သားသမီးတွေကို ဖိအား သိပ်မပေးကြပါနဲ့ နော်
ဖိစီးမှုတွေများလွန်းလို့ သမီးလေး သတ်သေသွားတာပါ
ညွန့်အောင် ( မြစ်မခ )
အသက် ၁၉-နှစ်အရွယ် နယူးဂျာဆီ ပင်ဆယ်လ်ဗေးနီးယား တက္ကသိုလ် ကျောင်းသူ နာမည်ကြီး အပြေးမယ် မိန်းမချောလေး ဟာ နာမည်ကျော် တက္ကသိုလ်ကျောင်းမှာ အမှတ်ကောင်းတွေ မရနိုင်လို့ သောကတွေ များပြီး အထပ်မြင့် ကားရပ်နားရာ စခန်းပေါ်ကနေ ခုန်ချသတ်သေသွားတာပါ ဟု သူမ၏ ဖခင်ဖြစ်သူက ပြောကြားလိုက်ပါတယ်။
“ အထက်တန်းကျောင်းအောင်ပြီးစ ပင်ဆယ်လ်ဗေးနီးယား တက္ကသိုလ် သွားခါနီးတုန်းက သမီးလေးက ကမ္ဘာပေါ်မှာ အပျော်ဆုံး မိန်းခလေးပါ။ အထက်တန်းကျောင်းမှာတုန်းက သူမအနေနဲ့ အေးအေးဆေးဆေး အကုန်လိုက်နိုင်ပါတယ် ” ဟု သေဆုံးသူ မေဒိဆင် ဟိုလာရန် ၏ ဖခင် အသက် ၅၂-နှစ်အရွယ် ဂျိမ်းစ်က အလင်ဒေးလ် ရှိ မိသားစု နေအိမ်တွင် ပြောကြားပါသည်။
“ တက္ကသိုလ်ရောက်တော့ သင်ခန်းစာတွေက ခက်လာပါတယ်။ သမီးလေးဟာ ပုံမှန် ပျော်ပျော်ရွှင်ရွှင် မေဒိဆင်လေး မဟုတ်တော့ပါဘူး၊ စိတ်ပူပင်မှုတွေ ဖိအားတွေ အပြည့် နဲ့ မိန်းခလေးတစ်ယောက်ြ
ဖစ်သွားပါပြီ ”ဟု နှလုံးကြေကွဲနေသူ ဖခင်က မျက်ရည်သုတ်ရင်း ပြောပါသည်။
တဆက်တည်းမှာပင် “ စိတ်ဖိစီးမှုတွေက ဘယ်သူမှပေးတာမဟုတ်ပါဘူး။ သူ့ဖာသာ မွေးယူတာပါ။ ကျွန်တော်တို့ သူ့ သောကတွေ ပျောက်သွားအောင် ကုသပေးပေမဲ့ ကလေးမက သူ့သောကတွေ ဘယ်လောက် ပြင်းထန်သလဲဆိုတာ အခြားလူတွေ မသိအောင် မြိုသိပ် ဖုံးဖိထားခဲ့ပါတယ် ” ဖခင်ဖြစ်သူက ဆက်လက် ပြောကြားပါသည်။
မေဒိဆင်သည် သားသမီး ၅-ယောက်အနက် အလတ်ဖြစ်ပြီး လွန်ခဲ့သော ဒီဇင်ဘာလက သူမ သတ်သေချင်လောက်အောင် စိတ်ညစ်နေကြောင်း မိဘများအား ရင်ဖွင့် ပြောကြားခဲ့ပြီး ကျွမ်းကျင်သူ စိတ်ကုဆရာဝန်များထံ ကုသမှု ခံယူနေဆဲ ဖြစ်ပါသည်။
“ သမီးလေး အကူအညီလိုနေတာ ကျွန်တော်တို့ သိပါတယ်။ သူမကိုယ်တိုင်လဲ သိပါတယ်။ ကျောင်းစာဖက်မှာ သူမဖာသာ ယုံကြည်မှု ကင်းမဲ့နေသလို၊ အားကစားဖက်မှာလည်း သူမစွမ်းအင်တွေ ပျောက်နေပါတယ် ” ဟု ဂျိမ်းကပြောရင်း လွန်ခဲ့သော သောကြာနေ့က ဆရာဝန်နှင့် တွေ့ဆုံရန် တိုက်တွန်းပြောကြားရင်း ဆရာဝန်က စိတ်ဖိစီးမှု သက်သာစေမည့် ဆေးဝါးများ ပေးလိမ့်မည် ဖြစ်ကြောင်း ပြောကြားခဲ့သည် ဟု ဖြည့်စွက် ပြောကြားပါသည်။
