တော်မှိုင်းရာပြည့် အရေးအခင်း နှင့် ဦးသန့် ဈာပနအရေးအခင်းများတွင် ကျောင်းသား၊ ရဟန်း နှင့် ပြည်သူများပူးပေါင်းမိလာကြပါသည်။

ကျပ် ၁၀၀ နှင့် ၅၀-တန် တရားမဝင် ကြေငြာဖျက်သိမ်းခြင်း၊ ကြောင့်ပြည်သူများမကျေနပ်မှု စတင်ခံစားခဲ့ကြပါသည်။ ၁၉၈၇ ခုနှစ် တွင် ငွေစက္ကူများကိုထပ်မံ၍ ဖျက်သိမ်းလိုက်သောအခါတွင် ပြည်သူများ၏ မကျေနပ်မှုများပိုမိုပေါ်ထွက်လာခဲ့ကြပြီးကျောင်းသား ဆန္ဒပြမှုများအနည်းငယ်ပေါ်ပေါက်ခဲ့ပါ သေးသည်။ ထိုအတွင်း ၁၉၈၇ ခုနှစ်  အတွင်း မြန်မာ့ဆိုရှယ်လစ်လမ်းစဉ်ပါတီဥက္ကဌဦးနေဝင်း၏ တစ်ပါတီစနစ်မှ ပါတီစုံစနစ် ပြောင်းလဲရေးကြေငြာချက် ပေါ်ထွက်လာခဲ့ပြန်ပါသည်။အများပြည်သူများကအပြောင်းအလဲများမျှော်လင့်လာရာမှ ထင်သလိုမဖြစ်လာသောအခါ ဆန္ဒပြမှုများစတင် ပေါ်ပေါက်လာပါသည်။

ယခင်ကကဲ့သို့ ကျောင်းသား၊ အလုပ်သမား၊ ပြည်သူ နှင့် ရဟန်းများသီးခြားစီဆန့်ကျင်နေရာမှ အလွှာစုံလူတန်းစားစုံစုပေါင်းလှုပ်ရှားသည့် အခြေအနေများပေါ်ထွန်းလာပါသည်။ အနုပညာရှင်များကလည်း ကဏ္ဍ အသီးသီးမှ တစ်ပါတီအာဏာရှင် အုပ်ချုပ်မှုကိုဆန့်ကျင် ထောက်ပြမှုများ ပြုလုပ်လာကြပါသည်။

အချင်းချင်းညှိနှိုင်းအဖြေရှာကြရမည့်အစားတစ်ဦးနှင့်တစ်ဦးအပြစ်တင်ခြင်းရောဂါဆိုးဝင်လာရာမှ စစ်တပ်ကအာဏာသိမ်းကာအာဏာရှင် အုပ်ချုပ်ရေးစနစ်ဖြင့် ဒီမိုကရေစီစနစ် အညွန့်ကျိုးခဲ့ရပါသည်။

မြန်မာနိုင်ငံသည် သဘာဝအရင်းအမြစ် သယံဇာတ နှင့် အခြေခံအရည်အချင်းကောင်းမွန်သောလူအင်အားအရင်းအမြစ် များပိုင်ဆိုင်ခဲ့သော် လည်းတော်လှန်ရေးကောင်စီ နှင့် မြန်မာ့ဆိုရှယ်လစ်လမ်းစဉ် စနစ်အောက်တွင် ရံဖန်ရံခါ ရှားရှားပါးပါးအောင်မြင်မှုလေးများအချို့ရခဲ့သော်လည်းစနစ်မမှန်ကန်သဖြင့် မိမိဘာသာအဆင်းရဲဆုံးနိုင်ငံအဖြစ် သတ်မှတ်ပေးရန် တောင်းခံခဲ့ရသည့် အဆင့်သို့တိုင် ကျဆင်းသွားခဲ့ပါသည်။

ကမ္ဘာ့အဆင်းရဲဆုံးနိုင်ငံစာရင်းဝင်သွားသောအခါ ပြည်သူများဂုဏ်သိက္ခာပိုင်းဆိုင်ရာနာကျင်ခံစားမှုများ ဖြစ်ပေါ်လာကြပါသည်။ ဆန့်ကျင်ဆန္ဒပြမှုများ၊ သပိတ်မှောက်မှုများ၊ ချီတက်ဆန္ဒပြမှုများတဖြည်းဖြည်း ပြင်းထန်လာကာ နိုင်ငံဝန်ထမ်းများပါဝင်ဆန္ဒပြကြသောအခါ နိုင်ငံတော် အုပ်ချုပ်ရေး ယန္တရားရပ်တန့်ကာမဆလတစ်ပါတီအုပ်ချုပ်ရေး ပြိုကွဲသွားခဲ့ပါသည်။

မည်သို့ပင် ဖြစ်စေကာမူ ၁၉၈၈ ခုနှစ်က ဖြစ်ပေါ်သင့်ခဲ့သည့် နိုင်ငံရေးအသွင်ပြောင်းမှု ကိုယခုကာလတွင် ရရှိနေပါပြီ။ 

