သဘာဝ ပတ်ဝန်းကျင် ထိန်းသိမ်းရေး

                                               သဘာဝ ပတ်ဝန်းကျင်

      သဘာဝ ပတ်ဝန်းကျင် နှင့် အဆက်အစပ်မရှိသော အရာဟူ၍ ရှာမတွေ့နိုင်ပါ။ အစားအသောက်၊ လမ်းပမ်းဆက်သွယ်ရေး၊ ကျန်းမာရေး၊ ဆေးဝါး၊ စွမးအင်၊ စီးပွားရေးလုပ်ငန်း၊ခရီးသွားလုပ်ငန်း၊ ဆင်းရဲမွဲတေမှု၊ အားကစား စသည် မည်သည့်အရာမျှ သဘာဝ ပတ်ဝန်းကျင် နှင့် မလွတ်ကင်းနိုင်ပါ။ ထို့အတူ သဘာဝ ပတ်ဝန်းကျင်ကလည်း လူသားများကို လွှမ်းမိုးလျက်ရှိပါသည်။ လူသားများ၏ အနေအထိုင်၊ အစားအသောက် နှင့် အလုပ်အကိုင် အားလုံး သဘာဝအပေါ် မှီခိုနေပါသည်။

       လူသားများ၏ သဘာဝ ပတ်ဝန်းကျင်အား မှီခိုနေခြင်း၊ တစ်ပြိုင်တည်းမှာပင် သဘာဝ ပတ်ဝန်းကျင်အား လူသားများက ဖျက်ဆီးနေခြင်းသည်ပင် ၂၁-ရာစု၏ အကြီးကျယ်ဆုံး စိန်ခေါ်မှုကြိး တစ်ရပ်ပင်ဖြစ်ပေသည်။ အာရှတစ်လွှား အလျင်အမြန် တိုးတက်ဖွံ့ဖြိုးမှု၊ စဉ်ဆက်မပြတ် ညစ်ညမ်းမှုများ၊ ကမ္ဘာတစ်လွှား အရင်းအမြစ်များအား  ထုတ်ယူ သုံးစွဲနေမှုများသည် သိပ္ပံပညာရှင်အများ စိုးရိမ်သကဲ့သို့ ကမ္ဘာကြီးအား ကျွမ်းထိုးမှောက်ခုံဖြစ်စေရန် တွန်းပို့လျက်ရှိပါသည်။

       ဤအခြေအနေများသည် ဂျာနယ်လစ်များအား သဘာဝ ပတ်ဝန်းကျင် အကြောင်း ရေးကောင်းစေရန် လှုံ့ ဆော်လျက်ရှိပါသည်။ သဘာဝ ဘေးများအကြောင်း နှင့် စက်မှုလုပ်ငန်းများကြောင့် သဘာဝဝန်းကျင် ညစ်ညမ်းမှုကို ရေးနိုင်သည်။ တောတောင်များတွင်လှည့်လည်၍ သစ်တောပြုန်းတီးမှုများ၊ တောရိုင်း တိရစ္ဆာန် များ အလွန်အကျွံ သတ်ဖြတ်ခံရမှုများအကြောင်း ရေးသားနိုင်သည်။ သိပ္ပံပညာရှင်များ နှင့် တွေ့ဆုံမေးမြန်း လျက် ရာသီဥတု ပြောင်းလဲမှုကြောင့် ထိခိုက်မှုများ၊ စီးပွားရေးလုပ်ငန်းများကို လေ့လာ၍ ပတ်ဝန်းကျင် နှင့် သဟဇာတဖြစ်သော ထုတ်ကုန်ပစ္စည်းများအကြာင်း ရေးနိုင်သည်။

      သဘာဝပတ်ဝန်းကျင်သည် ကျယ်ပြန့်သော အကြောင်းအရာ ဖြစ်သဖြင့် တစ်ဥိးတစ်ယောက်တည်းက တာဝန်ယူရေးသားရန် မတတ်နိုင်ပါ။ သို့သောလည်း စီးပွားရေးလုပ်ငန်း၊ အစိုးရအဖွဲ့ နှင့် အခြားအကြောင်းအရာ များကို သဘာဝ ပတ်ဝန်းကျင် ရှုထောင့်မှ ချဉ်းကပ်ရေးသားနိုင်ပါသည်။

      သဘာဝ ဝန်းကျင်ဆိုရာတွင် အိမ်၊ ကျောင်း၊ မော်တော်ယာဉ်၊ စက်ရုံ စသည့် လူဖန်တည်းသည့် သဘာဝ ပတ်ဝန်းကျင် ရှိသကဲ့သို့ လေထု၊ မြေထု၊ ရေထု၊ သစ်ပင်သစ်တောများ၊ တိရစ္ဆာန်များ နှင့် တွင်းထွက် သယံဇာတများစသည့် သဘာဝအလျောက်ဖြစ်သော သဘာဝ ပတ်ဝန်းကျင်လည်းရှိပါသည်။သဘာဝ ပတ်ဝန်း ကျင်ဆိုသည်မှာ မိမိတို့ပတ်လည်တွင်ရှိသော အရာခပ်သိမ်းပင်ဖြစ်၍ မိမိတို့သည် ၎င်း၏ အစိတ်အပိုင်း တစ်ခု သာဖြစ်ပါသည်။

သဘာဝ ပတ်ဝန်းကျင်၏  အရေးပါမှု

      မိမိတို့ အသက်ရှင်သန်ရေးအတွက် သန့်ရှင်းသော လေ နှင့် ရေ လိုအပ်ပါသည်။ စားသုံးသော အစာများကို မြေပေါ်တွင် စိုက်ပျိုး မွေးမြူရပါသည်။ သို့မဟုတ် ပင်လယ်ပြင်မှ ဖမ်းယူရပါသည်။ ချည်ထည်၊ပိုးထည်၊ သားရေ နှင့် သိုးမွှေး စသည့် အဝတ်အထည်များကို အပင် နှင့် တိရစ္ဆာန်များမှ ရရှိပါသည်။ အုတ်၊ ကျောက်၊ သဲ၊ သစ်၊ ဝါး၊ ဘိလပ်မြေ၊ သံထည် စသည့် အိမ်ဆောက်ပစ္စည်းများကို မြေကြီး နှင့် သစ်တောများမှ ရရှိပါသည်။

      အသက်မွေးဝမ်းကျောင်းအတွက် မြေပြင် နှင့် ရေပြင် ကို အားထားရပါသည်။ မြို့နေလူထုသည်လည်း သဘာဝ ကိုမှီခိုရပါသည်။ မော်တော်ယာဉ်များ မောင်းနှင်ရန်အတွက် ရုပ်ကြွင်းလောင်စာများကို အသုံးပြုရပါသည်။ အိမ် နှင့် ရုံးခန်းများအတွက် လိုအပ်သော စွမ်းအင်များကို ကျောက်မီးသွေးများ မီးရှို့ခြင်းဖြင့် လည်းကောင်း၊ ဆည်များအတွင်း သိုလှောင်ထားသော ရေများစီးဆင်းစေခြင်းဖြင့် ရရှိပါသည်။ လူသုံးဆေးဝါး များသည်လည်း အပင်များမှ တိုက်ရိုက်ထုတ်လုပ်ထားခြင်းဖြစ်ပါသည်။ စက်ရုံများစွာတိုကမှာလည်း သဘာဝ ကုန်ကြမ်းများကို အသုံးပြုလျက် ကုန်ချောများ ထုတ်ုလပ်နေကြခြင်းဖြစ်ပါသည်။

