ငလျင်ကို ဘယ်လိုရင်ဆိုင်မှာလဲ အပိုင်း-၆

ငလျင်ကို ဘယ်လို ရင်ဆိုင်မလဲ

အပိုင်း-၆

အန္တရာယ် ဖြစ်ပေါ်နိုင်မှု အလားအလာများ ခွဲခြားဖော်ထုတ်ခြင်း ( Risk Identification )

ညွန့်အောင် ( မြစ်မခ )

         ထိရောက်သော သဘာဝ ဘေးအန္တရာယ်ဆိုင်ရာ စီမံခန့်ခွဲမှု စနစ်တွင် အောက်ဖော်ပြပါ ကဏ္ဍများ ၅-ရပ် ပါဝင်လေ့ရှိပါသည်။

·        အန္တရာယ် ဖြစ်ပေါ်နိုင်မှု အလားအလာများ ခွဲခြားဖော်ထုတ်ခြင်း ( Risk Identification )

·        အရေးပေါ် အခြေအနေအတွက် ကြိုတင်ပြင်ဆင်ထားခြင်း (Emergency Preparedness )

·        သီးသန့်တာဝန်ယူ အဖွဲ့အစည်းများ၏ လုပ်ငန်းစွမ်းဆောင်ရည် မြှင့်တင်ခြင်း ( Institutional Capacity Building )

·        အန္တရာယ် ဖြစ်ပေါ်နိုင်မှု အလားအလာများ လျော့နည်းသက်သာရေး ( Risk Mitigation )

·       ရုတ်တရက်ဖြစ်ပွားတတ်သော သဘာဝဘေး များအတွက် ဘဏ္ဍာငွေ ချမှတ်သုံးစွဲခြင်း ( Catastrophe Risk Financing )

ဤကဏ္ဍ ၅-ရပ်ပါ အကြောင်းအရာများအား အသေးစိပ် ဆက်လက်ဆွေးနွေးမည်ဖြစ်ပါသည်။

အန္တရာယ် ဖြစ်ပေါ်နိုင်မှု အလားအလာများ ခွဲခြားဖော်ထုတ်ခြင်း ( Risk Identification )

          သဘာဝ ဘေးအန္တရာယ်တွေ ကြုံတွေ့ရတဲ့အခါ သေကျေပျက်စီးမှုတွေ လျှော့ချနိုင်ရန်အတွက် အရေး အကြီးဆုံး နဲ့ အရင်ဆုံးလုပ်ရမှာက ဘယ်လို ပြဿနာတွေဖြစ်ပေါ်လနိုင်သလဲဆိုတာ ရှာဖွေ ဖော်ထုတ် နားလည်ထားရန် ဖြစ်ပါတယ်။ ဖြစ်ပေါ်နိုင်သော ဘေးအန္တရာယ် အခြေပြ မြေပုံတွေ ပြင်ဆင်ရေးဆွဲခြင်း၊ နေရာ ဒေသအလိုက် အားနည်းထိခိုက်လွယ်မှု အခြေအနေ၊ ဖြစ်ပေါ်လာသော အခြေအနေများကို ရင်ဆိုင်ဖြေရှင်း နိုင်စွမ်း အား ဆန်းစစ်ခြင်း၊ ရင်ဆိုင်တွေ့ကြုံနိုင်သော အခြေအနေများကို ကြိုတင်ပုံစံထုတ်ထားခြင်း၊ ဖြစ်ပေါ် လာနိုင်သည့် ကပ်ဘေး၏ တိုက်ရိုက်ဆိုးကျိုးများ၊ သွယ်ဝိုက်ဆိုးကျိုးများ နှင့် နောက်ဆက်တွဲ ဆိုးကျိုးများကို ကြိုတင်တွက်ဆ သိနားလည်ထားခြင်တို့ ပါဝင်ပါသည်။

         သဘာဝ အန္တရာယ် မှ ကပ်ဘေးအသွင်ဖြစ်လာနိုင်မည့် အလားအလာများပြားလာစေသည့် အကြောင်း အရာ များမှာ အောက်ပါအတိုင်းဖြစ်ပါသည်။

·        လူဦးရေထူထပ်မှု- ငလျင်လှုပ်တတ်သည့် နေရာဒေသများအတွင်း လူနေထူထပ်သည် နှင့် အမျှ ကြုံတွေ့နိုင်သည့် သေကျေ ပျက်စီးမှုလည်းများလာနိုင်ပါသည်။ ကမ္ဘာပေါ်တွင် လူနေထူထပ် အများပြားဆုံး မဟာမြို့တော်ကြိး ၁၀-ခုအနက် ဂ-မြို့သည် ငလျင်လှုပ်တတ်သည့်  ဖွဲ့ဖြိုးဆဲနိုင်ငံ များတွင်တည်ရှိနေပါသည်။ ကမ္ဘာ့ငလျင်အများစုသည် ပစ္စိဖိတ် သမုဒ္ဒရာအနားသတ်မျဉ်း တစ် လျှောက်တွင် လှုပ်ခဲ့ပြိး ကမ္ဘာ့လူဦးရေ စုစုပေါင်း သုံးပုံ နှစ်ပုံခန့် နေထိုင်ရာ အာရှဒေသအတွင်း ကျရောက်လျက်ရှိပါသည်။

·        အရည်အသွေးညံ့ဖျင်းသော၊ စနစ်တကျ ဆောက်မထားသော အဆောက်အဦးများ- စနစ်တကျ တည် ဆောက်မထားသော အဆောက်အဥိးများ နှင့် စံချိန်စံညွှန်းမမီသော အဆောက်အဦးများသည် ငလျင် လှိုင်းဒဏ်မခံနိုင်ဘဲ လူအများအပေါ်ပြိုကျကာ လူအများအား သေကြေပျက်စီးစေနိုင်ပါသည်။

·        ဆငိးရဲခြင်း- ဆင်းရဲမွဲတေမှုကြောင့် လူအများသည် အန္တရာယ်မကင်းသောနေရာများ၊ အရည်အသွေး ညံ့ဖျင်းသော အဆောက်အဦးများ နှင့် နေရာကျဉ်းများတွင် မနေချင်ဘဲ ပြွတ်သိပ်နေထိုင်ကြရ ပါသည်။ ငလျင်လှုပ်သောအခါများတွင် ဆင်းရဲသားများက ချမ်းသာသူများက ပို၍ ဒုက္ခရောက်ကြရပါ သည်။ ပညာတတ်ခြင်း နှင့် အရည်အသွေးကောင်းသော အဆောက်အဦးများသည် လူအများအ သက်ကိုကယ်ပြိး လျစ်လျူရှုခြင်း နှင့် အကျင့်ပျက်လာဘ်စားခြင်းများသည် လူကအသက်များကို ဆုံးရှုံးစေပါသည်။

ထိခိုက်နစ်နာလွယ်သော နေရာများ နှင့် လူများ

         ငလျင်ဒေသအတွင်းရှိ မြို့ပြဒေသများ၊ အိုမင်းသော အဆောက်အဦးများ တွင် နေထိုင်သူများ၊ ငလျင်ဒေသအတွင်းရှိ စနစ်တကျ တွက်ချက် ပုံစံထုတ်မထားဘဲ ဖြစ်သလို ဆောက်ထာသော အဆောက်အဦး များ နှင့် ထိုနေရာများတွင် နေထိုင်သော သူများသည် ငလျင် လှုပ်သောအခါ အထိခိုက် အနစ်နာခံရဆုံးသော လူများဖြစ်ကြပါသည်။

         ပထမဆုံး လိုအပ်ချက်မှာ ဖြစ်ပေါ်လာနိုင်သည့် ပြဿနာများကို ရှာဖွေဖော်ထုတ်ခြင်း နှင့် ထိုပြဿနာ များ၏ သဘောသဘာဝကို သိနားလည်ထားခြင်းဖြစ်ပါသည်။   ဖြစ်ပေါ်လာမည့်   ဘေးအန္တရာယ်များကို နေရာအလိုက် တိတိ ကျကျဖော်ထုတ်ကာ မှတ်တမ်းတင်ထားခြင်း၊ နေရာဒေသအလိုက် လူနေမှု အသိုင်း အဝိုင်းများ၏ အားနည်းချက်များ နှင့် အရည်အသွေး စွမ်းအားများကို လေ့လာဆန်းစစ်ခြင်း၊ အန္တရာယ် ဖြစ်စေနိုင်သည့် အလားအလာများကို ခန့်မှန်းပုံစံထုတ်ထားခြင်း၊ သဘာဝဘေး၏ တိုက်ရိုက် ဆိုးကျိုးများ၊ သွယ်ဝိုက်ဆိုးကျိုးများ နှင့် နောက်ဆက်တွဲ ဆိုးကျိုးများကို သိရှိနားလည်စေရန် ကြိုတင်လေ့လာထားခြင်း တို့ ပါဝင်ပါသည်။