တပ်မတော်အစိုးရ နှစ်ဆက်ပြောင်းလဲအုပ်ချုပ်စဉ်ကလည်းလူ့လောကအစဉ်အလာအတိုင်းအားသာချက်၊ အားနည်းချက်များရှိခဲ့သော်လည်းယခင်တပ်မတော် ခေါင်းဆောင်တစ်ဦး၏ “ ကျွန်တော်တို့ တပ်မတော်သားတွေဟာဘယ်လုပ်ငန်း၊ ဘယ်တာဝန်မဆိုလုပ်နိုင်စွမ်းရှိကြတယ် ” ဟူသောအတွေးအမြင်မှား၊စီးပွားရေး၊ လူမှုရေး၊ နိုင်ငံရေး နှင့် အုပ်ချုပ်ရေးကဏ္ဍတွင် လုပ်ငန်းစီမံကိန်းတစ်ရပ်ဆောင်ရွက်ရာတွင် အမိန့်နာခံရန် လေ့ကျင့်ထားသည့် တပ်မတော်များအနေဖြင့် မှာသည့်အတိုင်း၊ ခိုင်းသည့်အတိုင်းမဖြစ်မနေဆောင်ရွက်သဖြင့် မအောင်မြင်မှု။ ဆုံးရှုံးမှုများ၊ အဖြစ်မှန် မတင်ပြရဲသဖြင့် လိမ်လည်တင်ပြမှုများ၊ အကျင့်ပျက် လာဘ်စားမှုများ၊ အာဏာအလွဲသုံးစားမှုများ ဖြစ်ပေါ်လာကာတိုင်းပြည်အတွက် အခက်အခဲများပိုမိုရင်ဆိုင်လာခဲ့ရပါသည်။

၂၀၀၈- ခုနှစ် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေအတည်ဖြစ်ပြီးနောက် ၂၀၁၁-ခုနှစ် အေပြီလမှစ၍ ပါလီမန် ဒီမိုကရေစီစနစ်ကိုအခြေခံသည့် ပြုပြင်ပြောင်းလဲမှုများစတင်ဆောင်ရွက်လာခဲ့ပါ သည်။

ထိုသို့ပြောင်းလဲရာတွင် အချို့က အထက်မှလာသော ပြုပြင်ပြောင်းလဲရေး ဖြစ်နေသည်၊ အောက်ကစတင်ဖော်ဆောင်သောပြောင်းလဲမှု ဖြစ်သင့်သည်။ ယခုပြောင်းလဲမှုသည် နောက်ကြောင်းပြန်လှည့်နိုင်သလားစသည့် စောဒကများရှိနေပါသည်။

တည်တန့်ခိုင်မြဲသောနောက်ကြောင်းမပြန်သောဒီမိုကရေစီစနစ်ကို ပြည်သူပြည်သားအားလုံးစုပေါင်းပါဝင် လျက် ဒီမိုကရေစိဒေါက်တိုင် ၇-ရပ်ကို ဝိုင်းဝန်းတည်ဆောက်ကြမှသာလက်ဝယ်ပိုင်ပိုင် ရရှိနိုင်မှာ ဖြစ်ကြောင်း လက်ခံနားလည်မိပါသည်။

ဒီမိုကရေစီဆိုသည်မှာအထက်ကပေးမှရသလား၊ အောက်ကတိုက်ယူရမှာလား၊ နိုင်ငံရေးပြောင်းလဲမှုကို နိုင်ငံတော် သမ္မတကဦးဆောင်လုပ်ပေးမှာလား၊ လွှတ်တော်အဆင့်ဆင့်က ဦးဆောင်လုပ်ပေးမှာလား၊ တိုင်းရင်းသားတွေကတောင်းဆိုရမှာလား၊ နိုင်ငံရေးပါတီတစ်ခုခု၊ ခေါင်းဆောင် တစ်ဦးဦးကလုပ်ပေးမှာလားစသည်ဖြင့် အမျိုးမျိုးမျှော်လင့်နေကြပါသည်။

မိမိ အမြင်အရတော့ ဒီမိုကရေစီစနစ်သို့ ကူးပြောင်းရေးကိုမည်သူတစ်ဦးတစ်ယောက်ကမျှ လုပ်မပေးနိုင်ပါ။ အထက်ကလည်းမပေးနိုင်ပါ၊ အောက်ကလည်းတိုက်ယူ၍ မရပါ၊။ ပြည်သူပြည်သားအားလုံးဝိုင်းဝန်းတည် ဆောက်ကြမှသာရရှိနိုင်မည် ဖြစ်ပါသည်။

ညွှန့်အောင်(မြစ်မခ)

အဂတိလိုက်စားမှု အမှန်တကယ် တိုက်ဖျက်ချင်ရင်၊ ပြစ်မှု ဥပဒေနဲ့ အရေးယူဖို့

ညွှန့်အောင် (မြစ်မခ)

ဇွန်လ ၁၂၊ ရန်ကုန်မြို့။

၁၀-၆-၂၀၁၃ ရက်နေ့ကနေပြည်တော် ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာနမှာကျင်းပတဲ့ ပွင့်လင်းမြင်သာရေး နှင့် ဖြောင့်မတ်ရေးအလုပ်ရုံဆွေးနွေးပွဲတွင် ဒု-သမ္မတဒေါက်တာစိုင်းမောက်ခမ်းက အမှာ စကားပြောကြားပါတယ်။

ဒီကိစ္စ အကြောင်းနေရာတိုင်း နိုင်ငံတိုင်းမှာဆွေးနွေးကြတယ် ဥပဒေတွေ ပြဌာန်းကြပါတယ်။
ဒါပေမယ့် ကင်းတဲ့နိုင်ငံတော်တော်ရှားပါတယ်။ဒါပေမယ့် သေချာတာတစ်ခုကတော့ ဒီကိစ္စ ကင်းလေလေတိုင်းပြည်ဟာညီညီမျှ တိုးတက် ဖွံ့ဖြိုးချမ်းသာလေဆိုတာပါဘဲ။