       သဘာဝပတ်ဝန်းကျင်သည် မိမိတို့ ကျန်းမာရေးအတွက် အလွန်အရေးကြီးပါသည်။ လေထု၊ ရေထု နှင့် အစားအစာများ အဆိပ်သင့်နေလျင် မိမိတို့ ကျန်းမာရေး ယိုယွင်းလာပြိး အလုပ်ပျက်ကွက်မည်။ အလုပ်မလုပ် နိုင်လျင် ဝင်ငွေမရှာနိုင် သည့်အပြင် ဆေးကုသစရိတ်များလည်း ကုန်ကျဦးမည်။ စာရင်းဇယားများအရ တရုတ်နိုင်ငံတွင် သဘာဝ ပတ်ဝန်းကျင် ညစ်ညမ်းမှုကြောင့် နှစ်စဉ် လူသိန်းပေါင်းများစွာ သေဆုံးနေကြောင်း သိရပါသည်။ သဘာဝ ဝန်းကျင်ညစ်ညမ်းမှုကြောင့် ဖြစ်ပွားရသော ဖျားနာမှုများကြောင့် စီးပွားရေး ကဏ္ဍတွင် ၃-ရာခိုင်နှုန်းခန့် ဆုံးရှုံးရကြောင်းသိရပါသည်။

       သဘာဝ ဝန်းကျင်သည် လူသားများ၏ ဘဝအရည်အသွေး မြင့်မားရေးအတွက် အဓိက နေရာမှပါဝင် လျက်ရှိပါသည်။ တောင်တန်းများ၊ သစ်ပင်များ၊ ရေကန်များ၊ မြစ်များ၊ ရင်ပြင်များ နှင့် ပန်းဥယျာဉ်များသည် မိမိတို့အတွက် အပမ်းဖြေ အနားယူရန် နှင့် လေ့ကျင်ခန်းများပြုလုပ်ရန် အေးချမ်း ဆိတ်ငြိမ်သော နေရာလေးများ ဖြစ်ပါသည်။

      အာရှတိုက်တစ်လွှား ဖွံ့ဖြိုးဆဲ နိုင်ငံများတွင် သဘာဝပတ်ဝန်းကျင်ဆိုင်ရာ စိန်ခေါ်မှုများ နှင့် ရင်ဆိုင်ရလျက် ရှိကြပါသည်။ ဖွံ့ဖြိုးတိုးတက်မှု လျင်မြန်လာသည်နှင့် အမျှ သဘာဝအရင်းအမြစ်များ လျော့ပါးလာသကဲ့သို့ မြစ်များ၊ရေကန်များ၊ သစ်တောများ နှင့် မြေယာ ပျက်စီးမှုများ ဖြစ်ပေါ်လာစေပါသည်။ ဖွံ့ဖြိုးတိုးတက်မှုကြောင့် အလုပ်အကိုင်အသစ်များ ပေါ်ထွက်လာပြိး ခေတ်မီ စာသင်ကျောင်းများ၊ သန့်ရှင်းသော ရေပေးဝေရေးစနစ် နှင့် ကျန်းမာရေး နှင့် ညီညွတ်သော သန့်ရှင်းရေး စနစ်များ ပေါ်ထွန်းလာသ ဖြင့် ကောင်းကျိုးများခံစားရပါသည်။ သို့သော်လည်း ဖွံ့ဖြိုးတိုးတက်မှု နှင့်အတူ မော်တော်ယာဉ်များ။ စက်ရုံများ နှင့် ဆောက်လုပ်ရေး လုပ်ငန်းများ များပြားလာသကဲ့သို့ ထိုအကျိုးဆက်များကြောင့် ညစ်ညမ်းမှုများ တိုးပွားလာပြိး၊ အိမ် နှင့် ပရိဘောဂများအတွက် သစ်သားလိုအပ်မှု မြင့်တက်လာကာ စွမ်းအင်လည်း ပိုမို လိုအပ်လာပါသည်။

      မြို့ပြအိမ်ယာများ တိုးချဲ့လာခြင်းကြောင့် သဘာဝ ရွှံ့ညွှန်တောများ နှင့် သဘာဝ အပင် နှင့် သတ္တဝါမျိုးများ နေထိုင်ပေါက်ပွားရာ နေရာများ ပျက်စိး လျော့နည်းလာပါသည်။ လူအများစားသုံးမှုမှ အမှိုက်သရိုက်များ ပိုမို များပြားလာပါသည်။ လူဦးရေ တိုးပွားလာမှုကြောင့် သစ်တောများအား စိုက်ခင်များအဖြစ် ခုတ်ထွင်ပြောင်းလဲမှု မျာလာသည့်အပြင် စိုက်ခင်းများတွင်လည်း အထွက်နှုန်း တိုးရန်အတွက် ဓါတ်မြေသြဇာ နှင့် ပိုးသတ်ဆေးသုံးစွဲမှု မြင့်တက်လာကာ သက်ရှိများ အဆိပ်သင့်ခြင်း၊ ရေထု နှင့် မြေထု အရည်အသွေး ပျက်စီးလာခြင်းများ ဖြစ်ပေါ်စေပါသည်။

      ကုလသမဂ္ဂအဖွဲ့၏ ခန့်မှန်းချက်အရ ၂၁-ရာစု နှစ်လည်တွင် ကမ္ဘာ့လူဦးရေ သည် သန်းပေါင်း ၉၀၀၀ ခန့် အထိတိုးပွားလာမည်ဖြစ်ပါသည်။ ယခု လူဥိးရေ သန်းပေါင်း ၇၀၀၀ တွင် နောက်ထပ် တရုတ်နိုင်ငံ တစ်နိုင်ငံ နှင့် အိန္ဒိယနိုင်ငံ တစ်နိုင်ငံ တိုးလာမည့် သဘောပင်ဖြစ်ပါသည်။ သို့သော် လူဦးရေသာ တိုးလာခြင်းဖြစ်ပြိး မြေယာ နှင့် အရင်းအမြစ်များ မှာမတိုးလာဘဲ နဂိုအတိုင်းပင် ရှိနေမည်ဖြစ်ပါသည်။

      သို့အတွက် စိန်ခေါ်မှုတစ်ရပ်ကို ရင်ဆိင်ဖြေရှင်းရန် လိုအပ်လာပါသည်။ နောင်အနာဂတ်မျိုးဆက်များ အတွက် သဘာဝ အရင်းအမြစ်များ လုံလုံလောက်လောက်ချန်ထားနိုင်ပြီး လက်ရှိသဘာဝ ဝန်းကျင်အား မပျက် စီးစေဘဲ လူများသည် ထိုက်သည့်သော အဆင့်အတန်းတစ်ရပ် အနေအထားအတိုင်း နေထိုင်နိုင်မည့် လိမ္မာ ကျွမ်းကျင်သော စီမံချက် ချမှတ်နိုင်ရန် အရေးကြီးလာပါသည်။ ထိုအခြေအနေကို ရေရှည်တည်တန့် ခိုင်မြဲသော ဖွံ့ဖြိုးတိုးတက်မှု ဟုခေါ်ပါသည်။

      စိတ်ချမ်းသာဖွယ်ရာ သတင်းကောင်းမှာ လူထု နှင့် ဂျာနယ်လစ်များသည် လက်ရှိအခြေအနေကို သထိထားမိလာခြင်းပင် ဖြစ်ပါသည်။ဘန်ကောက်ကဲ့သို့သော မဟာမြို့တော်ကြီးများသည် ၎င်းတို့ မြို့တော်၏ လေထု အရည်အသွေးအား ပိုမိုသန့်ရှင်းကောင်းမွန်လာစေရန် စတင် ဆောင်ရွက်နိုင်ကြကာ စွန့်ပစ်ပစ္စည်း အမြောက်အများကိုလည်း ပြန်လည်သန့်စင်ခြင်း၊ကုန်ကြမ်းအဖြစ်သုံး၍ ပြန်လည် ထုတ်လုပ်ခြင်း တို့ကို အရှိန် တိုးမြှင့် ဆောင်ရွက်လာကြပြီ ဖြစ်ပါသည်။ စီးပွားရေးလုပ်ငန်းများသည်လည်း စွမ်းအင်ချွေတာရေး နည်းလမ်းများကို  အလေး ထားလာပြိး ရုပ်ကြွင်းလောင်စာ အသုံးပြုမှုကို လျှော့ချလာခဲ့ကြပါသည်။ ထို့အတူ တရုတ်ကဲ့သို့သော နိုင်ငံအချို့တို့သည် အစိမ်းရောင် ဂျီဒီပီ ခေါ် နိုင်ငံတစ်နိုင်ငံ၏ စီးပွားရေး ကြောင့် သဘာဝ ပတ်ဝန်းကျင်အား ထိခိုက်မှုကို တိုင်းတာရန် နည်းလမ်းတစ်ရပ်ကို စတင်ဆွေးနွေးလာကြပြီ ဖြစ်ပါသည်။