သဘာဝ ဘေးအန္တရာယ် လျော့နည်းရေးသည် နိုင်ငံတော် အဆင့် နှင့် ဒေသဆိုင်ရာအဆင့် ဦးစားပေးလုပ်ငန်း ဖြစ်ကြောင်း သိရှိနားလည် လက်ခံခြင်း

         တိုင်းပြည် နှင့် ဒေသဆိုင်ရာအဆင့်တွင် သဘာဝ ဘေးအန္တရာယ် လျော့နည်းရေးဆိုင်ရာ မူဝါဒများ၊ ဥပဒေများ နှင့် အထူးတာဝန်သတ်မှတ်ထားသည့် အဖွဲ့အစည်းများအတွက် မူဘောင်များချမှတ်ထာြး့ပီး တိကျ၍ တိုင်းတာ၍ ရနိုင်သော အညွှန်းကိန်းများ ချမှတ်ထားကာ တိုးတက်မှု လမ်းကြောင်းကို တိုင်းထွာစစ်ဆေးနိုင် မှသာ  လူမှုအသိုင်းအဝိုင်းအားလုံးပါဝင်လျက် အများသဘောတူလက်ခံသော သဘာဝ ဘေးအန္တရာယ် လျော့နည်းရေး လုပ်ဆောင်မှုများကို ကျယ်ကျယ်ပြန့်ပြန့် အင်အားကြီးကြီးဖြင့် ဆောင်ရွက်နိုင်စွမ်း ရှိလာမည် ဖြစ်ပါသည်။

သဘာဝ ဘေးအန္တရာယ် အလားအလာများကို ဖော်ထုတ်၊ စူးစမ်းလေ့လာ၊ စဉ်ဆက်မပြတ် စောင့်ကြပ် ကြည်ရှု ခြင်းအားဖြင့် ကြိုတင်သတိပေး နိုင်စွမ်းကို မြှင့်တင်ခြင်း

         သဘာဝ ဘေးအန္တရာယ် လျော့နည်းရေးကို စတင်ဆောင်ရွက်ရန် နှင့် သဘာဝ ဘေးအန္တရာယ်များကို ကြံ့ကြံ့ခံ တွန်းလှန်နိုင် သော အစဉ်အလာများအား မြှင့်တင်ပေးရန် အတွက် အောက်ပါ အချက်များလိုအပ် ပါသည်။

·       လူအများတွေ့ကြုံရင်ဆိုင်ရမည့် ဘေးအန္တရာယ်များ

·       ထိုဘေးအန္တရာယ်များ တွေ့ကြုံရသောအခါ ဖြစ်ပေါ်လာမည့် ရုပ်ပိုင်းဆိုင်ရာ၊ လူမှုရေးဆိုင်ရာ၊ စီပွား ရေးဆိုင်ရာ နှင့် သဘာဝ ပတ်ဝန်းကျင် ဆိုင်ရာ ထိခိုက်နစ်နာမှုများကို သိရှိထားခြင်း

·       ရေတို နှင့် ရေရှည်ကာလအတွင်း ဘေးအန္တရာယ် အလားအလာများ နှင့် ထိခိုက်နစ်နာမှုများ၏ ပြောင်းလဲမှု လမ်းကြောင်းများ

·       ထိုပြောင်းလဲမှုများ နှင့် လိုက်လျောညီထွေဖြစ်မည့် လုပ်ဆောင်ချက်များကို ကြိုတင် ရေးဆွဲထားခြင်း

         သဘာဝ ဘေးအန္တရာယ်များ နောက်တွင် ကပ်ဘေးဒုက္ခများ ဆိုက်ရောက်လာလေ့ရှိပါသည်။ ကပ်ဘေးများ၏ သေကြေဖျက်ဆီးမှု ပမာဏသည် သဘာဝ ဘေး၏ လူမှုအသိုင်းအဝိုင်း နှင့် ပတ်ဝန်းကျင် အပေါ် ရိုက်ခတ်မှု ပြင်းအားတွင် တည်ပါသည်။ ရိုက်ခတ်မှု ဆိုးကျိုး ပမာဏမှာလည်း လူ့အသက်များ နှင့် ပတ်ဝန်းကျင် အတွက် လူသားများ၏ ရွေးချယ်မှု အပေါ် မူတည်ပါသည်။ အဆိုပါ ရေးချယ်မှုများတွင် စားနပ် ရိက္ခာများကို မည်သို့စိုက်ပျိုးသနည်း။ နေထိုင်ရန် အိမ်ရာများကို မည်သည့် နေရာတွင် မည်ကဲ့သို့ ဆောက် လုပ်ထားသနည်း။ အုပ်ချုပ်နေသောအစိုးရ အမျိုးအစား၊ နိုင်ငံတော် ဘဏ္ဍာသုံးစွဲမှု စည်းမျဉ်းစည်းကမ်းများ နှင့် စာသင်ကျောင်းများတွင် မည်သည့် သင်ခန်းစာများကို သင်ကြားပေးသနည်း စသည့် အကြောင်းအရာများစွာ အပေါ် မူတည်ပါသည်။ မိမိတို့ ဆုံးဖြတ်ချက်တိုင်း၊ လုပ်ဆောင်မှုတိုင်းသည် သဘာဝ ကပ်ဘေးများကို ရင်ဆိုင် ရသည့်အခါ ထိခိုက်နစ်နာမှုများ ခံစားရမည်လား၊ သို့မဟုတ် ကြံ့ကြံ့ခိုင် ရင်ဆိုင် ကျော်လွှားနိုင်မည်လား ဟူသော အဖြေကို ပေးမည်ဖြစ်ပေသည်။

သဘာဝ ကပ်ဘေး အန္တရာယ် လျော့နည်းရေးသည် ရွေးချယ်မှုများ အကြောင်းဖြစ်သည်

         သဘာဝ ကပ်ဘေးအန္တရာယ် အလားအလာ လျော့နည်းရေးသည် သဘာဝ ကပ်ဘေး အန္တရာယ်များ၏ အမှတ်မထင်ဖြစ်တတ်သော အကြောင်းချင်းရာများကို ခွဲခြမ်းစိတ်ဖြာလျက် လျော့နည်းသွားစေရန် စနစ်တကျ ကြိုပမ်းအား ထုတ်မှုများ အားဖြင့် အန္တရာယ် ဖြစ်ပွားနိုင်သည့် အလားအလာများကို လျှော့ချပေးနိုင်မည့် မူဝါဒ များ  နှင့် လုပ်ထုံးလုပ်နည်းများ ဖြစ်ပါသည်။ သဘာဝ ဘေးအန္တရာယ် နှင့် ထိပ်တိုက် မရင်ဆိုင်ရစေရန် ဆောင် ရွက်ခြင်း၊ လူများ နှင့်  ပိုင်ဆိုင်မှု ပစ္စည်းများ၏ အားနည်းချက်များကို လျော့နည်း သက်သာစေခြင်း၊ မြေယာ နှင့် ပတ်ဝန်းကျင်ကို ညာဏ်ပညာ နှင့် ယှဉ်လျက် စီမံခန့်ခွဲ အသုံးချခြင်း၊ ဆိုးဝါးပြင်းထန်းသော အဖြစ်အပျက်များ အတွက် ကြိုတင်ပြင်ဆင်မှုများကို အမြဲ တိုးတက်အောင် ဆောင်ရွက်ခြင်း တို့ပါဝင်ပါသည်။

သဘာဝ ကပ်ဘေး အန္တရာယ် လျော့နည်းရေးသည် လူတိုင်း နှင့် သက်ဆိုင်ခြင်း

         သဘာဝ ကပ်ဘေး အန္တရာယ် အလားအလာ လျော့နည်းရေးတွင် သဘာဝ ကပ်ဘေး အန္တရာယ် ဆိုင်ရာ စီမံခန့်ခွဲမှု နှင့်  အန္တရာယ် သက်သာ လျော့နည်းရေး ၊ ကြိုတင်ပြင်ဆင်ရေး စသည် လုပ်ငန်းများ ပါဝင်သည့် အပြင် ရေရှည်တည်တန့်ခိုင်မြဲသော ဖွံ့ဖြိုးတိုးတက်မှု လုပ်ငန်းစဉ်၏ အစိတ်အပိုင်း တစ်ရပ်လည်းဖြစ်ပါသည်။ ဇွံ့ဖြိုးတိုးတက်မှု လုပ်ငန်းများ ရေရှည် တည်တန့်ခိုင်မြဲရန်အတွက် အဆိုပါလုပ်ငန်းများသည် ဘေးအန္တရာယ် အလားအလာများကို လျော့ချနိုင်ရပါမည်။ တနည်းအားဖြင့် ဆိုရလျင် မခိုင်မာသော ဖွံ့ဖြိုးရေး ဆိုင်ရာ မူဝါဒများ သည် သဘာဝ ဘေးအန္တရာယ် အလားအလာများကို တိုးပွားစေပြီး ဘေးအန္တရာယ်ကြောင့် ပျက်စီးဆုံးရှုံးမှုများ၊ သေကြေပျက်စီးမှုများကို မြင်မားစေမည် ဖြစ်ပါသည်။