လက်ရှိအစိုးရရဲ့ ပြုပြင်ပြောင်းလဲမှုများသည် နိုင်ငံရေးပြောင်းလဲမှုမှာတိုးတက်သလောက်
အုပ်ချုပ်ရေးစီးပွားရေးကဏ္ဍပြောင်းလဲမှုတွေဟာ နှေးကွေးနေတယ်လို့ နိုင်ငံတကာက
ထောက်ပြကြပါတယ်။

ကမ္ဘာ့စီးပွားရေးဖိုရမ် ဖောင်ဒေးရှင်းအကြီးအကဲကိုယ်တိုင်ကဦးသိန်းစိန် ခင်ဗျားရဲ့ စီးပွားရေးကဏ္ဍကို ၁၀-ရာခိုင်နှုန်းအထိတိုးတက်အောင်လုပ်လို့ရပါသေးတယ် လို့ ပြောသွားပါတယ်။

ကမ္ဘာ့စီးပွားရေးဖိုရမ်ရဲ့ နိုင်ငံတကာတွေ့ဆုံဆွေးနွေးခန်းတော်တော်များများမှာလည်း
မြန်မာနိုင်ငံရဲ့ စီးပွားရေးဖွဲ့ဖြိုးတိုးတက်မှု နှေးနေတာ၊ ကမ္ဘာ့အဆင်းရဲဆုံးနိုင်ငံစာရင်းပါနေတာ၊
နိုင်ငံခြားရင်းနှီးမြုပ်နှံမှု ဝင်လာမှု နည်းပါးနေသေးတာဟာအဂတိလိုက်စားမှုကြောင့် တစ်ခုအပါအဝင်ဖြစ်တယ်လို့ တော်တော်များများထောက်ပြ ဆွေးနွေးသွားကြပါတယ် လို့ ဒု-သမ္မတကိုယ်တိုင်ပြောသွားပါတယ်။

ဒီပြဿနာရဲ့ အစကရှာရခက်ပါတယ်။ ကြက်ဥကအရင် လားကြက်မကအရင်လားဆိုတဲ့ မေးခွန်းလိုပါဘဲ။

လက်ရှိစနစ်သစ် ဒီမိုကရေတစ် လွှတ်တော်စနစ် အစိုးရသက်တမ်း ၂-နှစ် ကျော်လာပါပြီ၊ မဲများတဲ့ပါတီကဝန်ကြီးချုပ် လုပ်တဲ့ အစိုးရဖွဲ့တဲ့စနစ်ဆိုရင် Honeymoon ကာလကျော်သွားပါပြီအတိုက်အခံပါတီကအယုံအကြည်မရှိအဆိုတင်သွင်းပြီး ဖြုတ်ချဖို့ ကြိုးစားတော့မှာပါ။

ကျွန်တော် တို့ သက်တမ်းနုပါသေးတယ်လို့ ပြောမရပါ၊ မပြောသင့်တော့ပါ။

နေရာပေးလို့ရထားတဲ့ ဒေါ်အောင်ဆန်းစုကြည် နဲ့ ၇-ရာခိုင်နှုန်းမျှသောလွှတ်တော်ကိုယ်စားလှယ်
တွေကဝန်ထမ်းစကားနဲ့ပြောရင်အကြံပေးအရာရှိအဆင့်ဘဲရှိပါတယ်၊ သုံးချင်တဲ့အခါ သုံးလိုက်တယ်၊ ကျန်တဲ့အချိန်မှာတော့ အကြံပေးစကားအာဏာနဲ့ ဆုံးဖြတ်ပိုင်ခွင့်မှ မရှိတာ။

အဂတိလိုက်စားမှုဟာခေတ်အဆက်ဆက်ကအမြစ်တွယ်လာတာပါ ပျောက်ချင်သလားးတွယ်နေတဲ့ အမြစ် ဘယ်လောက်မြန်မြန် ဖြတ်နိုင်သလဲဆိုတဲ့အပေါ်မူတည်ပါတယ်။

ဌာနဆိုင်ရာတွေမှာမျဉ်းနီတားတယ်ဆိုတာရှိပါတယ်။ စာရင်းဇယားကွာဟနေရင် အရင် စာရင်းရှင်းတာကရှင်းနေ၊ လက်ရှိအခြေအနေကိုစာရင်းကောက်ပြီးဒီကစစနစ်တကျလုပ်လို့ မျဥင်္းနီတားလိုက်တာပါ။

ဝန်ထမ်းတွေ အရေးယူရင် အရင်က Fundamental Rules ထဲက G- Circular 15 နဲ့ စစ်ဆေး
တာဝန်ပေါ့တာကိုဝန်ထမ်းစည်းမျဉ်းအရသတိပေး၊ လစာလျှော့၊ ပြောင်း၊ ထုတ် အငြိမ်းစားပေးစသဖြင့် အရေးယူပြီးငွေကြေးဥစ္စာ နှင့် ပတ်သက်လာလျင် သက်ဆိုင်ရာ ပြစ်မှု ဥပဒေနဲ့ အရေးယူဖို့ ဆက်လက်ဆောင်ရွက်ပါတယ်။

ကျွန်တော်တို့ငယ်ငယ်ကရော၊ အခုကလေးတွေရောမိဘကနောက်မလုပ်နဲ့နော် လုပ်ရင် ရိုက်မယ်လို့ ပြောထားပြီးနောက်တစ်ခါ လုပ်မိလို့ မိဘကငါပြောထားတယ် နောက် လုပ်ရင်းရိုက်မယ်လို့ ပြောတဲ့အခါ -