      အစိုးရ နှင့် စီးပွားရေးလုပ်ငန်းများသည် သဘာဝ ပတ်ဝန်းကျင် ညစ်ညမ်းမှု နည်းပါးသည့် နည်းပညာများ၊ စွမ်းအင်သုံးစွဲမှု သက်သာသော ထုတ်လပ်မှုလုပ်ငန်းများကို ရွေးချယ်လျက် ရင်းနှီးမြုပ်နှံခြင်း အားဖြင့် သဘာဝပတ်ဝန်းကျင် ပြဿနာများကို စီပွားရေး ဖွံ့ဖြိုးတိုးတက်မှု အားဖြင့် ဖြေရှင်းနိုင်မည်ဖြစ်ပါသည်။ တိုင်းပြည်များ နှင့် ၎င်းတို့၏ စီးပွားရေးများ ဖွံ့ဖြိုးတိုးတက်လာခြင်းအားဖြင့် ပြည်သူပြည်သားများသည် ဝင်ငွေ တိုးတက်လာခြင်း၊ အိမ်ကောင်းများတွင် နေထိုင်ရခြင်း၊ မော်တော်ကားကောင်းများ စီးနင်းရယုံမျှသာမက သန့်ရှင်းကောင်းမွန်သော သဘာဝ ပတ်ဝန်းကျင်ကိုပါ ရရှိလာနိုင်ကြမည်ဖြစ်ပါသည်။

ဂျာနယ်လစ်များ၏ သဘာဝ ပတ်ဝန်းကျင် ဆိုင်ရာ အခန်းကဏ္ဍ

      သဘာဝ ပတ်ဝန်းကျင် အကြောင်းအရာသည် ကြီးမားကျယ်ပြန့်သည် နှင့်အမျှ ဂျာနယ်လစ်များ ပါဝင်နိုင်သည့် အခန်းကဏ္ဍမှာလည်း များပြားလှပါသည်။ ၎င်းတိုကအနက် အချို့ကို ဖော်ပြအပ်ပါသည်။

• ·        သဘာဝပတ်ဝန်းကျင်၏ အရေးပါမှု နှင့်လူသားများကြောင့် ပတ်ဝန်းကျင် အပေါ်ရိုက်ခတ်မှု နှင့် ပတ်ဝန်းကျင်၏ လူသားအပေါ် ရိုက်ခတ်မှု ကို လူအများ သတိပြုမိလာစေရန် အသိပညာပေး လှုံ့ဆော်ရေး လုပ်ငန်းများ ဆောင်ရွက်ခြင်း။

•         သဘာဝပတ်ဝန်းကျင်အား ကာကွယ်စောင့်ရှောက်ရေးအတွက် တည်ဆဲ ဥပဒေ နှင့် မူဝါဒများအား ပြည်သူများ သိရှိလာရေးအတွက် ပညာပေး လုပ်ငန်းများ ဆောင်ရွက်ခြင်း။
•   အစိုးရအဖွဲ့၏ မူဝါဒများ နှင့် လုပ်ဆောင်ချက်များအား အစိုးရမှ တာဝန်ယူရန် နှင့် သဘာဝပတ်ဝန်းကျင် ထိန်းသိမ်းရေး ဥပဒေများ အသက်ဝင် လိုက်နာဆောင်ရွက်ရန် တာဝန်ရှိမှုကို စဉ်ဆက်မပြတ် တိုက်တွန်းနှိုးဆော်ခြင်း။

• ·        စီးပွားရေးလုပ်ငန်းများ၊ ရင်းနှီးမြုပ်နှံသူများ နှင့် အခြားသက်ဆိုင်သူများ၏ သဘာဝ ပတ်ဝန်းကျင် ညစ်ညမ်းမှု နှင့် အစားအစာထုတ်ကုန်များ အဆိပ်သင့် စေရန် မသင်္ကာဖွယ် ဆောင်ရွက်မှုများကို စုံစမ်း ဖော်ထုတ်ခြင်း။

• ·        ပြဿနာများကိုသာမက ဖြေရှင်းရေး နည်းလမ်းများကို ရေးသား အသိပေးခြင်းဖြင့် ပြည်သူလူထုမှ သဘာဝပတ်ဝန်းကျင် ထိန်းသိမ်း စောင့်ရှောက် ကာကွယ်ရေး လုပ်ငန်းများတွင် ပါဝင်ဆောင်ရွက်လာ နိုင်စေရန် ဆောင်ရွက်ခြင်း။

• ·        ပြည်သူလူထုများ သဘာဝ ပတ်ဝန်းကျင် အခြေအနေများကြောင့် အားကိုးရာမဲ့ ခံစားနေရခြင်း၊ သဘာဝ ပတ်ဝန်းကျင်အကြောင်း ကို စိတ်ကုန်သွားခြင်းများ ဖြစ်မသွားစေရန် အဆိုးများသာ ဖော်ပြ သည့် အကြောင်းအရာများကိုသာ အစဉ်တစိုက် ဖော်ပြခြင်း မပြုဘဲ အပြုသဘောဆောင်သော အကြောင်းအရာများကိုလည်း ရှာဖွေဖော်ထုတ်ရေးသားခြင်း။

• ·        သဘာဝပတ်ဝန်းကျင် အကြောင်းအရာများကို လူအများနှင့်  သက်ဆိုင်လာစေရန် အများ ပြည်သူ ကျန်းမာရေးဖြင့်လည်းကောင်း၊ တစ်ဦးချင်း တန်ဖိုးထားရာစံများ ဖြင့်လည်းကောင်း၊ ဖတ်ရှု နားထောင်သူ များ၏ အိတ်ဆောင်မှီငြမ်းပြုရာအဖြစ်လည်းကောင်း ဆက်စပ်ပေးခြင်း။

• ·        အကြောင်းအရာနှင့် သက်ဆိုင်သော ရှုထောင့်အားလုံး အထူးသဖြင့် သဘာဝပတ်ဝန်းကျင်အပေါ် အများဆုံး မှီခိုလျက်၊ သဘာဝ ပတ်ဝန်းကျင် နှင့် အနီးဆုံးတွင် တည်ရှိနေသော ဆင်းရဲသားများ၏ သဘောထား အသံများကို ရှာဖွေ လေ့လာ ဖော်ပြခြင်း။

      မည်သည့် မီဒီယာ အဖွဲ့အစည်းမျှ သဘာဝ ပတ်ဝန်းကျင် အကြောင်းအရာ အားလုံးကို ဖော်ပြရန်အတွက် သတင်းထောက်များအား သီးသန့် တာဝန်ပေး ခန့်အပ်ထားနိုင်မည် မဟုတ်ပါ။ သို့သော်လည်း ဂျာနယ်လစ်များ သည် မိမိတို့၏ နေ့စဉ်တာဝန်များကို လုပ်ဆောင်နေရင်း သဘာဝ ပတ်ဝန်းကျင်ဆိုင်ရာ ကိစ္စရပ်များကို တွေ့ကြုံနေကြမည် ဖြစ်ပါသည်။

       