         ဥပမာအားဖြင့် ဖွံ့ဖြိုးတိုးတက်မှုလုပ်ငန်းစဉ်များအရ တည်ဆောက်သော စာသင်ကျောင်း၊ လမ်း၊ တံတား၊ ဆေးရုံ စသည်တို့အားမတည်ဆောက်မီကပင် ငလျင်ဘေးဒဏ်ခံနိုင်သော အဆောက်အဦးများ၊ သဘာဝ ဘေး အန္တရာယ် ကျရောက်သောအခါ ( လေမုန်တိုင်း ) ခိုလှုံနိုင်သော အဆောက်အဦးများ အဖြစ် ကြိုတင် တွက်ဆ ပြီး တည်ဆောက်သင့်ပါသည်။

         သို့အတွက်ကြောင့် သဘာဝ ကပ်ဘေး အန္တရာယ် အလားအလာ လျော့နည်းရေး လုပ်ငန်းသည် လူမှု အဖွဲ့အစည်းတိုင်း နှင့် သက်ဆိုင်ပါသည်။ အစိုးရ အဖွဲ့အစည်း ဌာနတိုင်း နှင့် သက်ဆိုင်ပါသည်။ ပညာရှင်တိုင်း ပညာရပ်ဆိုင်ရာ လုပ်ငန်းတိုင်း နှင့် သက်ဆိုင်ပါသည်။ ပုဂ္ဂလိက လုပ်ငန်းတိုင်း နှင့် သက်ဆိုင်ပါသည်။

         ဥပမာအားဖြင့် လူနေတိုက်ခန်းမျာတွင် နောက်ဖက်၍ အရေးပေါ် လှေကားများ တပ်ဆငိထားသော် လည်း သတ်မှတ်ချက် အရသာ တပ်ဆငိထားလေံရှိကြပါသည်။ ခေါင်းပေါက်ပါ သံချောင်း အရွယ်အစား သေးများဖြင့် ဖြစ်ကတတ်ဆန်း တပ်ဆင်ထားသဖြင့် အရေးပေါ် အခြေအနေတွင် မဆိုထားဘိ သာမန် အချိန် များတွင်ပင် အမှန်တကယ်သုံးမရသော လှေကားများ ဖြစ်သည်ကများပါသည်။ ကန်ထရိုက်တာများကလည်း ငွေကုန်သက်သာအောင် လုပ်ပါသည်၊ အတတ်ပညာရှင်များကလည်း မိမိ ပညာရှင် ကျင့်ဝတ်ကို အလေးမထားဘဲ ငွေရှင် လုပ်ငန်းရှင် အလိုကျ ဆောင်ရွက်ပေးပါသည်၊ ပိုင်ရှင်များကလည်း အဆိုပါ အရေးပေါ် လှေကားများ၏ အရေးပါမှု နှင့် ခိုင်ခန့်မှုကို စောင့်ကြည့်ရမှန်း မသိကြပါ၊ အဆောက်အဦး ပြိးသည့်အခါ စစ်ဆေး၍ နေထိုင်ခွင့် ထုတ်ပေးရန် တာဝန်ရှိသောသူများကလည်း လျစ်လျူရှုထားကြပါသည်။

အန္တရာယ် ဖြစ်ပေါ်နိုင်မှု အလားအလာများ ခွဲခြားဖော်ထုတ်ခြင်း ( Risk Identification )

         ငလျင် အန္တရာယ်အလားအလာများ လျော့နည်းရေး နှင့် ငလျင်ဖြစ်ပေါ်ပြီးသော အခါ ပြန်လည် ထူထောင်ရေးအတွက် အောက်ပါ ရည်မှန်းချက်များအတိုင်း ဆောင်ရွက်ရန် လိုအပ်ပါသည်။

၁။  မိမိနိုင်ငံ နှင့် အပြည်ပြည်ဆိုင်ရာ စံနှုန်းများအရ သတ်မှတ် ပြဌာန်းထားသော အခြေခံ အကဲဖြတ် အချက်အလက်များ ကောက်ယူရေး နည်းလမ်းများကို အသုံးပြုလျက် ငလျင် အန္တရာယ် ဘေး မြေပုံ ရေးဆွဲခြင်း ( Earthquake Hazard Mapping )

၂။  ပြည်တွင်း ပြည်ပ ကျွမ်းကျင်သူများ ပူးပေါင်းလျက် စာသင်ကျောင်း၊ ဆေးရုံ စသည် အများပြည်သူ ဆိုင်ရာ အဆောက်အဦးများ နှင့် ပုဂ္ဂလိက အိမ်ရာများ၏ ငလျင်လှိုင်းဆိုင်ရာ အန္တရာယ် ကျရောက် နိုင်မှု အလားအလာများအား အကဲဖြတ် စစ်ဆေးခြင်း

၃။  လူနေ အိမ်ရာများ နေရာချထားမှု စီမံကိန်းများ နှင့် မြေအသုံးချမှုဆိုင်ရာ လုပ်ထုံးလုပ်နည်းများအား ပြန်လည် သုံးသပ်ခြင်း နှင့် ငလျင် အန္တရာယ် ကျရောက်နိုင်သည့် အလားအလာများသော ဒေသများ အတွက် သင့်တော်သော အစီအမံများ ချမှတ်ခြင်း။

၎။  နိုင်ငံတော် နှင့် ဒေသဆိုင်ရာ အုပ်ချုပ်ရေး အဖွဲ့အစည်များ၏ ငလျင် ဆိုင်ရာ ကြိုတင် ပြင်ဆင်မှု၊ ငလျင် လှုပ်ပြီး ကူညီ ကယ်ဆယ်ရေး လုပ်ငန်းစဉ်များ နှင့် ငလျင်လှုပ်ပြီးနောက် ပြန်လည်ထူထောင် ရေးလုပ်ငန်းများ နှင့် သက်ဆိုင်သော မူဝါဒများအား ပြန်လည်သုံးသပ်ခြင်း

၅။  အသက်မွေးမှု လုပ်ငန်းများ နှင့် လူမှု စီးပွားရေးဘဝများအပေါ်  ငလျင် ဘေးအန္တရာယ် ကြောင့် ထိခိုက်ဖြစ်ပေါ်နိုင်သည့် အခြေအနေများအား ပြန်လည်သုံးသပ်ခြင်း

စသည် အခြေခံ အချက်အလက်များ ကောက်ယူခြင်းကို စတင်ဆောင်ရွက်ရမည်ဖြစ်ပါသည်။

                                        အတ္တဟိတ ပရဟိတ



အခုတလော ခြေထောက်တွေ ဖောနေလို့ ဆရာဝန်သွားပြ လေးငါးမိနစ်လောက်ကြာတဲ့ ဓါတ်ခွဲခန်း
 စစ်ဆေးမှုလေးတွေ လုပ် ၃-ရက်လောက်စောင့်ပြီး ဆရာဝန်ပြန်ပြတော့ ဘာမှ မဖြစ်ပါဘူးတဲ့

ကုန်သွားတာက တစ်လလုံးရငွေရဲ့ ငါးပုံတစ်ပုံလောက်

ဒီလိုမှန်းသိရင် ဆေးခန်းမသွားပါဘူးကွာ၊ ဘာမှလဲ မရှိဘဲနဲ့ ငွေတွေ နှမြောလိုက်တာလို့

ပြောမိတော့ မိန်းမ နဲ့ သားရဲ့ အဟားခံရပါတယ်

ကုန်တာနဲ့ တန်အောင်လို့ ရောဂါ တွေ့စေချင်တာလားတဲ့

ရောဂါ မရှိတာတောံ ဝမ်းသာပါရဲ့ ငွေကုန်သွားတာတော့ -----

အိမ်နီးချင်း နိုင်ငံက ဝန်ကြီးချုပ် မမလေးရဲ့ အစ်ကို သက်ဆင် ကို စစ်တပ်အာဏာနဲ့ ဖြုတ်ချ