ကလေးကမိဘမျက်နှာ အသာလှမ်းကြည့်တယ် တစ်ကယ် ရိုက်မဲ့ ပုံပေါ်လားလို့ တစ်ကယ် မရိုက်လောက်ဖူးထင်ရင် မျက်နှာကစပ်ဖြဲဖြဲ ဖြစ်သွားပါတယ်။

အစိုးရသစ်လက်ထက်မှာစံချိန်တင် အလွဲသုံးမှု ပေါ်တယ် အစိုးရဘယ်လိုရှင်းလိုက်သလဲ

၊မိုးယိုတဲ့ အခါ ခေါင်ကမလုံရင် ဘယ်လိုမှ မလုံတော့ဘူးတဲ့

၊ပုတီးစိပ်တဲ့ လူကြီးလာရင် ဝန်ထမ်းငယ်တွေ ပုတီးကိုယ်စီဆောင်ကြတယ်။

အရက်သောက်တဲ့လူကြီးလာရင် ဝန်ထမ်းငယ်တွေ ဘလက်လေဘယ်စုကြတယ်

ဘုရားတည်တဲ့ လူကြီးလာရင် အုတ်သယ်ဘိလပ်မြေသယ် ကုသိုလ်ယူကြတယ်

ဂေါ့ဖ် ရိုက်တဲ့လူကြီးလာရင် ဂေါ့ဖ်အိတ်တွေ စုကြတော့တာဘဲ

လမ်းသစ်ဖောက်တဲ့အခါ ရှေ့ဆုံးကတစ်ယောက် က ကိုင်းခုတ်ဒါးဆောင်ပြီးလမ်းမှာခံနေတဲ့ ခြုံနွယ်ပိတ်ပေါင်းတွေ ခုတ်ဖြတ်ရပါတယ်။
နွယ်ပင်ခြုံပင်တွေ့ရင်လဲဆွဲပြီးဆက်စပ်ပါလာသလောက် ဖြတ်ရပါတယ်။

မျဉ်းနီတားသင့်ပါပြီဟိုငဲ့ ဒီငဲ့ လုပ်နေရင် သူတို့ဆီလာမဲ့ ရင်းနှီးမြုပ်နှံမှုတွေ နေရာပြောင်းသွားမှာစိုးရိမ်ပူပန်နေသူတွေရဲ့ တိုက်ကွက်တွေ အောင်သွားပါလိမ့်မယ်။

ကျွန်တော်တို့ငယ်ငယ်ကဖတ်စာထဲကလို
ဒီလိုပုံဖြင့် မိုးကြီးချုပ်လျင် ကျွန်ုပ် အိမ်ပြန်ရောက်မည် မဟုတ် ကိန်းဆိုက်သွားပါလိမ့်မည်။

Only Two Children allowed

မျက်တောင်မွှေ တဆုံးသာ ကြည့် ( မြင် ) သူတွေ တော်တော်များနေပါလား

ဦးပေါ်ဦး စာအုပ်ထဲမှာ တော့ မြစ်ရေ မကြီးအောင် ဘုရင်ကို ကြိမ်နဲ့ ရေပြင်းကို ရိုက်ခိုင်းတယ်

သူများတွေကို ကလေး နှစ်ယောက်ထက် ပို မမွေးရလို့ကန့်သတ်ရမယ်တဲ့

အောင်မြင်ရင်တော့ ဆက်ပြီး အမိန့်ထုတ်ခိုင်းရမယ်

ဒီကောင်တွေလဲ တော်သလင်းလဘဲ ခွင့်ပြုထားတာ ကာလလဲ ဂရုမစိုက်

နေရာလဲ မရွေး လူတွေလိုက်တုနေတယ်

ခွေးတွေ အတွက် အမိန့်ထုတ်ခိုင်းအုန်းမှ

အမိန့်ထုတ်ြ့ပီးပြီ။

အာဏာတည်အောင်လုပ်ရတော့မယ်

အိမ်တိုင်းစေ့သွား ကလေး ၂-ယောက်ကျော်တာနဲ့

ယောက်ျား ဖြတ်ပေးမလား၊ မိန်းမ ဖြတ်ပေးမလား

၂-လ၊ ၃-လတစ်ခါ ဆေးလိုက်ထိုးပေးမလား၊ စာရင်းသေချာလုပ်ထား လူနဲ့ အချိန်မမှားအောင်

ဒါမှမဟုတ် ငယ်ငယ်က ကျောင်းမှာ သံချဆေး တိုက်သလို မနက်တိုင်း ပါးစပ်တွေ ဖြဲပြီး ဆေး တစ်

လုံးစီ လိုက်ထည့်မလား၊ လျှာအောက် ကပ်မထားအောင် သေချာစစ်အုန်းနော်

အခု အော်နေတဲ့ သူတွေ စာရင်းလာပေး အဲဒီအလုပ်တွေ လုပ်ပေးဘို့

==========================================

ကဲ ဒါနဲ့ မမှီလိုက်ဘူး ကောင်မ တတိယ ဗိုက်ထွက်လာပြီ

မျိုးချစ် တွေလာ အတင်းဗိုက်ကို ဝါးလုံးနဲ့ဖိချရအောင်

ဒါမှ မဟုတ် ဆေးထိုး ဆေးတိုက် ဖျက်ချရအောင်

ဒါမှမဟုတ် သားဖွားဆရာမတွေ ဆရာဝန်တွေ တာဝန်ပေးထား တတိယ ကလေးဆိုတာနဲ့

မွေးမွေးချင်း သတ်လိုက်လို့

ကျန်းမာရေး မကောင်းလို့ မိသားစု စီမံကိန်း နားလည်လို့ ဖြတ်ချင်ရင် တင်ရတဲ့လျှောက်လွှာ