       ဂျာနယ်လစ်များသည် ပုံမှန်သွားလာလှုပ်ရှားရင်း သဘာဝ ပတ်ဝန်းကျင်ဆိုင်ရာ အကြောင်းအရာများကို တွေ့ရှိနိုင်ပါသည်။ ဖွံ့ဖြိုးရေး စီမ့ကိန်းများ၊ စွမ်းအင်စီမံကိန်းများ၊ ဆည်မြောင်း တည်ဆောက်ရေးများ၊ မြို့ပြ သန့်ရှင်းရေး စီမံကိန်းများ၊ သဘာဝ အရင်းအမြစ်များ၊ တရားမဝင် တောရိုင်းတိရစ္ဆာန် နှင့် သစ်တောထွက် ပစ္စည်းများ ရောင်းဝယ်ခြင်း နှင့် အပြည်ပြည်ဆိုင်ရာ သဘောတူညီချက်များ စသည်တို့ဖြစ်ကြပါသည်။

       

ဂျာနယ်လစ်များသည် သဘာဝပတ်ဝန်းကျင် ကိုယ်စား မေးခွန်းများမေးခြင်းဖြင့် အကျိုးပြုနိုင်ပါသည်။ မည်သည့်အကြောင်းအရာကို ရေးသည်ဖြစ်စေ     ဤဖွံ့ဖြိုးရေးစီမံကိန်း၊ မူဝါဒ၊ ထုတ်ကုန်ပစ္စည်း၊ ဆောင်ရွက် ချက်သည် သဘာဝ ပတ်ဝန်းကျင်ကို မည်သို့ အကျိုးပြု / ထိခိုက်စေနိုင်ပါသနည်း ဟူသောမေးခွန်းကို မေးရန်လိုအပ်ပါသည်။

       

       ဂျာနယ်လစ်များသည် သဘာဝ ပတ်ဝန်းကျင် အကြောင်းကိုရေးရန် ကျွမ်းကျင်ပညာရှင် ဖြစ်ရန်မလိုအပ်ပါ။ သို့သော်လည်း မိမိကိုယ်တိုင် နှင့် မိမိပရိသတ်အား အသိပညာပေးနိုင်ရန် တိကျသော သတင်းအချက်အလက် များရရှိနိုင်ရန် မည်သည့်နေရာသို့ သွားရမည်ကို သိရန်လိုအပ်ပါသည်။ နိုင်ငံတိုင်းတွင် သဘာဝ ပတ်ဝန်းကျင် အကြောင်းအရာများကို ဆောင်ရွက်နေသော သဘာဝ ပတ်ဝန်းကျင် ဆိုင်ရာ အစိုးရမဟုတ်သော အဖွဲ့အစည်းများ၊ အပြည်ပြည်ဆိုင်ရာ အဖွဲ့အစည်းများ ရှိကြပါသည်။ တက္ကသိုလ် ပညာရပ် ဌာနများ၊ သိပ္ပံ ပညာရှင်များ၊ ပုဂ္ဂလိက လုပ်ငန်းများ နှင့် ဆေးရုံများမှလည်း သတင်းအချက်အလက်များ ရရှိနိုင်ပါသည်။ အစိုးရ ဌာနများတွင်လည်း သဘာဝ ပတ်ဝန်းကျင်ဆိုင်ရာ အကြောင်းကိစ္စများ နှင့် သတင်းအချက်အလက်များ ရှိကြပါသည်။

       

        အရေးအကြီးဆုံးအချက်မှာ မေးခွန်းကောင်းများ မေးရန်၊ မူရင်း အကြောင်းအရာကို ထည့်သွင်းစဉ်းစားရန်၊ တိကျသော သတင်းအချက်အလက်များ ရှာဖွေ ဖော်ထုတ်ရန်၊ နှံ့စပ်၍ မျှတမှု ရှိစေရန်၊ အကြောင်းအချက်များ ကို ရှင်လင်းစွာ တင်ပြရန် နှင့် အချိတ်အဆက်မိ၍ စိတ်ဝင်စားဖွယ် အသွေးအရောင်စုံ ဇာတ်လမ်းများကို ဖန်တီး ထုတ်လုပ်ရန်ဖြစ်ပါသည်။

ဂေဟစနစ်များ ( Ecosystems )

      အရာခပ်သိမ်းတို့၏ အပြန်အလှန် ဆက်သွယ် အကျိုးပြုနေခြင်းကို ဂေဟစနစ်ဟုခေါ်ပါသည်။   ဂေဟစနစ် တစ်ခုသည်အသေး အကြီး မည်သည့် အရွယ်အစားမဆို ဖြစ်နိုင်ပါသည်။

 ရေစက်တစ်စက်လည်း ဖြစ်နိုင်ပါသည်။ သစ်တောတစ်အုပ်လည်း ဖြစ်နိုင်ပါသည်။ အရှေ့တောင်အာရှဒေသတွင် တောင်တန်းကြီးများ၊ မြစ်များ၊ အပူပိုင်းသစ်တောများ၊ ရွှံ့ညွှန်ရေအိုင်များ နှင့် သန္တာကျောက်တန်းများ အပါအဝင် ဂေဟစနစ် အမျိုးပေါင်း များစွာ တည်ရှိပါသည်။ ဂေဟစနစ်တစ်ခု အတွင်းရှိ သက်ရှိအမျိုးပေါင်းများစွာတို့ကို ဇီဝမျိုးကွဲများ ( Biodiversity ) ဟုခေါ်ပါသည်။ အာရှတိုက်တွင် ဇီဝမျိုးကွဲပေါင်း များစွာ ရိပါသည်။ 

      သက်ရှိအရာ မျိုးစုံ  တို့သည် အသိးသီး မိမိတို့ ကဏ္ဍအသိးသီးမှ လုပ်ငန်းတာဝန်များ ဆောင်ရွက်နေကြသဖြင့် အားလုံး အရေးပါကြပါသည်။မိမိတို့ သာမန်မျက်စိဖြင့် မမြင်နိုင်လောက်အောင် သေးငယ်သော အနုဇီဝများသည်ပင် မြေဆီလွှာအတွင်းရှိ  သေဆုံးသွားသော အရာများကို ကူညီ၍ ဓါတ်ပြိုကွဲစေခြင်းဖြင့် အပင်များအတွက် အစာသြဇာဓါတ်များ ထုတ်လုပ်ပေးနိုင်ပါသည်။ အပင်များကို ငှက်များ နှင့် တိရစ္တာန်ငယ်များက စားသုံး၍ ၎င်းတို့အား ပို၍ကြီးသော တိရစ္ဆာန်များက စားသုံးခြင်းခံကြရပါသည်။ 

      အစာကွင်းဆက်အတွင်းရှိ အရာတစ်ခုအား ဖယ်ရှားလိုက်လျင် အရာအားလုံးအား ထိခိုက်ပါသည်။ သို့အတွက်ကြောင့် ပတ်ဝန်းကျင်ထိန်းသိမ်းရေးသမားများက မျိုးတုံးလုနီး မျိုးစိတ်များအား ကယ်တင်ရန်ကြီးစား နေကြခြင်းဖြစ်ပါသည်။ ထို့အပြင် ထိုမျိုးစိတ်များသည် မိမိတို့၏ယဉ်ကျေးမှု နှင့် ကိုယ်ပိုင်လက္ခဏာအတွက် အရေးပါသောကြောင့်လည်း ဖြစ်ပါသည်။ 

လူသားများက ဂေဟစနစ်တစ်ရပ်အတွင်း များစွာ ဝင်ရောက်စွက်ဖက် ပါက ၎င်းတို့၏ သဘာဝ ထိန်းညှိမှုကို ပျက်စိးစေပြိး တစ်ခါတစ်ရံ ကပ်ဘေးများပင် ဖြစ်ပေါ်စေပါသည်။

      သစ်ပင်အများအပြားကို ခုတ်လှဲပါက ( သစ်တောများ ပြုန်းတီးမှု ) သစ်ပင်များသည် မိုသည်းထန်စွာ ရွာသောအခါ ရေအမြောက်အများကို စုတ်ယူ မထိန်းသိမ်းထားနိုင်တော့သဖြင့် အနီးရှိရွာများတွင် ရေလျှံမှုများ၊ တောင်ပြိုမှုများဖြစ်ပေါ်စေပါသည်။ ဒီရေသစ်တောများကို ထင်းအလို့ငှာဖြစ်စေ၊ ရေငန်ပုစွန်မွေ့းမြူရန် နေရာအတွက် ဖြစ်စေ အလွန်အကျွံ ခုတ်လှဲလိုက်ပါက ဆိုင်ကလုန်း နှင့် အခြားမုန်တိုင်းများကို မကာကွယ်နိုင်တော့ပါ။ 