အာဏာအလွဲသုံးလာတ်စားမှု ၄-ခုစွပ်စွဲ

မန္တလေး အပြည်ပြည်ဆိုင်ရာ လေဆိပ် နာမည်တောင်ကြားလိုက်သေး

ဘန်ကောက်မြို့က မြေကွက် သူကမိန်းမကို ဈေးလျှော့ ရောင်းတယ်လို့ စွဲချက်တင် ထောင်ဒဏ်

၂-နှစ် မျက်ကွယ်မှာချလိုက်တယ်

အခု အတိုက်အခံပါတီဖြစ်နေတဲံ အဘီဆစ် အစိုးရ က သက်ဆင်

လာဘ်စားကြောင်း နိုင်ငံပိုင် ငွေ တွေ ခိုးကြောင်း ထပ်ခါတလဲလဲ စွပ်စွဲပေမယ် ပြည်သူအများစု က

သက်ဆင်ကို အချစ်အခင်မပျက်ကြပါဘူး

ပြည်သူ့ ဆန္ဒ စစ်တမ်းကောက်ယူတော့ ဖြေကြပါတယ်

နိုင်ငံရေးသမားတိုင်း သူခိုးချည်းပါဘဲတဲ့

သူများတွေက ခိုးလို့ရသမျှ အကုန်ယူတုန်း

သက်ဆင်က ပြည်သူတွေ ဘတ်-၃၀ ( မြန်မာငွေ ၁၀၀၀ အောက် ) နဲ့ ဆေးကုသရအောင်

လုပ်ပေးခဲံတယ်တဲ့ ၊ အဲဒီတော့ သက်ဆင်ကိုဘဲ ကြိုက်ပါတယ်တဲ့

အဲဒီအရှိန်နဲ့ သက်ဆင်ညီမ နိုင်ငံရေးသမား အသစ်ချပ်ချွတ်လေး ကို မျက်စိမှိတ် မဲပေးခဲ့ကြပါတယ်

လွန်ခဲ့သော နှစ်ပေါင်းများစွာ တိုင်းပြည် ချောက်ထဲ မရောက်အောင်ကယ်ခဲ့သော ပုဂ္ဂိုလ်ကြီးများ

သူတို့လဲ သားသမိး မြေးမြစ် အစဉ်အဆက် ရွှေတွင်း ငွေတွင်း

ပတ္တမြားတွင်း ကျောက်စိမ်းတွင်း ဆောက်လုပ်ရေး ကုမ္ပဏီတွေ ကုန်တိုက်ကြိးတွေ ပိုင်ဆိုင်ပြီး

ရဲတိုက်ကြီးတွေဆောက်။ နယူရော့ထက်တန်တဲ့ မြေကွက် ကြီးတွေ အများကြိး ပိုင်ဆိုင်ထားတာ

လက်တွေ့ပါဘဲ

ဘယ်မှာလဲ နိုင်ငံတော်က တာဝန်ယူတဲ့ အခမဲ့ကျန်းမာရေး ဝန်ဆောင်မှု

ဘယ်မှာလဲ အများပြည်သူ ကျန်းမာရေး အာမခံ စနစ်

ရွေးကောက်ပွဲ နီးရင်တော့ ဆိုင်းဘုတ်ကြီးတွေ ထောင်ပြီး ခွဲစိတ်၊ကုပေးပါလိမ့်မယ်

ကျန်းမာရေး ဆိုတာ လူ့အခွင့်အရေးပါ မဖြစ်မနေ လုပ်ပေးရမှာပါ

သာဓုခေါ်မှ၊ ကျေးဇူတင်မှ လုပ်ပေမယ် ဆိုတာမျိုးမဟုတ်ပါ

နိုင်ငံတော်က ရသင့်တဲ့ အကျိုးအမြတ် နိုင်ငံ တော်က အကုန်ယူပါ

ဘယ်ပုဂ္ဂိုလ် ဘယ်အဖွဲ့အစည်းမှ အလကားမတ်တင်းခွဲပေးစရာ မလိုပါဘူး

နိုင်ငံတော်က ရတဲ့ဝင်ငွေနဲ့ နိုင်ငံသားတိုင်း ရှေ့မှာ နောက်မှာ ဘာဝိသေသနမှ မပါဘဲ

တန်းတူညီမျှ ပညာရေး ကျန်းမာရေး ဝန်ဆောင်မှုတွေ ပေးနိုင်ကြပါစေ

ပို ဆိုးမသွားအောင် ငါ ဘာလုပ်ပေးနိုင်လဲ

ပိုဆိုး မသွားအောင် ငါ ဘာလုပ်ပေးနိုင်လဲ

ညွန့်အောင် ( မြစ်မခ )

          လွန်ခဲ့တဲ့ နှစ်ပေါင်း ၃၀-ကျော် အင်ဂျင်နီယာဘွဲ့ ရပြီးနောက် လုပ်ငန်းခွင် ထဲ ရောက်ခါစက အတွေ့ အကြုံလေးပါ။ စက်ရုံတည်နေရာက မိုးတွင်းမှာ အင်းရေပြင်ကျယ်ကြိး ဖြစ်သွားတဲ့ ကျေးလက် ဒေသ နဲ့ မြို့နယ်ရုံးများစိုက်ရာ မြို့ငယ်လေးတစ်ခု အကြားမှာ တည်ရှိပါတယ်။ စက်ရုံဆိုတော့ ရုံးကားငယ်တွေ၊ ကုန်တင်ယာဉ်တွေနဲ့ တောနယ်မှာ ပြည်သူတွေ အားကိုးချင်စရာလေးပေါ့။

          တစ်နေ့တော့ အသက် ၇၀- နီး အဖိုးတစ်ယောက် လက်ဝါးပြင်မှာ တစ်မတ်လုံးအရွယ် အရှည် တစ်တောင်လောက် မြှားတန် တန်းလန်းစိုက်ဝင်လျက်ဖြင့် စက်ရုံကို ရောက်လာပါတယ်။ ရောက်လာချိန်က နေမွန်းတည့်ချိန်၊ သံချောင်းရှည်က လက်ဖဝါးပြင် အလည် လက်ခလယ် နဲ့ လက်သူကြွယ် အရိုးကြားမှာ ဖြတ်ပြီး စူးဝင်နေပါတယ်။ တစ်မတ်လုံး သံချောင်း ( အချင်း လေးပိုင်းတစ်ပိုင်းလက်မ ) အရှည် ၁၈-လက်မ ကို ထိပ်မှာ ထုပြီး မြှားဦးချွန် အထစ် နဲ့ နောက်မှာလဲ ထုပြီး အထစ်လုပ်ထားပါတယ်။

          အဖိုးက လောင်းလှေလေး ဖာသာလှော်ပြီး  အင်းထဲမှာသွားရင်း ရေတိမ်တိမ်မှာ ကိုင်းပင်ကိုလက်နဲ့ တွန်းဖယ်ရာမှာ ဗျိုင်းထောင်တဲ့ ကိုင်းထောက်ပြုတ်ကာ လက်မှာ မြှားစိုက်ဝင်လာတာဖြစ်ပါတယ်။ မြှားထိပ်ကို ရေမျက်နှာပြင်မှာ မပေါ့်တပေါ်လေးထားပြီး၊ လေးညှို့နဲ့ မောင်းတင်ထားတာ ငါးကောက်တဲ့ ဗျိုင်းရဲ့ ရင်ဝ အစား အဖိုရဲ့ လက်ဝါးပြင်းကို ထိုးဖောက်လိုက်တာ ဖြစ်ပါတယ်။

         မြှားတန်က လက်ဝါးပြင် အရိုးငယ် နှစ်ချောင်းကြားညှပ်ပြီး စိုက်ဝင်နေတာဆိုတော့ ဆွဲထုတ်လို့မရတော့ ပါဘူး။ ဖောက်ဝင်တုန်းက ဝင်သွားပေမယ့် ထိပ်ကအထစ် နဲ့ နောက်ကအထစ်က ဆွဲထုတ်လို့ မရနိုင် တော့  ပါဘူး။ သံချောင်းကလဲ အရိုးနှစ်ချောင်းကြား ညှပ်နေတာဆိုတော့ နဲနဲလှုပ်ရင် အဖိုးခမြာ အသဲခိုက် အောင် နာကျင်မှုကို ခံစားနေရ၊ သွေးကလဲ အလွန်အကျွံ မဟုတ်ပေမဲ့ ထွက်သင့်သလောက်တော့ ထွက်ထားတော့ အဖိုးရဲ့ အသက်အရွယ်အနေနဲ့တော့ သတိလစ်လုနီး ဖြစ်နေပါပြီ။