တည်ဆဲဥပဒေက ဘာတွေ ပြဌာန်းထားလဲ မသိတာလား မသိချင်ယောင်ဆောင်တာလား

================================================

လုပ်ရမှာက ခိုးဝင်လာရင် ဝင်လာတဲ့ အပေါက်ပိတ်

ရောက်ပြီးသားသူတွေ ဘယ်သူ့အမိန့်နဲ့ ဘယ်သူ မှတ်ပုံတင်ပေးထားလဲ

နောက်ကြောင်းပြန် ဖိုင်တွေ ပြန်ရှာ အရေးယူ

အခြေခံ ဥပဒျေမှာ တရားဝင် လုပ်ဆောင်ချက်တွေကိုဘဲ အမွေခံရမှာ

ဥပဒေမဲ့ လုပ်ထားတာ လာဘ်စားထားတာ အလွဲသုံးစားလုပ်ထားတာတွေ ခွင့်ပြုရမယ်လို ရေးမထားဘူး

===================================================

နောက်တစ်ခုက လက်ထပ်ထိမ်းမြားခြင်း ဥပဒေပြင်

ဘာသာမတူရင် လက်ထပ်ခွင့်မပြုနဲ့

အဲဒီလောက် လင်လိုချင် မယားလိုချင်နေလို့ ဘာသာတူထဲက ရှာမရရင် အပျို လူပျိုဘဝ ကတည်းက ဘာသာပြောင်းပြီးမှ လက်ထပ်ခွင့်ပြု

ဘာသာမပြောင်းဘဲ လက်ထပ်ရင် ပြင်းပြင်းထန်ထန် အရေးယူဘို့ ပြဌာန်းထား

မကျေနပ်သေးရင် ကာယကံရှင် ကို အပြစ်ပေးလို့အားမရရင် မွေးထားတဲ့ မိဘပါ အရေးယူ

ကိုယ့်သားသမီး ကိုယ်ယုံကြည်တဲ့ ဘာသာရေး သေချာ မသွန်သင်လို့

ကဲ လုပ်နိုင်ရင် လုပ်ကြ

အဲဒါကြောင့် တစ်ချို့မိဘ ကိုယ့်သားသမီး စွန့်လွှတ်ကြောင်း ကြေငြာတာပေါ့

အော် ငါကလဲ မနေနိုင် မထိုင်နိုင် ဝင်ရှာရှည်မိ ပြန်ပြီ

ဟိုတွေး ဒီတွေး

                               ဒေါ် အောင်ဆန်းစုကြည် နှင့်  ဖွဲ့စည်းပုံ ပြင်ဆင်ရေး

ဒေါ်အောင်ဆန်းစုကြည် မနေ့က ညနေပိုင်း မှာ သမ္မတ ဖြစ်ချင်ပါတယ် ဆိုတဲ့ စကားကို ရှင်းပြပါတယ်

သတင်းဌာန တစ်ခုနဲ့ တွေ့တုန်းက  သမ္မတ မဖြစ်ချင်ဘူးလားလို့မေးပါတယ်တဲ့

မကွယ်မဝှက် ပွင့်ပွင့်လင်းလင်း ဖြေတတ်တဲ့ ဒေါ်စုက သမ္မတ ဖြစ်ချင်ပါတယ်လို့ ဖြေလိုက်ပါတယ်

သူများတွေလို ပြည်သူတွေ အလိုရှိရင် ပါတီက တာဝန်ပေးရင် လုပ်ပါမယ်လို့ ဒေါ်စု ဝေ့လည်ကြောင်ပတ် မဖြေခဲ့ပါဘူး၊ သူ သမ္မတ မဖြစ်အောင် သေချာ ဆွဲထားတဲ့ ဖွဲ့စည်းပုံဘဲ ဒေါ်စု မသိရှိပါ့မလား။

ပါတီတစ်ခုထူထောင်ရင် တိုင်းပြည် နဲ့လူမျိုးအတွက် ပေါ်လစီတွေုထုတ်ပြန်ပြီး ဘာလုပ်မယ် ညာလုပ်မယ် ကြေငြာကြတာဘဲလေ

နိုင်ငံအတွက် တစ်ကယ်လုပ်နိုင်တာ အစိုးရ အဖွဲ့ပါဘဲ

လက်နက်ကိုင် သူပုန်တွေ ဘယ်လောက်ဖျက်ဖျက် ၊ အဝေးရောက်တွေ ဘယ်လောက် အော်အော် သမန်းရှ သလောက်ဘဲ ရှိတာပါ

အစိုးရ ပေါ်လစီ မှားတော့ အနှစ် ၂၀-ကျော် အကြာမှာ အဆင်းရဲဆုံးနိုင်ငံ စာရင်းသွင်းပေးဖို့ ကိုယ်တိုင် တောင်းဆိုခဲ့ရတယ်

နောက်ထပ် နှစ်ပေါင်း ၂၀-အကြာမှာ သစ်တောပြုန်းတီးမှု ကမ္ဘာ့ အဆင့် ဝင်သွားတယ် ပြည်သူပြည်သား တွေလဲ နိုင်ငံတကာထွက်ပြီး အများစု က အဆင့်နိမ့်အလုပ်တွေလုပ်ကြရတယ် ကိုယ့်ထက် သမိုင်းကြောင်း  နိမ့်တဲ့သူတွေရဲ့ အနိုင်ကျင့် စော်ကားတာခံကြရတယ်