      ထို့အတူ မြေအောက်တွင် သဘာဝ အလျောက် သိုလှောင်ထားသော မြေအောက်ရေများကို အလွန်အကျွံ ထုတ်ယူသုံးစွဲမိပါက မြေပေါ်ရှိ အဆောက်အဦးများ နှင့် မြို့ပြီးများသည် တဖြည်းဖြည်း မြေအောက်သို့ နိမ့်ကျ  ( subsidence ) သွားပါသည်။ ထိုသို့မြေကျွံကျခြင်းအားဖြင့် ရေလွှမ်းမိုးမှုများ၊ ပင်လယ်မျက်နှာပြင် မြင့်တက် လာမှုများကို ကာကွယ်နိုင်စွမ်းလျော့နည်းလာပါသည်။

      ဒေသတစ်ခုတွင် တောင်သူလယ်သမားများသည် တိရစ္ဆာန်အရေအတွက် အမြောက်အများ မွေးမြူထား သော အခါတွင် သဘာဝ စားကျက်များအား အကုန်အစင်စားလိုက်သဖြင့် သဘာဝ အပင်များ တုံးသွားပါသည်။ ဖုံးလွှမ်းထားသော အပင်များ မရှိလျင် မြေဆီလွှာသည် လေတိုက်ခိုက်သဖြင့်လည်းကောင်း၊ မိုးရေတိုက်စား သဖြင့်လည်းကောင်း လေလွင့် မျောပါ ဆုံးရှုံးသွားပါသည်။ သဘာဝပေါက်ပင်များအား တိရစ္ဆာန်အများအပြားက အလွန်အကျွံစားသုံးခြင်းသည်လည်း တစ်စတစ်စနှင့် သဲကန္တာရဖြစ်ခြင်း ( desertification ) ၏ အကြောင်းရင်းများအနက် တစ်ခုအပါအဝင်ဖြစ်ပါသည်။

      သဘာဝတရားဖြစ်စဉ်များသည်ပင် ဂေဟစနစ်၏ ညီမျှထိန်းညှိမှုကို ပျက်ပြားစေတတ်ပါသည်။ မိုးခေါင်ေ၇ရှားမှုကြောင့် မြေဆီလွှာတိုက်စားခြင်း နှင့် တဖြည်းဖြည်း သဲကန္တာရဖြစ်ခြင်းကို အားပေးပါသည်။ မုန်တိုင်း နှင့် သဘာဝကပ်ဘေးများသည် တောတောင်ရေမြေ အနေအထားများကို ဖျက်ဆီး၍ မြစကြောင်းများကို ပြောင်းလဲကာ သေကြေပျက်စီးမှုများကို ဖြစ်စေပါသည်။

      သို့သောလည် သဘာဝ တရားသည် ခံနိုင်ရည်ရှိပြိး အလိုက်သင့် တွန်းလှန် ကျော်လွှားနိုင်စွမ်းလည်း ရှိပါသည်။ အချိန်ကာလ တစ်ရပ်အတွင်းမှာပင် ပြန်လည် ကောင်းမွန်လာကာ လိုအပ်သော ညှိနှိုင်းမှုများ ပြည်လည်ဆောင်ရွက်ခြင်းဖြင့် ညီမျှခြေ အသစ်ပြည်လည် တည်ဆောက်လေ့ရှိပါသည်။ သဘာဝ ကပ်ဘေးများ သည် တစ်ခါတစ်ရံ မျှော်လင့်မထားသော အကျိုးများလည်း ဖြစ်ထွန်းလာလေ့ရှိပါသည်။ ဥပမာအားဖြင့် ရေလွှမ်း မိုးမှုကြောင့် သေကြေပျက်စီးမှုများ ဖြစ်သော်လည်း ရေကျသွားသောအခါ နှုန်းများပို့ချခြင်းဖြင့် မြေဆီလွှာများ ပြည်လည်ကောင်းမွန်လာပြိး သီးနှံအထွက်တိုးလာတတ်ပါသည်။ ထိုင်းနိုင်ငံ တောင်ပိုင်းတွင် ဆူနာမီရေလှိုင်းကြောင့် သေကျေပျက်စီးမှုများ ခံစားခဲ့ရသော်လည်း ပင်လယ်ကမ်းခြေများမှ အမှိုက်သရိုက်များ နှင့် သဲမဟောင်းများကို သယ်ဆောင်သွားပြိး ဖြူဖွေးသန့်စင်သော ပင်လယ်ကမ်းခြေများ ဖြစ်ပေါ်လာစေပါသည်။

     သဘာဝ ပတ်ဝန်းကျင် ဆိုင်ရာ ဂျာနယ်လစ်များသည် ဤသို့သောဆက်နွယ်မှုများကို ရှာဖွေ ဖော်ထုတ်လျက် ပြန်လည်တင်ပြပေးရန် ဖြစ်ပါသည်။

ကျန်းမာရေး နှင့် သဘာဝ ပတ်ဝန်းကျင်         

      သဘာဝ ပတ်ဝန်းကျင် နှင့် ပြည်သူ့ကျန်းမာရေးသည် ဆက်စပ်လျက်ရှိပါသည်။ စက်ရုံများ၊ မွေးမြူစိုက်ပျိုး ရေးလုပ်ငန်းများ နှင့် အဆောက်အဦးများ ညစ်ညမ်းလာပါက အစာကွင်းဆက်အတွင်း နှင့် မိမိတို့၏ သွေများ အတွင်း အဆိပ်သင့် ပစ္စည်းများ ဝင်ရောက်စုပုံလာကာ အဆိပ်သင့်မှုများ၊ ကင်ဆာ နှင့် အခြား ကျန်းမာရေး ဆိုင်ရာ ပြဿနာများ ဖြစ်ပွားစေပါသည်။ 

      အနောက်နိုင်ငံများမှ ကွန်ပြူတာ နှင့် ကင်မရာအဟောင်းများအပါအဝင် အီလက်ထရွန်နစ် စွန့်ပစ် ပစ္စည်းများအား အာရှနိုင်ငံများသို့ သယ်ဆောင်လာပြီး အသုံးဝင် ပစ္စည်းများ ပြန်လည်ထုတ်လုပ်ရန် လုပ်ဆောင်ကြပါသည်။ ထိုပစ္စည်းဟောင်း မျာအား ပြန်လည်ဖြုတ်ရာတွင် အန္တရာယ်ကာကွယ်ရေး ပစ္စည်များ စနစ်တကျမသုံးပါက ကင်ဆာဖြစ်စေသော ဓါတုပစ္စည်းများ နှင့် ဒိုင်အောက်ဇင်များ နှင့် ထိတွေမိကြပါသည်။ ဒိုင်အောက်ဇင်သည် ကင်ဆာ နှင့် မျိုးဆက်ပွားချို့ယွင်းမှုများကို ဖြစ်စေသော ဓါတုပစ္စည်း တစ်မျိုးဖြစ်ပြိး ပလတ်စတစ်များကို မီးရှီု့ရာမှ ထွက်ပေါ် လာပါသည်။ ထိုစက်ရုံများမှ လုပ်သားများသည် အသက်ရှူ လမ်းကြောင်း ဆိုင်ရာရောဂါများ၊ အရေပြားရောဂါများ နှင့် နာတာရှည်ရောဂါများ ဖြစ်ပွားကြပါသည်။