         လာရတဲ့ခရီးကလည်း ကုန်းတစ်တန်၊ ရေတစ်တန်။ လှေစီးလိုက်၊ လှည်းစီးလိုက်၊ စောင်ပုခက်နဲ့ ထမ်းလိုက် ၄-နာရီကျော်ကြာနေပါပြီး။ စက်ရုံသာဆိုရ အခြားစက်ရုံကြီးတွေလို ဆေးခန်းတွေ၊ သူနာပြု တွေ မရှိတဲ့နေရာဆိုတော့ ရုံးသုံးကားငယ်တွေ မရှိတော့ အလုပ်လုပ်နေတဲ့ ကုန်တင်ယာဉ်ကို ခေါ်ပြီး ၁၀-မိုင်လောက် အကွာမှာ ရှိတဲ့ ဆေးရုံကို ကိုယ်တိုင် လိုက်ပို့ပေးပါတယ်။

        ဆရာဝန်ကလဲ နံနက်ပိုင်းတာဝန်တွေ ထမ်းဆောင်ပြီးတော့ အိမ်မှာ နားနေတော့ လူနာအဖိုးကို အိုပီဒီမှာ  ဆရာမလေးတွေနဲ့ထားခဲံပြိး လူနာရှင်တွေနဲ့အတူ ဆရာ့ကို လိုက်ခေါ်ပေးပါတယ်။ အကျိုးအကြောင်းပြောပြ တော့ ဆရာက ကျွန်တော့ကို ခင်ဗျား ဘာလုပ်ပေးထားလဲ  လို့ မေးလိုက်ပါတယ်။ ဆရာရယ် ကျွန်တော့ဆီမှာ ဆေးခန်းလဲမရှိ ဆရာမလဲ မရှိ ဆိူတော့ ဆရာ့ ဆီရောက်အောင် ပို့ပေးတာလေ လို့ ကျွဲမြီးတိုတဲ့ လေသံနဲ့ ဖြေလိုက်ပါတယ်။ ဆရာဝန်က  ကျွန်တော့ကို ပြုံးပြလိုက်ပါတယ်။ ဘာမှတော့ မပြောတော့ပါဘူး။

         ပြင်ပလူနာဌာနရောက်တော့ ဆရာက အဖိုးကို ဆေးရုံ အပြင် ဘက် မှာရှိတဲ့ တွင်ခုံ ဝပ်ရှော့ရှိရာ လူနာတွန်းလှည်းနဲ့ သယ်လာ၊ ဝပ်ရှော့  မှာရှိတဲ့ ပြုတ်တူ ( Vise ) နဲ့ သံချောင်းကို မလှုပ်အောင် ညှပ်ပြီး သံဖြတ်လွှနဲ့ ဖြတ်ပါတော့တယ်။ သံချောင်း ပြတ်သွားတော့ ကျန်နေတဲ့ သံချောင်း အပိုင်း ကို အသာအယာ ဆွဲနှုတ်လိုက်ပါတယ်။

          နာကျင်မှု သက်သာသွားတဲ့ အဖိုးကိ့ ပြင်ပလူနာဌာနမှာဘဲ မေးမြန်းစမ်းသပ်ပြီး အရိုးတွေ၊ အကြောတွေ မထိုခိုက်တဲ့အတွက် သန့်စင်ဆေးကြောပြီး ဆေးထည့် ပတ်တီးစီးပေးလိုက်ပါတယ်။ လူမမာတွေက နောက် ဆေးထည့်ရမည့် ရက်တွေအတွက် ရွာအပြန် မလိုက်သေးဘဲ မြို့ပေါ်က ဆွေမျိုးတွေ အိမ်မှာဘဲ တည်းခို နေထိုင်မယ် ဆိုပြီး ဆေးရုံမှ ပြန်သွားကြပါတယ်။

          ခင်ဗျား ဘာလုပ်ပေးထားလဲ အမေးခံရတဲ့ ကျွန်တော် မကျေနပ်တာနဲ့ ဆရာနဲ့ စကားဆက်ပြောဖြစ် ပါတယ်။

“ ဆရာ ကလူနာကို ဆရာဝန်လိုလည်းမကုဘဲ၊ ဘာလို့ တွင်ခုံခေါ် သွားရတာလဲ”   

ဟု ပြသနာရှာလိုက်ပါတယ်။

 “ အော် အော် အင်ဂျင်နီယာလေးက ဘာလုပ်ပေးထားလဲ မေးလို့ စိတ်တိုနေပါလား၊ လက်ဝါးမှာ     သံချောင်းစိုက်နေတာ လက်ဝါးဖြတ်ရမှာလား၊ သံချောင်းဖြတ်ရမှာလား   ”         

“  ဆရာကလဲ၊ သံချောင်း ဖြတ်ရမှာပေါ့ ”       

 “ အေးလေ၊ ဒါကြောင့် သံချောင်း ဖြတ်နီင်တဲ့ တွင်ခုံ သွားတာပေါ့။ ခင်ဗျား စက်ရုံ မှာလည်း ပြုတ်တူ နဲ့ သံဖြတ် လွှ ရှိတာဘဲ။ ခင်ဗျား စက်ရုံမှာ သံချောင်းကို ဖြတ်ပေးပြိးမှ ဆေးရုံခေါ်လာရင် လူနာ ခပ်စောစော နာကျင်တာ သက်သာမှာပေါ့ ”

“ မသိဘူးလေဆရာရယ်၊ လူနာဆိုရင် ဆေးရုံ နဲ့ ဆရာဝန် အလုပ်လို ထငိတာကိုး ”  

 “ အေးလေး၊ ခင်ဗျားက လူနာသည် ဆရာဝန် နှင့် သာ ဆိုင်ပါသည် လို့ အသေမှတ်ထားတော့ လူနာ အဖိုးကြိး အတော်ခံလိုက်ရတာပေါ့၊ ခင်ဗျားစက်ရုံမှာ၊ ဒါမှ မဟုတ် ရွာမှာ ကတည်းက သံဖြတ်လွှနဲ့ သံချောင်းကို ဖြတ်ပြီးမှ ဆေးရုံကို ခေါ်လာရင်း လူနာအဖိုးအို ဒီလောက် မနာတော့ဘူးလေ ”

           ကျွန်တော့ ကို ထိုလူနာ အဖိုး နှင့် ဆရာဝန်မှ ဘာဘဲ ဖြစ်ဖြစ် ကောင်းအောင် ကိုယ်ဘာလုပ်ပေးနိုင် သလဲ ဆိုတာ စဉ်းစားဆောင်ရွက်ဖို့ သင်ခန်းစာပေးခဲ့ပါတယ်။

           အဖြစ်အပျက် တစ်ခုခု နဲ့ ကြုံလာရင် ကျွန်တော်တို့ ဘာလုပ်သလဲ။

မီးစပြိး လောင်တာတွေ့ရင် မီးသတ်ကို ဖုန်းဆက်လိုက်၊  ပြီးတော့ မီးသတ်က အရောက်နောက်ကျတာကိုး လို့ အပြစ်တင်လိုက်။

မသမာသူတွေ လူကောင်းကို အနိုင်ကျင့် နေရင် ရဲကိုဖုန်းဆက်လိုက်၊ ရဲ အချိန်မီ မရောက်လို့ အသတ်ခံရတာ၊ လို့ အပြစ်တင်လိုက်။

မိန်းခလေးငယ်တစ်ယောက် အနိုင်ကျင့် ခံရရင် ဝိုင်းကြည့်နေလိုက်၊ ပြီးမှ အခုခေတ်လူတွေက ကိုယ်ကျင့်တရား မကောင်းတော့ဘူး၊ မိန်းခလေးကိုယ်က မလုံ့တလုံ ဝတ်ထားတာကိုး လို့ အပြစ်တင်လိုက်။

ရွှေရောင်းရင်း ပြသနာတက်ရင် မီစတစ်ဖက်၊ ရေမှုတ် တစ်ခွက် ကိုင်ရင်း ကြည့်နေလိုက်၊ လူတွေသေ၊ မီးတွေ လောင်မှ၊ အစိုးရ အပြစ်တင်လိုက်၊ ရဲ အပြစ်တင်လိုက်၊ သူများအပြစ်တင်လိုက်။

ကိုရင်လေး နဲ့ မိန်းခလေးတစ်ယောက် မတော်တဆတိုက်မိလို့ သပိတ်အဖုံးကွဲသွားရင် အသာရပ်ကြည့် နေလိုက်။ ထုံစံ အတိုင်းကိုယ်ကလွဲရင် ကျန်သူအားလုံး အပြစ်တင်လိုက်။