“ ကျွန်တော် သမီးအတွက် စိတ်ပူလို့ ဆရာဝန်နဲ့ သေသေချာချာ သွားတွေ့ဖို့ ဖုန်းသတင်းပေးပြီး တိုက်တွန်းတော့ သွားတွေ့မှာပါလို့ ပြန်ပြောခဲ့ပါသေးတယ် ” ဖခင်က ပြောပါသည်။
မေဒိဆန်သည် သတ်မသေမီ မော်တော်ယာဉ် ရပ်နားစခန်း ခေါင်မိုးပေါ်တွင် မိဘများအတွက် စာတစ်စောင် နှင့် လက်ဆောင်ပစ္စည်းများ ထားခဲ့ပါသေးးသည်။ သို့သော်လည်း မိဘများက စာတွင် ပါဝင်သော အချက်အလက် များ နှင့် လက်ဆောင်ပစ္စည်း အမျိုးအစားများကို ဖော်ပြရန် ငြင်းဆိုကြပါသည်။
သမီးဖြစ်သူက ပင်ဆယ်ဗေးနီးယား တက္ကသိုလ်မှ အခြား ကျောင်းသို့ ပြောင်းရန် မိဘများနှင့် ဆွေးနွေး တိုင်ပင်ခဲ့သော်လည်း ဂျိမ်းစ်က သူ့သမီး သတ်သေရခြင်းနှင့် ပတ်သက်၍ တက္ကသိုလ်မှ တင်းကြပ်ခက်ခဲ့သော ပညာရေးစနစ်ကို အပြစ်တင်ပြောကြားခြင်း မရှိပါ။ ဖခင်တစ်ဦးအနေဖြင့် သူ့သမီး သေဆုံးရခြင်း အကြောင်းကို အလားတူ အခြေအနေမျိုး တွေ့ကြုံရင်ဆိုင်နေရသော မိသားစုများအတွက် သတိထားစရာ အတွေ့အကြုံတစ်ရပ်ကို ဝေငှခြင်းသာ ဖြစ်ကြောင်းပြောကြားပါသည်။
မေဒိဆင် ဟိုလာရန် သည် ကားရပ်နားစခန်း မှ ခုန်မချမီ တစ်နာရီခန့်က ရစ်တန်ဟောက်စ် ရင်ပြင်မှ နေဝင်ရှုခင်း ဓါတ်ပုံတစ်ပုံအား သူမ၏ အင်စတာဂရမ် အကောင့်မှ တဆင့် လွှင့်တင်ခဲ့ပါသေးသည်။
ဖီလာဒဲလ်ဖီယာ ရဲတပ်ဖွဲ့က ဟိုလာရန်အား ဂျက်ဖာဆင် ဆေးရုံသို့ တင်ပို့ခဲ့သော်လည်း ညနေ ၇၊၁၇ နာရီတွင် သေဆုံးသွားခဲ့ကြောင်း ပြောကြားပါသည်။
ဟိုလာရန်သည် ပင်ဆယ်လ်ဗေးနီးယား တက္ကသိုလ် ပြေးခုန်ပစ် အသင်း နှင့် အလင်ဒေးလ် အထက်တန်းကျောင်း ကျောင်းသူတစ်ဦးအနေဖြင့် ဝင်ရောက်ယှဉ်ပြိုင်ခဲ့ပြီး နယူးဂျာစီ ပြည်နယ်၏ မီတာ-၈၀၀ ချန်ပီယန်ဆု ဆွတ်ခူနိုင်ခဲ့ပါသည်။ သူမတွင် အသက် ၂၆၊ ၂၀ နှင့် ၁၆ နှစ်အရွယ် ညီအစ်မများ နှင့် ၁၅-နှစ် အရွယ် မောင်ငယ် တစ်ယောက် ရှိပါသည်။
ဟိုလာရန်သည် လွန်ခဲ့သော တစ်လမပြည့်မီကာလက သူ့အစ်မ ယောက်ျားလေးတစ်ဦး မွေးဖွားပြီးနောက် “ တစ်သက်တာလုံးမှာ အကောင်းဆုံး နှစ်သစ်ကူး လက်ဆောင်ရပြီဟေ့၊ ဒီနေ့ ငါ အဒေါ် ဖြစ်သွားပြီ၊ ပျော်စရာ နှစ်သစ်ပါ မိတ်ဆွေတို့ ” ဟု တွစ်တာတွင် ရေးသားဖော်ပြခဲ့ပါသေးသည်။
( ရည်ညွှန်း - နယူးရောက်ပို့စ် ၂၀-၁-၂၀၁၄ အွန်လိုင်း )