ဟီလာရီ ကလင်တန် နိုင်ငံခြားရေး ဝန်ကြီး ရာထူးက နားတော့ ဟောပြောပွဲတွေ လိုက်ဟောတော့ ညာဏ် ပူဇော်ခ များစွာ ရတယ်တဲ့။

ဒေါ်စု အရည်အချင်း၊ အတတ်ပညာ၊ အတွေ့အကြုံ၊ ကျော်ကြားမှုတွေနဲ့ ပြင်ပနိုင်ငံတွေမှာ ဟောပြောနေရင် ဝင်ငွေ အများကြီးရမှာပါ

ဒါမှမဟုတ် အပြည်ပြည်ဆိုင်ရာ ကော်ပိုရေးရှင်းကြီးတွေမှာ ရာထူး ဝင်ယူရင် လဲရတာဘဲ

ဒေါ်အောင်ဆန်းစုကြည်ဟာ မြန်မာပြည်က ထွက်တဲ့ ကျောက်ရိုင်းတုံး ကို ပြည်ပက အကွက်ဖော်သွေးပြီး အရောင်တင်ပေးထားတဲ့ ကျောက်ရိုင်းတုံးပါ။

ပြည်ပကို အများကြီးထွက်ကြတယ်၊ သူလိုတော်တတ်လာတဲ့သူ နည်းနည်းလေးပါ

မျိုးရိုးဗီဇ ကောင်းပါရဲ့ ပြည်တွင်းမှာနေရင်း တိမ်ကောသွားတဲ့သူတွေ အများကြီး

ပင်ကိုယ်အရည်အသွေးရော လေ့ကျင့်ပျိုးထောင်မှုရော ကောင်းတဲ့ လူတော်လူကောင်းတစ်ယောက်ပါ

လူအများစုက ဒေါ်စု တော်မှန်း လက်ခံတယ်၊ ကောင်းမှန်းလက်ခံတယ်၊ ခေါင်းဆောင်အဖြစ်နဲ့ လက်ခ့ကြတယ်

မကောင်းတဲ့လူတစ်စုက ဒေါ်စု အရောင်တောက်ပြောင်လွန်းတော့ အမျိုးမျိုး ကြိုးစားပြီး သိက္ခာကျအောင်၊ အကြည်ညိုပျက်အောင် လုပ်နေကြတယ်

ကျွန်တော်တို့ မျောက်အုန်းသီး ရသလိုဖြစ်နေကြပြီလား

အနှစ်နှစ်ကာလက ပြဿနာပေါင်းစုံ နဲ့ ပွေလီရှုတ်နေတဲ့ တိုင်းပြည်ကို အမြန်ဆုံးရှင်းပေးနိုင်တာ ဒေါ်စုက 

လွဲရင် ဘယ်သူရှိမလဲ၊

ဒေါ်စုလောက် တိုင်းပြည်ကို လူသိများအောင်၊ နေရာလေးတစ်ခုပြန်ရအောင် လုပ်နိုင်တာ ဘယ်သူရှိလဲ

အသေးအမွှားတွေမှာ ဆန္ဒတွေ ထုတ်ဖော်နေတဲ့ ပြည်သူတွေ ဒေါ်စု သမ္မတ ဖြစ်နိုင်တဲ့ အထိ 

ဖွဲ့စည်းပုံ ပြင်ဖို့ ဘာတွေများ ဆန္ဒ ဖော်ထုတ်ကြပါသလဲ

ကိုယ့်ပုိုင်ဆိုင်မှု ထုတ်ဖော်ကြေငြာဖို့ သဘောမတူရဲတဲ့ သူတွေ ပြင်ပေးမယ် ထင်လို့စောင့်နေတာလား

အရည်အချင်းရှိတဲ့ ထိုက်တန်တဲ့သူကို လုပ်ပိုင်ခွင့်ပေးမှ တိုင်းပြည် အမြန် တိုးတက်မှာပါ

ဦးစိုးသိန်းပြောသွားပါတယ်၊ နှစ်ပေါင်းများစွာ လိမ်ရှုတ်နေတဲံ့ ကြိုးထုံးကြီးကို ဖြည်ရတာ နဲနဲတောံ ကြာမှာပေါ့တဲ့  ဖြည်ရင်းဖြည်ရင်း နောက်ထပ် နှစ်၂၀ ကြာသွားအုန်းမှာလား

မြန်မာပြည်မှာ တစ်ခါပြောင်းဖို့  ၂၅ နှစ်လောက်ကြာတတ်ပါတယ်

၁၉၆၂-၁၉၈၈  / ၁၉၈၈ - ၂၀၁၁   နောက်ထပ် နှစ် ၂၀ ကြာရင် ဖွဲ့စည်းပုံ အခြေခံ ဥပဒေ အလိုလို ပြောင်းသွား အောင်စောင့်ကြတာပေါ့

၆-ရက်နေ့က ဒေါ်ဇင်မာအောင် ပြောသွားတယ်  ၂၅-ရာခိုင်နှုန်းသော တပ်မတော်သား ကိုယ်စားလှယ်များက ၇၅-ရာခိုင်နှုန်းသော အရပ်သားကိုယ်စားလှယ်များထက် ဖွဲ့စည်းပုံ ပြင်ဆင်ရေးမှာ ဗီတို အာဏာရထားတယ်တဲ့