သူများလောင်တာ ငါ့အိမ်နဲ့ အဝေးကြီးဘဲ အနေသာကြီးလို့ မထင်ပါနဲ့၊

ပြသနာ သေးသေးလေး တွေ့ရင်၊ မီးစသေးသေးလေးတွေ့ရင် တွေ့တွေ့ချင်း ငြိမ်းလိုက်ပါ။

မီးအားများရင် လေပွေဝေ့လာရင် သစ်ရွက်ခြောက်၊ကိုင်းပင် ခြုံဖုတ်သာမက အပင်ကြီးတွေ၊ သစ်ပင်စိမ်းစိမ်း စိုစိုတွေ၊ ကျောက်တုံးကျောက်ဆောင်တွေတောင် မီးကျွမ်းတတ်ပါတယ်။   

မီးပင်လယ်အလည်ခေါင်မှာ မီးတောက်တွေ ပတ်ခြာလည်းအဝိုင်းခံရမှ နောင်တမရမိပါစေနှင့်။

ပို ဆိုးမသွားအောင် ငါ ဘာလုပ်ပေးနိုင်သလဲ

ငလျင်ကို ဘယ်လို ရင်ဆိုင်မလဲ အပိုင်း-၅

ငလျင်ကို ဘယ်လို ရင်ဆိုင်မလဲ

အပိုင်း-၅

သဘာဝဘေး ကြောင့် အန္တရာယ် ဖြစ်နိုင်မှု အလားအလာ လျှော့ချခြင်း

ညွန့်အောင် ( မြစ်မခ )

        

        ၂၀၁၂ ခုနှစ် ဒီဇင်ဘာအတွင်း မန္တလေးတိုင်း နှင့် စစ်ကိုင်းတိုင်း အတွင်း ငလျင်လှုပ်ခဲ့တာကို အခြေခံပြီး ငလျင်ဆောင်းပါးတွေ ရေးလာတာ အပိုင်း-၅ ရောက်လာပါပြီ။ ပညာရပ်ဆိုင်ရာ စကားလုံးတွေ သုံးတာများလျင် စာဖတ်သူတွေအတွက် လေးသွားနိုင်သလို အများနားလည်မည့်စကားလုံးတွေကိုဘဲ သုံးနေလျင် ပညာရပ်ဆိုင် ရာ အသုံးအနှုန်းတွေ အဓိပ္ပါယ်တွေ လွဲချော်သွားမှာလည်း စိုးရိမ်ရပါတယ်။

       

         အရင်ဆောင်းပါးများတွင် ငလျင်၏အခြေခံ အကြောင်းအရာများ၊ အတိတ်ကာလမှ အပြည်ပြည်ဆိုင်ရာ ငလျင်အတွေ့အကြုံများ၊ အင်အားပြင်းထန်သော၊ လူအသေမပျောက်များသော၊ ဆုံးရှုံးပျက်စီးမှုများသော ငလျင်များကို လေ့လာရင်း ကြိုတင်ပြင်ဆင်မှုအားကောင်းသဖြင့်  လူသေ ပျက်စီးဆုံးရှုံးမှု သက်သာမှုကို လည်း ကောင်း၊ ကြိုတင်ပြင်ဆင်မှုအားနည်းသဖြင့် လူများသေဆုံးမှု ပျက်စိးဆုံးရှုံးမှု များပြားခြင်းကိုလည်ကောင်း တွေ့ ရှိခဲ့ ရပါတယ်။ လူ့သမိုင်းတစ်လျှောက်တွင် လူများသည် ဘေးအန္တရာယ်များ၊ သဘာဝဘေးများ၊ ကပ်ဘေးများ အသီးသီးကို ရင်ဆိုင်ရင်း ကျော်လွှားခဲ့ကာ ပြောင်းလဲတိုးတက်လာခြင်း ဖြစ်ပါတယ်။

ဘေးအန္တရာယ်များ (  Hazards )

         လူသားများ၊ ပစ္စည်း ဥစ္စာများ၊ လူသားများ၏ လှုပ်ရှားဆောင်ရွက်မှုများ နှင့် ပတ်ဝန်းကျင်အား ပျက်စီးစေ ရန် သို့မဟုတ် အနှောက်အယှက်ဖြစ်စေရန် အလားအလာရှိသော ထူးကဲသော ဖြစ်ရပ်များ အခြေအနေများ အား ဘေးအန္တရာယ်ဟုခေါ်ပါသည်။

         လူ အသက်ဆုံးရှုံးမှုများ၊ ထိခိုက်ဒဏ်ရာရစေခြင်း နှင့် အခြားကျန်းမာရေး ထိခိုက်မှုများ၊ ပစ္စည်း ဥစ္စာ ပျက်စီး ဆုံးရှုံးမှုများ၊ လူနေမှုဘဝ နှင့် သက်ဆိုင်သော အသက်မွေးဝမ်းကျောင်း လုပ်ငန်းများ နှင့် ဝန်ဆောင်မှု လုပ်ငန်းများ ပျက်စီးဆုံးရှုံးခြင်း၊ လူမှုရေး နှင့် စီးပွားရေး ဆိုင်ရာ ပျက်စီး နှောင့်နှေးမှုများ နှင့် သဘာဝ ပတ်ဝန်း ကျင် ပျက်စီးမှုများ ကို ဖြစ်ပေါ်စေသော အန္တရာယ်ပေးနိုင်သော ထူးကဲသည့် ဖြစ်ရပ်များ၊ အရာဝတ္ထုများ၊ လူလုပ်သည့် လုပ်ဆောင်ချက်များ သို့မဟုတ် အခြေအနေများကို ဘေးအန္တရာယ်များဟု သတ်မှတ်ပါသည်။

သဘာဝ( ကပ် ) ဘေး ( Disaster )

         သဘာဝအလျောက်ဖြစ်သော ဘေးအန္တရာယ်များသည် သဘာဝဘေး ( disasters ) အလိုအလျောက် ဖြစ်မသွားနိုင်ပါ။ ထိတွေ့ထိုခိုက်သော လူဦးရေ ပမာဏ၊ တုံ့ပြန်ဆောင်ရွက်ရန် ကြိုတင် ပြင်ဆင်မထားခြင်း၊ နိုင်နိုင်နင်းနင်း ကိုင်တွယ်မဖြေရှင်းနိုင်ခြင်း နှင့် ထိုအကျိုးဆက်များကြောင့် ဆိုးဆိုးဝါးဝါး ထိုခိုက်ပျက်စီးမှုများ ဖြစ်ပေါ်သောအခါမှသာ သဘာဝ(ကပ်)ဘေးအဖြစ် သတ်မှတ်လေ့ရှိပါသည်။

သဘာဝဘေးကြောင့် အန္တရာယ်ဖြစ်ပွားမှု အခြေအနေ လျှော့ချရေး ( Disaster Risk Reduction )

သဘာဝဘေးကြောင့် အန္တရာယ်ဖြစ်ပွားမှု အခြေအနေ လျှော့ချရေး ဆိုသည်မှာ -

·        ကျယ်ပြန့်သော ရေခံမြေခံ နှင့် ကိုက်ညီသော စဉ်ဆက်မပြတ် ဖွံ့ဖြိုး တိုးတက်ရေး ကို ဦးတည်သော

·         သဘာဝ ဘေးအန္တရာယ် ၏ ဆိုးဝါး ပြင်းထန်သော ထိခိုက်ပျက်စီးမှုများ ကို လျော့နည်းသက်သာ စေခြင်း နှင့် အရန်သင့် ပြင်ဆင်ထားခြင်း အားဖြင့် ကန့်သတ်နိုင်ရန် သို့မဟုတ်

·         ကြိုတင်ကာကွယ်ခြင်းအားဖြင့် ရှောင်ရှားနိုင်ရန်

·        ပြည်သူလူထု၊ အစိုးရ အဖွဲ့ အစည်းများ၊ အရပ်ဖက် အဖွဲ့အစည်းများ၊ နိုင်ငံရေး ပါတီများ နှင့် အပြည်ပြည်ဆိုင်ရာ အဖွဲ့အစည်းများ၏ ပူးပေါင်းပါဝင်မှု မှ တဆင့်

·        ဘေးအန္တရာယ် ကျရောက်လွယ်နိုင်သည့် ပျော့ကွက်များ၊ အားနည်းချက်များ နှင့် ဘေးအန္တရာယ် ကျရောက်နိုင်သည့် အခြေအနေများကို လျော့နည်းစေနိုင်မည့်

ဖြစ်နိုင်စွမ်းများကို ထည့်သွင်းချမှတ်ထားသည့် မူဝါဒပိုင်းဆိုင်ရာ အခြေခံထားသော မူဘောင်အချက်