      ကူးစက်ရောဂါများစွာတို့သည် မိမိတို့၏ နေထိုင်ရာဝန်းကျင် နှင့် ဆက်စပ်လျက်ရှိပါသည်။ တီဘီရောဂါ သည် လေဝင်လေထွက် ညံ့ဖျင်းသော လူနေထူထပ်သည့် နေရာများတွင် ကူးစက်ပြန့်ပွားလျက်ရှိပါသည်။ ငှက်ဖျားရောဂါသည် တောတွင်း နှင့် နယ်စပ်ဒေသများတွင် ဖြစ်ပွားလျက်ရှိပါသည်။ ဆင်းရဲသူ ဆင်းရဲသားများ သည် သန့်ရှင်သောရေ နှင့် စနစ်ကျသော သန့်ရှင်းရေးစနစ်များ မရှိသည့်အားလျော်စွာ ထိခိုက်လွယ်ဆုံးသူများ ဖြစ်လာကြပါသည်။ မဖွံ့ဖြိုးသောဒေသများတွင် ရေလွှမ်းမိုးမှုကြောင့် ဝမ်းပျက်ဝမ်းလျှောရောဂါ နှင့် ဝမ်းကိုက် ရောဂါများ ကူးစက်ပျံ့နှံ့စေပါသည်။ ဆင်းရသူ ဆင်းရဲသားများသည် လယ်ကွင်း နှင့် စက်ရုံများတွင် အလုပ်လုပ်ရင်း ဘေးကင်းသော အကာအကွယ် ပစ္စည်းများမပါဘဲ ဓါတုပစ္စည်းများနှင့် ထိတွေ့ကိုင်တွယ် နေကြရပါသည်။

နိုင်ငံများစွာ နှင့် ဆက်နွယ်မှု 

      သဘာဝ ပတ်ဝန်းကျင်ဆိုင်ရာ အကြောင်းကိစ္စများသည် တစ်ခါတစ်ရံ နယ်စည်းများကို ကျော်လွန် လျက် နိုင်ငံများစွာ ပါဝင်ပတ်သက်လေ့ရှိနိုင်ပါသည်။ မြစ်အထက်ပိုင်းရှိ နိုင်ငံများက ဆည်ရေ အတွက် နှင့် ရေအားလျှပ်စစ်ထုတ်ရန် မြစ်ရေများကို အများအပြား သိုလှောင်လိုက်လျင် မြစ်အောက်ပိုင်းရှိ နိုင်ငံများအတွက် ရေရရှိမှုနည်းသွားမည် ဖြစ်ပါသည်။

      တရုတ်နိုင်ငံက မဲခေါင်မြစ်ပေါ်တွင် ဆည်များစွာ တည်ဆောက်လိုက်သဖြင့် မဲခေါင်မြစ်ကြောင်းပြောင်းသွားကာ မြစ်အောက်ပိုင်းရှိ ထိုင်းနိုင်ငံ၊ လာအိုနိုင်ငံ၊ ဗီယက်နမ်နိုင်ငံ နှင့် ကမ္ဘောဒီးယားနိုင်ငံများအတွက် အခက်အခဲဖြစ်လာပါသည်။ မြစ်ရေ မျက်နှာပြင် နိမ့်ကျသွားပြီး ပင်လယ်ရေ မျက်နှာပြင် မြင့်တက်လာသဖြင့် မဲခေါင်မြစ်ဝကျွန်းပေါ်ဒေသများတွင် ပင်လယ်ဆားငံရေ ဝင်ရောက်( saltwater intrusion ) လာစေပါသည်။

     

       ထို့အတူ အာရှဒေသမှ မီးခိုးလုံးများ၊အမှုန်များများသည် တိမ်တိုက်အသွင်ဖြင့် မြောက်အမေရိကတိုက် တိုင်အောင် လွင့်မျော သွားလေ့ရှိပါသည်။ ဖွံ့ဖြိုးပြိး စက်မှုနိုင်ငံများမှ ကာဘွန်ဓါတ်ငွေ့ထုတ်လွှင့်ညစ်ညမ်းမှု ( carbon pollution ) သည် ဖွဲ့ဖြိုးဆဲ နိုင်ငံများတွင် သဘာဝကပ်ဘေးများ ဖြစ်စေရန် တွန်းအားပေးလျက် ရှိပါသည်။

       

      သဘာဝတောရိုင်း တိရစ္ဆာန်များသည်လည်း နိုင်ငံတကာ သတ်မှတ်ထားသော နယ်နိမိတ်များကို ကျော်လွန်လျက် သွားလာရှင်သန်နေကြပါသည်။ ငှက်များ နှင့် ငါးများစွာတို့သည် ၎င်းတို့၏ မူရင်း သားပေါက် ရာဒေသများသို့ ကီလိုမီတာ ထောင်ပေါင်းများစွာ ပျံသန်း ကူးခတ်လျက် ရွှေ့ပြောင်းသွားလာနေကြပါသည်။ သို့အတွက်ကြောင့် ဒေသတစ်ခုတွင် အလွန်အကျွံ ငါးဖမ်းဆီးခြင်း၊ ဆည်ကြီးများတည်ဆောက်ခြင်းအားဖြင့် အခြားဒေသတစ်ခု၏ ငါးထုတ်လုပ်မှုကို လျော့နည်းပျက်စိးစေနိုင်ပါသည်။ နိုင်ငံများစွာတို့အကြား အခြားနိုင်ငံ၏ သဘာဝပတ်ဝန်းကျင်ကြောင့် မိမိတို့နိုင်ငံတွင် ထိခိုက်မှုများ ကြုံရကြောင်း ငြင်းခုန်မှုများ ပိုမိုများပြားလာပါသည်။                                                                                                                           

ရာသီဥတု ပြောင်းလဲမှု ( Climate Change )

       

ရာသိဥတု ပြောင်းလဲမှုသည် ၂၁-ရာစုနှစ်၏ အရေးကြီးဆုံး အကြောင်းကိစ္စတစ်ခု ဖြစ်ပါသည်။ အခြားသော သဘာဝ ပတ်ဝန်းကျင် အကြောင်းကိစ္စများကဲ့သို့ပင် ရာသိဥတု ပြောင်းလဲမှုသည် လူတို့၏ လုပ်ဆောင်မှု များကို ကသောင်းကနင်းဖြစ်စေပါသည်။ လေထုအတွင်း ကာဗွန်ဒိုင်အောက်ဆိုဒ်ဓါတ်ငွေ့များ စုပုံလာခြင်း  နှင့် ကမ္ဘာမြေပြင်၏ အပူချိန် မြင့်တက်လာခြင်းတို့သည် လူသားများ နေထိုင်ရာဒေသ နှင့် နေထိုင်မှု ပုံစံများအပေါ် ကျယ်ကျယ်ပြန့်ပြန့် လွှမ်းမိုးလာမည်မှာ သေချာပါသည်။

      

       သိပ္ပံပညာများအားလုံး နီးပါးတို့သည် ကမ္ဘာကြီး၏ အပူချိန် တိုးတက်လာကြောင်း တညီတညွတ်တည်း လက်ခံ သဘောတူကြပါသည်။ လွန်ခဲ့သော နှစ်တစ်ရာကာလအတွင်း ကမ္ဘာမြေမျက်နှာပြင်၏ ပျမ်းမျှအပူချိန်သည် ၁-ဒီဂရီ ဆဲလ်စိးယပ်စ် တိုးမြင့်လာကြောင်းတွေ့ရပါသည်။ ကမ္ဘာမြေပြင် နေရာအနှံ့ ထောင်ပေါင်းများစွာသော နေရာများတွင် နှစ်ပေါင်းများစွာ အပူချိန်တိုင်း မှတ်တမ်းတင်ထားသဖြင့် တွက်ချက် ဖော်ပြနိုင်ခြင်းဖြစ်ပါသည်။ အာတိတ်စက်ဝိုင်းဒေသကဲ့သို့ အချို့နေရာများတွင် အခြားနေရာများထက် ပိုမိုလျင် မြန်စွာ ပူနွေးလာသဖြင့် ရေခဲထုများ နှင့် နှင်းထုများ လျင်မြန်စွာ အရည်ပျော်စပြုလာပါသည်။ အချို့နေရာဒေသ များတွင် ပိုမိုအေးလာပါသည်။ ဤကဲ့သို့သော အပူးချိန် အပြောင်းအလဲ၊ အတက်အကျများကို ပိုမိုကြုံတွေ့လာ ဖွယ်ရာရှိပါသည်။ သို့အတွက်ကြောင့် သိပ္ပံပညာရှင်များက ကမ္ဘာကြီူးပူနွေးမှု ( Global Warming  ) အစား ရာသီဥတု ပြောင်းလဲ မှု (  Climate Change   ) ဟုသုံးစွဲရန် ပိုမိုနှစ်သက်ကြခြင်း ဖြစ်ပါသည်။