ဟုတ်သားဘဲနော်

၁၉၄၈ ဖွဲ့စည်းပုံ ဗိုလ်ချုပ်ကြီး နေဝင်း ဖျက်ပေးတယ်

၁၉၇၄ ဖွဲ့စည်းပုံ ဗိုလ်ချုပ်မှူးကြီး စောမောင် ဖျက်ပေးတယ်

၂၀၀၈ ဖွဲ့စည်းပုံကို လက်ရှီ ကာချု့ပ်က  မိမိ ဆန္ဒ အလျောက် တပ်မတော်သား ပါဝင်မှုကို နောက်ဆုတ်ပေးရင်း ပြင်ပေးရင် ကောင်းမှာဘဲနော်။

World Economic Forum East Asia 2013 News

ဖွံ့ဖြိုးရေးအတွက် အိမ်နီးချင်း နိုင်ငံများ 

အပြည်ပြည်ဆိုင်ရာ အဖွဲ့အစည်းများ နှင့် ပုဂ္ဂလိက ကဏ္ဍ ပါဝင်မှုလိုအပ်

ညွန့်အောင် ( မြစ်မခ )

မြန်မာနိုင်ငံ၏ လက်ရှိဆောင်ရွက်နေသော ဖွံ့ဖြိုးတိုးတက်ရေး လုပ်ငန်းစဉ်များတွင် အိမ်နီးချင်း နိုင်ငံများ၊ အပြည်ပြည်ဆိုင်ရာ အသိုင်းအဝိုင်းများ နှင့် ပုဂ္ဂလိက ကဏ္ဍများသည် အခြား လုပ်ဖော်ကိုင်ဖက်များနှင့် အတူ လက်တွဲပါဝင်ရန် လိုအပ်ကြောင်း မြန်မာနိုင်ငံတွင် ကျင်းပနေသော ကမ္ဘာ့စီးပွားရေး ဖိုရမ် အရှေ့အာရှ အစည်းအဝေး တရားဝင် ဖွင့်ပွဲ အခမ်းအနားတွင် အဆိုပါ အဖွဲ့ တည်ထောင်သူ နှင့် အမှုဆောင် ဥက္ကဌ မစ္စတာကလော့စ် ရှဝပ်ဘ် ကပြောကြားပါသည်။

မစ္စတာ ရှဝပ်ဘ် က “ မိမိတို့သည် မြန်မာနိုင်ငံမှ လောလောဆယ် ဆောင်ရွက်နေသော နိုင်ငံရေး၊ စီးပွားရေး နှင့် လူမှုရေးဆိုင်ရာ ပြုပြင်ပြောင်းလဲမှု လုပ်ငန်းစဉ်တွင် လုပ်ဖော်ကိုင်ဖက်များ အဖြစ် ရောက်ရှိနေခြင်း ဖြစ်ကြောင်း၊ မြန်မာနိုင်ငံ၏ ပြုပြင် ပြောင်းလဲရေး လုပ်ငန်းစဉ်သည် အရှိန်အဟုန်ရလာပြီ ဖြစ်သဖြင့် နောက်ကြောင်းပြန်လှည့်တော့မည် မဟုတ်ကြောင်း ” မြန်မာနိုင်ငံ၏ သမိုင်းဝင် အခမ်းအနား ဖွင့်ပွဲတွင် သုံးသပ်ပြောဆိုပါသည်။

အဆိုပါ အခမ်းအနားအား နိုင်ငံတော် သမ္မတ ဦးသိန်းစိန်မှ အဖွင့်မိန့်ခွန်းပြောကြား ဖွင့်လှစ်ပေးပြီး  ဗီယက်နမ် နိုင်ငံ ဝန်ကြီးချုပ် မစ္စတာ ငုယင်တန်ဒေါင် နှင့်  လာအိုနိုင်ငံ ဝန်ကြီးချုပ် မစ္စတာ သွန်ဆင်း သမ်မာဗွန် တို့လည်း ဖိုရမ် အမှုဆောင် နှင့် အတူ တက်ရောက်ကြပါသည်။

နိုင်ငံတော် သမ္မတ ဦးသိန်းစိန်က ဗဟိုချုပ်ကိုင်သည့် အစိုးရ စနစ်မှ လွတ်လပ်သော ဈေးကွက် စီးပွားရေး စနစ်ကို အခြေခံသည့် စနစ်သို့ပြုပြင်ပြောင်းလဲနေကြောင်း နှင့် “ ကျွန်တော်တို့ ဒီပြုပြင်ပြောင်းလဲရေါ် လုပ်ငန်းစဉ်ကို ဘယ်လိုနည်းဖြင့်မျှ သွေဖည်သွားမည် မဟုတ်ကြောင်း ကျွန်တော် ကတိပေးပါတယ်” ဟု ပြောကြားပါသည်။ ဆက်လက်၍ နိုင်ငံတကာ အထူးသဖြင့် အာဆီယံ နိုင်ငံများ နှင့် ပူးပေါင်းဆောင်ရွက်မှုများ လိုအပ်ကြောင်း အလေးအနက် ထည့်သွင်းပြောပါသည်။ ၂၀၁၄ ခုနှစ်အတွင်း မြန်မာနိုင်ငံက အာဆီယံ ဥက္ကဌ တာဝန်ထမ်းဆောင်ရာတွင်လည်း အဖွဲ့ဝင်နိုင်ငံများ၏ ပူးပေါင်းမှု လိုအပ်ကြောင်းလည်း ဖော်ပြပါသည်။