အလက်များ ပါဝင်သည့် အစီအစဉ်ဖြစ်ပါသည်။

သဘာဝဘေးကြောင့် အန္တရာယ်ဖြစ်ပွားမှု အခြေအနေ လျှော့ချရေး အစီအစဉ် ရေးဆွဲရာတွင် ထည့်သွင်း စဉ်းစား ရမည့် အကြောင်းအရာများ

ခုခံနိုင်စွမ်းအားနည်းသဖြင့် ထိခိုက်လွယ်မှု ( Vulnerability )

       လူမှုအသိုင်းအဝိုင်း( တိုင်းပြည်၊မြို့ရွာ ဒေသ )၊ လှုပ်ရှားဆောင်ရွက် ဖွဲ့စည်းမှု တစ်ရပ် ( သွင်းအားစုများ သုံး၍ ထုတ်ကုန် သို့မဟုတ် ဝန်ဆောင်မှုများပေးနိုင်သောအဖွဲ့အစည်း၊နေရာ၊ အဆောက်အဦ စသည် ) နှင့် တန်ဖိုးရှိ ရုပ်ဝတ္ထုပစ္စည်းများ( အိမ်၊စက်ရုံ၊ ကျောင်း၊ ဈေး၊ လမ်း၊တံတား၊ ဆေးရုံ စသည် ) တို့၏ ပင်ကိုယ် အရည်အသွေး နှင့် ဆက်စပ်အခြေအနေအရပ်ရပ်တို့၏ ဘေးအန္တရာယ် ပေါ်ပေါက်လာသောအခါ၊ အနှောက် အယှက် အဟန့်အတားပေါ်ပေါက် ရင်ဆိုင်ရသော အခြေအနေများတွင် ထိခိုက်ပျက်စီးလွယ်မှု အခြေအနေ ကိုဆိုလိုပါသည်။

         ထိုခိုက်လွယ်မှုတွင် ရုပ်ပိုင်းဆိုင်ရာ၊ လူမှုရေးဆိုင်ရာ၊ စိးပွားရေးဆိုင်ရာ နှင့် သဘာဝပတ်ဝန်းကျင်ဆိုင်ရာ အကြောင်းအရာများစွာ ပါဝင်ပတ်သက်ပါသည်။ ဥပမာအားဖြင့် အခြေခံ ပုံစံ နှင့် တည်ဆောက်မှု အရည် အသွေး ညံ့ဖျင်းသော အဆောက်အဦးများ၊ အဖိုးတန်ပစ္စည်းများအား လုံလောက်သော ကာကွယ် စောင့်ရှောက် မှု အားနည်းခြင်း၊ အသိပညာပေးမှု နှင့် အများပြည်သူဆိုင်ရာ သတင်းထုတ်ပြန်မှု စနစ်အားနည်းခြင်း သို့မဟုတ် လုံးဝမရှခြင်း၊ အန္တရာယ် ဖြစ်ပွားနိုင်မှု အလားအလာ နှင့် လိုအပ်သော ကြိုတင်ပြင်ဆင်မှုများ ပြုလုပ် ရန်လိုအပ်ချက်များအား အုပ်ချုပ်သူ များက အလေးအနက်မထားခြင်း နှင့် သဘာဝပတ်ဝန်းကျင်အား စနစ်တကျ အရှည်မျှော်ကိုး၍ စီမံခန့်ခွဲရန် အလေးမထားခြင်း စသည်တို့ပါဝင်ပါသည်။

         ထိခိုက်လွယ်မှုအခြေအနေသည် လူမှုအသိုင်းအဝိုင်းအလိုက်၊ အချိန်အလိုက် ပြောင်းလဲလေ့ရှိပါသည်။ အဓိပ္ပါယ်ဖွင့်ဆိုချက်အရ ထိခိုက်လွယ်မှု အခြေအနေသည် သဘာဝအရ အန္တရာယ်နှင့် ထိတွေ့ဆက်စပ်နေမှု နှင့် မသက်ဆိုင်ဘဲ စိတ်ဝင်စားမှု အခြေအနေနှင့်သာ သက်ဆိုင်ပါသည်။ သို့သော်လည်း အများအားဖြင့် ထိခိုက် လွယ်မှုကို သဘာဝအနေအထားကို ထည့်သွင်းစဉ်းစား ဖော်ပြလေ့ရှိပါသည်။ ဥပမာအားဖြင့် အချို့ဒေသများတွင် ငလျင်လှုပ်ခြင်း၊ လေမုန်တိုင်းကျရောက်ခြင်း မကြာခန ပြင်းပြင်းထန်ထန် ဖြစ်ပွားလေ့ရှိသော်လည်း ကြိုတင်ပြင်ဆင်မှု အားကောင်းပါက ထိခိုက် သေကြေ ပျက်စီးမှု နည်းပါးပါသည်။ တစ်ချို့ နိုင်ငံများတွင် ပြင်းထန်သော လေမုန်တိုင်းကျရောက်သောအခါ အဦးဆုံး အကြိမ်များတွင် သေကြေ ပျက်စီးမှုများသော်လည်း ထပ်ခါထပ်ခါ ကြုံတွေ့လာရသောအခါ ကြိုတင်ပြင်ဆင်မှု အားကောင်းလာသဖြင့် အင်အားပြင်းထန်စေကာမူ သေကြေပျက်စီးမှု နည်းပါးသွားပါသည်။

ဆောင်ရွက်နိုင်စွမ်း ( Capacity )

         ဆောင်ရွက်နိုင်စွမ်း ဆိုသည်မှာ အားလုံသဘောတူလက်ခံထားသော ရည်မှန်းချက်များ ပေါက်မြောက် ရေးအတွက် လူမှုအသိုင်းအဝိုင်း၊ လူမှု အဖွဲ့အစည်း နှင့် လုပ်ငန်းအဖွဲ့အစည်းများအတွင်းရှိ ရနိုင်သမျှသော အင်အားများ၊ ပင်ကိုယ်အရည်အချင်းများ နှင့် အရင်းအမြစ်များ အားလုံ စုပေါင်းထားခြင်းဖြစ်ပါသည်။

             ဆောင်ရွက်နိုင်စွမ်းတွင် အခြေခံ အဆောင်အဦများ၊ ရုပ်ဝတ္ထု ပစ္စည်းများ၊ ရည်မှန်းချက်တစ်ရပ်ကို အခြေပြု တည်ထောင် ထားသော အဖွဲ့အစည်းများ။ လူမှု အသိုင်းအဝိုင်းတစ်ရပ်၏ လိုက်လျောညီထွေ ပြောင်းလွဲဆောင်ရွက်နိုင်စွမ်း၊ လူမှုရေးဆိုင်ရာ ပေါင်းသင်းဆက်ဆံရေး( လူမျိးစုခြား ဘာသာခြားများအတွင်း ဆက်ဆံရေး)၊ ခေါင်းဆောင်မှု နှင့် စီမံခန့်ခွဲမှုများ အပါအဝင် ပြည်သူလူထု၏ အသိညာဏ် ဗဟုသုတ နှင့် ကျွမ်းကျင်မှုများ အားလုံးပါဝင်ပါသည်။

         ဆောင်ရွက်နိုင်စွမ်း အကဲဖြတ်ခြင်းဆိုသည်မှာ အုပ်စုတစ်ခု၏ သတ်မှတ်ထားသော ရည်မှန်းချက် တစ်ရပ် နှင့် ပတ်သက်၍ ပြန်လည်ဆန်းစစ်ခြင်းဆိုင်ရာ လုပ်ငန်းစဉ်ကို ဆိုလိုပါသည်။ ဆောင်ရွက်နိုင်စွမ်း ကွာဟချက်များကို ဖော်ထုတ်၍ လိုအပ်ချက်များကို ဖြည့်ဆည်းရပါသည်။

အန္တရာယ်ကျရောက်နိုင်မှု အလားအလာ၊ အန္တရာယ် ဖြစ်နိုင်ချေ ( Risk )

            ဖြစ်ရပ်တစ်ခု နှင့် ထိုဖြစ်ရပ်၏ နောက်ဆက်တွဲ ဆိုးကျိုးများ ဖြစ်ပေါ်နိုင်သည် အလားအလာများကို ပေါင်း၍ အန္တရာယ်ကျရောက်နိုင်မှု အလားအလားဟု ခေါ်ဆိုပါသည်။ ဖြစ်ရပ်တစ်ခု ဖြစ်ပေါ်နိုင်သော အလား အလာ နှင့် ထိုဖြစ်ရပ်ကြောင့် ကြုံတွေ့လာနိုင်သည် ဆုံးရှုံးမှုများ ပါဝင်ပါသည်။ ဖြစ်ရပ်တစ်ခု ဖြစ်ပေါ်ပြီးနောက် နောက်ဆက်တွဲ ဆိုးကျိုးများသည် နေရာ၊ အချိန်ကာလ နှင့် အခြေအနေ အရပ်ရပ်အပေါ် မူတည်လျက် ဖြစ်ပေါ် နိုင်ပါသည်။