       

      တစ်ပြိုင်တည်းမှာမင် ကမ္ဘာ့လေထုအတွင်းတွင် ကာဗွန်ဒိုင်အောက်ဆိုဒ် နှင့် အခြားဓါတ်ငွေ့များလည်း တဖြည်းဖြည်း များပြားလာလျက်ရှိပါသည်။ အဆိုပါ မျက်စိဖြင့် မမြင်ရသော မော်လီကျူးများသည်   နေရောင်ခြည်မှ အပူဓါတ်များကို ဖမ်းဆွဲသိုလှောင်ထားပါသည်။ ထိုမှတဆင့် သဘာဝ ပတ်ဝန်းကျင်အား တဖြည်းဖြည်း ပူနွေးလာပါသည်။ အလုံပိတ်ထားသော ဖန်လှောင်အိမ်အတွင်း အပူဓါတ်ကို သိုလှောင်ထားကာ ရာသီဥတုအေးလာသောအခါ အပင်များ ရှင်သန်ကြီးထွားလာနိုင်စေရန် ကူညီပေးခြင်း  

ဖန်လုံအိမ် အာနိသင် ( Greenhouse effect )  နှင့် အလားသဏ္ဍာန်တူ ပါသည်။

     ကာဗွန်ဒိုင်အောက်ဆိုဒ်အား မောတော်ယာဉ်များ နှင့် ကျောက်မီးသွေးလောင်စာသုံး စက်ရုံများ အပါအဝင် အရင်းအမြစ်များစွာမှ ထုတ်လွှတ်ပေးပါသည်။ ထိုဓါတ်ငွေ့အမြောက်အများကို ဖွံ့ဖြိုးဆဲနိုင်ငံများတွင် သစ်တောများအလွန်အကျွံ ခုတ်ယူသောအခါများ နှင့် သစ်ပင်များသေကြေဆွေးမြေ့ခြင်း သို့မဟုတ် မီးရှို့ရာမှလည်း ထုတ်လွှတ်ပေးပါသည်။ ထို့အတူ သစ်ပင်များမရှိလျင် ကာဗွန်ဒိုင်အောက်ဆိုဒ်များကို စုတ်ယူခြင်း မရှိတော့သဖြင့် ကာဗွန်ဒိုင်အောက်ဆိုဒ်များ လေထုအတွင်း ပိုမိုများပြားလာပါသည်။ ဖန်လုံအိမ် အာနိသင် ဖြစ်ပွားစေသော ဓါတ်ငွေ့များတွင် အပင်များဆွေးမြေ့ခြင်း နှင့် တိရစ္ဆာန်များ၏ စွန့်ထုတ်ပစ္စည်းများ မှထုတ်လွှတ်သော မီသိန်းဓါတ်ငွေ့ နှင့် စက်မှုလုပ်ငန်းများ နှင့် မော်တော်ယာဉ်များမှ စွန့်ထုတ်သော နိုက်ထရပ်စ် အောက်ဆိုဒ် များလည်းပါဝင်ပါသည်။   

     သိပ္ပံပညာရှင်များက ကာဗွန်ဒိုင်အောက်ဆိုဒ်များ တဖြည်းဖြည်းများပြားလာခြင်း နှင့် ကမ္ဘာကြီး ပူနွေးလာခြင်းသည် လူသားများ၏ လုပ်ဆောင်မှုများကြောင့် ဖြစ်ကြောင်း နှင့် လူသားများတွင် တာဝန်ရှိကြောင်း သဘောတူ လက်ခံကြပါသည်။ စက်မှုတော်လှန်ရေးစတင်ချိန် နှင့် မီးခိုးထုတ် စက်ရုံများ စတင်ချိန်မှစ၍ ယနေ့လက်ရှိကာလအတွင်း ကာဗွန်ဒိုင်အောက်ဆိုဒ်ပါဝင်နှုန်းသည် ၃၅- ရာခိုင်နှုန်တိုးပွားလာပါသည်။ ကမ္ဘာ့လေထုအတွင်းပါဝင်မှုမှာ ၁-ရာခိုင်နှုန်းအောက်လျော့သော်လည်း နှစ်ပေါင်းရာချီ၍ တည်မြဲ နေနိုင်ပါသည်။ ဆိုလိုသည်မှာ ယနေ့ကာလတွင် မိမိတို့၏ မော်တော်ယာဉ်  နှင့် မော်တော်ဆိုင်ကယ်မျုားမှ ထုတ်လွှတ်လိုက်သော ကာဗွန်ဒိုင်အောက်ဆိုဒ်ဓါတ်ငွေ့များသည် လက်ရှိ ရာသီဥတု အခြေအနေအပေါ် နောင်မျိုးဆက်ပေါင်းများစွာ ထိခိုက်လွှမ်းမိုလျက် ရှိနေဦးမည်ဟူသည့် အချက်ပင် ဖြစ်ပါသည်။

     ကွန်ပြူတာပုံစံများ အသုံးပြု၍ သိပ္ပံပညာရှင်များ၏ တွက်ချက်မှုများ အရ လေထုအတွင် ကာဗွန်ဒိုင် အောက်ဆိုဒ် ပါဝင်မှုသည် ဤရာစုနှစ်ဝက် အလည်ကာလခန့်တွင် ၂-ဆခန့်တိုးလာမည်ဟု ခန့်မှန်းရပါသည်။ ထိုသို့ဖြစ်လာပါက ကမ္ဘာ့ပျမ်းမျှအပူချိန်သည် ၁.၅-ဒီဂရီ ဆဲလ်စီးယပ်စ်မှ ၅-ဒီဂရီ ဆဲလ်စီးယပ်စ်အတွင်း သို့မဟုတ် ပို၍မြင့်တက်လာနိုင်ပါသည်။ သိပ္ပံကညာရှင်များက အပူးချိန်သည် ၂-ဒီဂရီ ထက်ပိုများလာပါက သဘာဝပတ်ဝန်းကျင်တွင် နဂိုမူလအတိုင်း ပြန်မဖြစ်နိုင်သော ပြောင်းလဲမှုများ ဖြစ်ပေါ်လာမည်ကို စိုးရိမ်ပူပန်နေ ကြပါသည်။

     ရာသီဥတုပြောင်းလဲမှု၏ ရိုက်ခတ်မှုများသည် အလွန်အမင်း ဖျက်ဆီးစွမ်းအားကြီးမားနိုင်ပါသည်။

·        ရေခဲမြစ်များ နှင့် ရေခဲပြင်ကြီးများ  အရည်ပျော်ခြင်းများ ဖြစ်ပေါ်လာနိုင်ပါသည်။

·        မိုးခေါင်မှုများ နှင့် ပူပြင်းသောကာလများ ရှည်ကြာလာနိုင်ပါသည်။

·        မိုးသည်းထန်စွာရွာသွန်းမှုများ နှင့် ရေလွှမ်းမိုးမှုများ ပိုများလာနိုင်ပါသည်။

·        အင်အားကြီးမားသော မုန်တိုင်းများ နှင့် သဘာဝကပ်ဘေးများပိုမိုကျရောက်လာနိုင်ပါသည်။