ဗီယက်နမ် ဝန်ကြီးချုပ်ကလည်း ဒေသတွင်း ပူပေါင်းဆောင်ရွက်မှုများတွင် ဗီယက်နမ် နိုင်ငံ၏ ပူးပေါင်းမှုကို အလေးအနက်ပြောကြားရင်း အာဆီယံ တပေါင်းတစည်းတည်းဖြစ်ရေး ရည်မှန်းချက်များ အောင်မြင်ရေး အတွက် ခွန်အားစိုက်ထုတ် ဆောင်ရွက်ရန် အရေးကြီးကြောင်း ဖော်ပြပါသည်။ ပိုမိုကြီးမား ကျယ်ပြန့်သော လမ်းပန်းဆက်သွယ်ရေး တည်ဆောက်မှု ခြင်းသည် အာဆီယံ ကုန်းတွင်းပိုင်းနိုင်ငံများ ဖွံ့ဖြိုးတိုးတက်မှု အတွက် အခွင့်အလမ်းကောင်းကြီး ဖြစ်ကြောင်းလည်း ဖော်ပြသွာါးပသည်။

အရှေ့-အနောက် စီးပွားရေး မျက်နှာစာတစ်လျှောက် လမ်းများဖောက်လုပ်ခြင်းဖြင့် ကုန်စည်စီးဆင်းမှု ပိုမိုမြန် ဆန်လာစေပြီး စီးပွားရေး ဖွံ့ဖြိုးမှု ကို ပိုမိုတိုးမြှင့်ပေနိုင်မည် ဖြစ်သဖြင့် စီးပွားရေး လုပ်ငန်းများအား မိမိတိုက အကျိုးစီးပွား၊ သက်ဆိုင်ရာ နိုင်ငံများ အကျိုးစီးပွား နှင့် ဒေသတစ်ခုလုံး အကျိုးစီးပွားအတွက်  သက်ဆိုင်ရာ စီမံကိန်းများတွင် ဝင်ရောက် ရင်းနှီးမြုပ်နှံပေးရန်လည်း တိုက်တွန်းလိုက်ပါသည်။

လာအိုနိုင်ငံသည်လည်း ကုန်သွယ်ရေးဆိုင်ရာ ဖြေလျှော့မှုများ နှင့် ဒေသတွင်း စီးပွားရေး ပူးပေါင်းဆောင်ရွက်မှု များကြောငိ့ စီးပွားရေးတိုးတက်မှု မျာမြန်ဆန်လာခဲ့ကြောင်းဖော်ပြရင်း လာအိုဝန်ကြီးချုပ်ကလည်း

 ’’  လာအိုနိုင်ငံသည် အိမ်နီးချင်းနိုင်ငံများနှင့် နှစ်နိုင်ငံအကြား ပူးပေါင်းဆောင်ရွက်ရေး၊ နိုင်ငံအများ ပူးပေါင်း ဆောင်ရွက်ရေး များတွင် ကျယ်ပြန့်စွာ ဆက်လက်ပူးပေါင်းဆောင်ရွက်သွားမည်  ” ဟု ကတိပေးပြောကြား သွားပါသည်။

ဖိုရမ် ဥက္ကဌ မစ္စတာ ကလော့စ် ရှဝပ်ဘ်က မြန်မာနိုင်ငံ၏ ဖွံ့ဖြိုးတိုးတက်မှု လမ်းကြောင်းကို ရည်ညွှန်လျက်

“  သမ္မတ ဦးသိန်းစိန်၊ ခင်ဗျားအနေဖြင့် ဒီထက်မြန်မြန် ဆောင်ရွက်လို့ရပါသေးတယ်၊ ခင်ဗျားတို့ ဖွံ့ဖြိုး တိုးတက်နှုန်းကို ၁၀-ရာခိုင်နှုန်း အထိ တိုးမြှင့်ရယူနိုင်တဲ့ အခြေအနေမှာရှိပါတယ်  ” ဟုလည်း တိုက်တွန်း အားပေးခဲ့ပါသည်။

နေပြည်တော်တွင် ဇွန်လ ၅ - ၇ ရက်အတွင်း ကျင်းပနေသော အဆိုပါ ဖိုရမ်သို့ နိုင်ငံပေါင်း ၅၅ နိုင်ငံမှ ကိုယ်စားလှယ်ပေါင်း ၁၀၀၀-ကျော် ပါဝင်တက်ရောက်နေကြပါသည်။ မြန်မာ၊ လာအို၊ ဖိလစ်ပိုင် နှင့် ဗီယက်နမ် နိုင်ငံတို့မှ နိုင်ငံ အကြီးအကဲများ အပါအဝင် နိုင်ငံ ၁၅-နိုင်ငံမှ ထင်ရှား ကျော်ကြားသော ပုဂ္ဂိုလ်ပေါင်း ၁၀၀-ခန့်လည်း တက်ရောက်ကြပါသည်။

နိုင်ငံတကာ ကုမ္ပဏီကြီးပေါင်း ၆၀-ကျော်မှ တာဝန်ရှိ ပုဂ္ဂိုလ်များ၊ စီးပွားရေးလုပ်ငန်းရှင်ပေါင်း ၅၅၀-ကျော်၊ ကမ္ဘာ့ လူရွယ် ခေါင်းဆောင်ပေါင်း ၃၀၀-ကျော် တို့သည် လူမှုရေးအဖွဲ့အစည်းများ၊ ပညာရှင်များ မီဒီယာများ နှင့်အတူ အရှေ့အာရှ ဒေသ နှင့် မြန်မာ နိုင်ငံ အတွင် ရင်ဆိုင်နေရသော အခက်အခဲများ  ဖြေရှင်းရန် နှင့် စီးပွားရေး အခွင့်အလမ်းများ ဖော်ထုတ်ရန် ဝိုင်းဝန်းဆွေးနွေးလျက်ရှိကြပါသည်။