ဘေးအန္တရာယ်အား ခံစား၊ တွန်းလှန်၊လွန်မြောက်နိုင်စွမ်း ( Resilience )

         လူမှုအသိုင်းအဝိုင်း၊ လူမှု အဖွဲ့အစည်း နှင့် လုပ်ငန်းအဖွဲ့အစည်းတစ်ရပ်၏ ဘေးအန္တရာယ်နှင့် ကြုံကြိုက် ရသောအခါ တွန်းလှန်၊ ခံစား၊ လွန်မြောက်နိုင်ပြီး ထိုအန္တရာယ်ကြောင့် ဖြစ်ပေါ်သော ပျက်စီး ဆုံးရှုံးမှုများ သင့်တော်သော အချိန်ကာလအတွင်း အရည်အချင်းပြည့်မီစွာဖြင့် ပြန်လည်ထူထောင် နိုင်သည့် စွမ်းအား အရည် အချင်းကို ခေါ်ပါသည်။ လိုအပ်သော အရင်းအမြစ်များရှိပြီး အရေးပေါ်ကာလ မတိုင်မီ နှင့် အရေးပေါ် အခြေအနေအတွင်း စုစည်းစီမံဆောင်ရွက်နိုင်ခြင်း ဖြစ်ပါသည်။

နိုင်နိုင်နင်းနင်း စီမံ ဆောင်ရွက် နိုင်စွမ်းရှိခြင်း ( Coping Capacity )

         ပြည်သူလူထု၊ အဖွဲ့အစည်းများ နှင့် လှုပ်ရှားဆောင်ရွက်သည့် စနစ်များသည် ရရှိနိုင်သည့် အရင်းအမြစ် များ နှင့် ကျွမ်းကျင်မှုများကို အသုံးချလျက် ဆိုဝါးပြင်းထန်သော အခြေအနေများ၊ အရေးပေါ် အခြေအနေများ နှင် သဘာဝ ကပ်ဘေးများအတွင်း ရင်ဆိုင် ဖြေရှင်း စီမံခန့်ခွဲနိုင်စွမ်းရှိခြင်းဖြစ်ပါသည်။ ပုံမှန်အခြေအနေများ နှင့် ဆိုးဝါးပြင်းထန်သော အခြေအနေများအတွင်း စဉ်ဆက်မပြတ် အသိပညာပေးမှု၊ အရင်းအမြစ်များ နှင့် ကောင်းမွန်သော စီမံခန့်မွမှု ရှိရန်လိုအပ်ပါသည်။ နိုင်နိုင်နင်းနင်း စီမံဆောင်ရွက်နိုင်စွမ်းအားဖြင့် သဘာဝကပ် ဘေး  အန္တရာယ်ကျရောက်နိုင်မှု အလားအလာကို လျှော့ချနိုင်ပါသည်။

ရေရှည်တည်တန့် ခိုင်မြဲသော ဖွံ့ဖြိုးတိုးတက်မှု ( Sustainable Development )

         နောင်အနာဂတ် မျိုးဆက်များ၏ လိုအပ်ချက်ကို ဖြည့်ဆည်းနိုင်စွမ်းအား မထိခိုက်စေဘဲ လက်ရှိကာလ    ၏ လိုအပ်ချက်များကို ဖြည့်ဆည်းပေးနိုင်သော ဖွံ့ဖြိုးမှု ကို ရေရှည်တည်တန့်ခိုင်မြဲသော ဖွံ့ဖြိုးမှု ဟု ခေါ်ပါ သည်။

သဘာဝဘေး စီမံခန့်ခွဲမှု စနစ် ( Disaster Management System )

         သဘာဝ ဘေးတစ်ခုခု ဖြစ်ပေါ်သောအခါတွင် ပျက်စီးဆုံးရှုံးမှုများ 

နည်ပါးစေရန်အတွက် ကောင်းမွန် သော သဘာဝဘေး စိမံခန့်ခွဲမှု စနစ် တစ်ရပ်ရေးဆွဲထားရန်လိုအပ်ပါသည်။ စနစ်တကျ ပြင်ဆင်ထားမှသာ ဘေးအန္တရာယ် ကျရောက်သောအခါ စနစ်တကျ ရင်ဆိုင်ကာ ပျက်စီးဆုံးရှုံးမှုများကို ပြန်လည် ဆယ်တင် နိုင်မည်ဖြစ်ပါသည်။ ပြန်လည်ဆယ်တင်ရေး ဆိုင်ရာ စီမံခန့်ခွဲမှု၏ အဓိက ရည်ရွယ်ချက်မှာ လူမှုအသိုင်း အဝိုင်း၊ ပြည်သူလူထု၊ အဆောက်အဦးများ၊အရေးကြီးသော အထောက်အပံ့ ပစ္စည်းများ ( ရေ၊ လျှပ်စစ်စသည် )၊ အသက်မွေးဝမ်းကျောင်းလုပ်ငန်းများ၊ အုပ်ချုပ်ရေးဆိုင်ရာစီမံခန့်ခွဲမှုစနစ် နှင့် သဘာဝပတ်ဝန်းကျင် စသည်တို့ နှင့်ပတ်သက်၍ ဘေးအန္တရာယ်အား တွန်းလှန်၊ ခံစား၊ ကျော်လွန်နိုင်စွမ်း တည်ဆောက်ရန် သို့မဟုတ် စွမ်းရည် မြှင့်တင်ပေးရန် အခွင့်ကောင်းတစ်ရပ်အနေဖြင့် အသုံးချနိုင်ရန်ဖြစ်ပါသည်။

         ထိရောက်သွက်လက်သော သဘာဝဘေး ကြောင့် အန္တရာယ် ဖြစ်နိုင်မှု အလားအလာ လျှော့ချရေး ဆိုင်ရာ မူဝါဒဘောင်များ ရေးဆွဲချမှတ်ရာတွင်အဓိက တာဝန်ယူထားသော အဖွဲ့အစည်းများမှ အဓိကလှုပ်ရှား သူများ နှင့် မိတ်ဖက်အဖွဲ့အစည်းများသည် အနီးကပ်ပူးပေါင်းဆောင်ရွက်ရန် နှင့် မိမိတို့ နှင့် သက်ဆိုင် သောကဏ္ဍ နှင့် တာဝန် ဝတ္တရားများကို အထူးဂရုစိုက်ရန် လိုအပ်ပါသည်။ မိတ်ဖက်အဖွဲ့အစည်းများ ဆိုရာ တွင် ဗဟိုအစိုးရအဖွဲ့၊ ပြည်နယ်အစိုးရအဖွဲ့၊ ခရိုင် နှင့် မြို့နယ် အုပ်ချုပ်ရေး အဖွဲ့များ၊ သက်ဆိုင်ရာ ဝန်ကြီးဌာနများ နှင့် ဌာနဆိုင်ရာများ အပြင် သက်ဆိုင်ရာ ပြည်သူလူုထုများပါဝင်ကြပါသည်။

          ထိရောက်သော သဘာယ ဘေးအန္တရာယ်ဆိုင်ရာ စီမံခန့်ခွဲမှု စနစ်တွင် အောက်ဖော်ပြပါ ကဏ္ဍများ ၅-ရပ် ပါဝင်လေ့ရှိပါသည်။

·        

 အန္တရာယ် ဖြစ်ပေါ်နိုင်မှု အလားအလာများ ခွဲခြားဖော်ထုတ်ခြင်း ( Risk Identification )

·        အရေးပေါ် အခြေအနေအတွက် ကြိုတင်ပြင်ဆင်ထားခြင်း ( mergency Preparedness )

·        သီးသန့်တာဝန်ယူ အဖွဲ့အစည်းများ၏ လုပ်ငန်းစွမ်းဆောင်ရည် မြှင့်တင်ခြင်း ( Institutional Capacity Building )

·        အန္တရာယ် ဖြစ်ပေါ်နိုင်မှု အလားအလာများ လျော့နည်းသက်သာရေး ( Risk Mitigation )

·       ရုတ်တရက်ဖြစ်ပွားတတ်သော သဘာဝဘေး များအတွက် ဘဏ္ဍာငွေ ချမှတ်သုံးစွဲခြင်း ( Catastrophe Risk Financing )

ဤကဏ္ဍ ၅-ရပ်ပါ အကြောင်းအရာများအား အသေးစိပ် ဆက်လက်ဆွေးနွေးမည်ဖြစ်ပါသည်။