·        ဂေဟစနစ်များ အဖျက်ဆီးခံရပြိး မျိုးစိတ်များ ပိုမို ပြုန်းတီးလာနိုင်ပါသည်။

·        ရောဂါများ ပိုမိုများပြား လာနိုင်ပါသည်။

အရှေ့တောင်အာရှဒေသ မဲခေါင်မြစ်ဝှမ်းဒေသကဲ့သို့သော မြေနိမ့်မြစ်ဝှမ်းများသည် ပင်လယ်ရေမျက်နှာပြင် ၁-မီတာထက်ပိုတက်လာပါက ရေမြုပ်ပျောက်ကွယ်သွားနိုင်ပါသည်။ ပင်လယ်ရေမျက်နှာပြင်မှာလည်း အပူချိန်တက်လာသည်နှင့်အမျှ   ရေပြင်ကျယ်ပြန့်လာသည့်အပြင်၊ ရေခဲပြင်ကြီးများ အရည်ပျော်ကုန်သဖြင့် ပင်လယ်ရေမျက်နှာပြင် မြင့်တက်လာရခြင်းဖြစ်ပါသည်။ 

      ပညာရှင်များ၏ ခန့်မှန်းချက်များ အမျိုးမျိုးကွဲပြား သော်လည်း  နှစ်ပေါင်းများစွာအကြာတွင် အမှန်ဖြစ်ပျက်လာမည်ဖြစ်ပါသည်။ ရန်ကုန်မြို့ နှင့် ဟိုင်ဖုန်မြို့ ( Yangon & Haiphong ) တို့သည် ရွှံ့ညွှန်ကွင်းများ ဖြစ်လာမည်ဖြစ်ပါသည်။ အဆိုပါဒေသနေ ပြည်သူများ သည် သူတို့ကိုယ်တိုင် သတိမထားမိသော်လည်း ရာသိဥတု ပြောင်းလဲမှု ကို စတင်ခုခ့နေကြပြီဖြစ်ပါသည်။ ဗီယက်နမ်နိုင်ငံ မဲခေါင်မြစ်ဝှမ်းနေ ပြည်သူများသည် မြင့်တက်လာမည့် ပင်လယ်ရေကို ကာကွယ်ရန် တာဘောင်များကို မြှင့်၍တည်ဆောက်နေကြပါသည်။ ထိုင်းနိုင်ငံ နှင့် မြန်မာပြည် ပင်လယ်ကမ်းရိုးတန်း ဒေသနေ ပြည်သူများသည် ဒီရေတောသစ်ပင်များကို တိုးချဲ့စိုက်ပျိုးခြင်းဖြင့် ပင်လယ်ပြင်ကို နောက်သို့တွန်းထုတ်နေကြပါသည်။ ပင်လယ်ရေမျက်နှာပြင် အဆက်မပြတ် မြင့်တက်လာပါက လူသန်းပေါင်းများစွာ နေရာရွှေ့ပြောင်းကြရပါမည်။ 

 မြေသြဇာကောင်းသော လယ်ကွင်းများစွာ ဆုံးရှုံးကြရပါမည်။ အလုပ်အကိုင်ပေါင်းများစွာ ဆုံးရှုံးကြရမည်ဖြစ်ပါသည်။

      သိပ္ပံပညာရှင်များစွာတို့သည် ပိုမိုပြင်းထန်သော ဆိုင်ကလုန်း နှင့် တိုင်ဖွန်းများအပါအဝင် သဘာဝကပ်ဘေးများ ဖြစ်ပေါ်မှု အရေအတွက် များပြားလာကြောင်း သတိပေးကြပါသည်။ သူတို့က ရာသီဥတုပြောင်လဲမှုကြောင့် ပိုမိုပြင်းထန်သော မုန်တိုင်းများတိုက်ခတ်မည် ဆိုသည်မှာ ယုတ္တိရှိကြောင်း ပြောဆိုကြပါသည်။ မုန်တိုင်းများသည် အင်အားကို မင်လယ်ပြင်မှ ရရှိခြင်းဖြစ်သဖြင့် ပင်လယ်ရေ ပူနွေးလာ လေ မုန်တိုင်များ အင်အား ပြင်းထန်လာလေဖြစ်ပေသည်။ သို့သော်လည်း ယနေ့ထက်တိုင် မည်သည့်မုန်တိုင်းကိုမျှ ဆက်စပ်မပြနိုင်သေးပါ။

      အစိုးရများသည်လည်း ကာဗွန်ထုတ်လွှတ်မှုများကို ထိထိရောက်ရောက် လျှော့ချနိုင်မည့် နည်းလမ်းများကို ဆွေးနွေးအဖြေရှာလျက်ရှိရာ စဉ်ဆက်မပြတ် အားပြည့်လောင်စာများ ပိုမိုသုံးစွဲရေးမှအစ ပတ်ဝန်းကျင် ညစ်ညမ်းမှု လျော့နည်းသော နည်းပညာများရှာဖွေ ဖော်ထုတ်ရေး အထိ နည်းလမ်းပေါင်းစုံ ပါဝင်ပါသည်။ လူအများသည်လည်း စားသုံးမှု လျှော့ချ၍ ပိုမိုချွေတာနိုင်မည့် လူနေမှု ပုံစံများသိုက ပြောင်းလဲနိုင်ရန် ဆွေးနွေးအဖြေရှာလျက်ရှိကြပါသည်။

      အပြည်ပြည်ဆိုင်ရာ အဖွဲ့အစည်းများ နှင့် ဒေသခံ အစိုးရများ ပူးပေါင်း၍ ပြည်သူများ ရာသီဥတု ပြောင်းလဲမှု နှင့် လိုက်လျောညီထွေ နေနိုင်မည့် နည်းလမ်းများကို သူတေသနပြု ရှာဖွေနေဆဲမှာပင်၊ ရာသီဥတ ပြောင်းလဲမှုကြောင့် ဖြစ်ပေါ်လာသည့် ရိုက်ခတ်မှုများကို လျော့ပါသက်သာစေမည့် နည်းလမ်းများ ကိုရှာဖွေလျက်ရှိကြပါသည်။

      ချမ်;သာကြွယ်ဝသော နိုင်ငံများက ဆင်းရဲသောနိုင်ငံများအား သူတို့၏ သစ်တောများအား ထိန်းသိမ်း ထားနိုင်ရန် အလို့ငှာ ငွေကြေးထောက်ပံ့ရန် နည်းလမ်းကို ထည့်သွင်းစဉ်းစားလာကြပါသည်။ ထို့အတူ လေထုညစ်ညမ်းမှု ပမာဏလွန်ကဲနေသော ကုမ္ပဏီများအား ကာဗွန်ထုတ်လွတ်မှု ပမာဏ သတ်မှတ်ချက် အောက် လျော့နည်းနေသော ကုမ္ပဏီများထံမှ မထုတ်လွှတ်ရသေးသော ကာဗွန်အပို ပမာဏကို ငွေကြေး ဖြင့် ဝယ်ယူသုံးစွဲခွင့်ပြုသည့်နည်းလမ်းကိုလည်း အချို့နိုင်ငံများတွင် စတင်ကျင့်သုံးနေပြီဖြစ်ပါသည်။

      

      ဤသို့ဖြင့် Emission Market ခေါ် မထုတ်လွှတ်ရသေးသော ကာဗွန်ထုတ်လွှတ်မှုအပို ပမာဏများအား ဝယ်ယူကာ တဆင့် ပြည်လည်ရောင်းဝယ်သည့်ဈေးကွက်တစ်ခု   ပေါ်ပေါက်လာပါသည်။ အခြားသော နည်းလမ်းများအားဖြင့်လည်း သဘာဝ ပတ်ဝန်းကျင် ပြောင်းလဲမှု နှုန်းကို တဖြည်းဖြည်း လျှော့ချလာနိုင်မည်ဖြစ်ပါသည်။

“ THE ENVIRONMENT “ From “  BEYOND BASICS; An Advanced Journalism Manual “

By; Jeff Hodson and Graham Watts. For The Indochina Media Memorial Foundation First Edition. June 2010.